Monday, March 28, 2016

အိမ်တွင်း စကော၊စကာနှင့် တင်းတောင်းယက်လုပ်ခြင်းဖြင့် မိသားစုဝင်းငွေရရှိ




စလင်း        မတ်      ၂၇
        စလင်းမြို့နယ်၊စာစီကျောင်းရပ်ကွက်တွင် အိမ်တွင်း ၀ါးနှီး/ကြိမ်းများဖြင့် စကော၊စကာနှင့် တင်းတောင်း/လောင်းတောင်း ယက်လုပ်ခြင်းများဖြင့် မိသားစုဝင်းငွေ တိုးပွားရရှိလျက်ရှိသည်။

          ၀ါးနှီးများဖြင့်ယက်လုပ်သော စကော၊စကာ၊ပဲချစကာ များကို အရွယ်အစားပေါ်မူတည်၍ (၁၁၀၀ိ/-)ကျပ်မှ (၁၆၅၀ိ/-)ကျပ်ထိရရှိပြီး၊ ယက်လုပ်သော ၀ါးတစ်လုံးလျင် (၅၅၀ိ/-) ကျပ်ဖြင့်ဝယ်ယူယက်လုပ်ကြ ရသည်။ယက်လုပ်ရာတွင်  ၀ါးနှီးဖျားခြင်း၊စကော/စကာ ယက်လုပ်ခြင်း၊ကြိမ်ဖြင့် အနားကွပ်ခြင်းများ အဆင့်ဆင့် ဆောင်ရွက်ရပြီး တစ်နေ့လျင် ယက်လုပ်သူတစ်ဦး(၈)ချပ်မှ (၁၀)ချပ်ထိ ယက်လုပ်နိုင်သည်။အနားကွပ်သည့် ကြိမ်ကို မန္တလေးမြို့ ကျွဲဆည်ကန်မှ မှာယူအသုံးပြုပြီး ကြိမ်နန်းဆွဲ၍ အနားကွပ်ခြင်းနှင့် ကြိမ်တင်းတောင်းပြုလုပ်ရာများတွင် အသုံးပြုကြသည်။
          ကြိမ်တင်းတောင်း တစ်လုံးကို (၂၅၀၀၀ိ/-)ကျပ်ထိရရှိပြီး၊ ရိုးရိုး ၀ါးနှီးဖြင့်ယက်လုပ်သော တင်းတောင်း များတွင် (၁၆)ပြည်တင်းတောင်း အကြမ်းတစ်လုံးလျင်(၃၀၀၀ိ/-)ကျပ်၊အချောတစ်လုံးလျင်(၅၀၀၀ိ/-)ကျပ်၊ (၆)ပြည်ဝင်တောင်းတစ်လုံးလျင် အကြမ်း(၂၀၀၀ိ/-)ကျပ်၊အချော(၂၅၀၀ိ/-)ကျပ်ထိရရှိ၍ အိမ်တွင်း လက်မှုလုပ် ငန်းဖြင့် မိသားစုဝင်ငွေ တိုးပွားရရှိလျက်ရှိကြောင်းသိရသည်။
တင်ထွန်းဦး(မင်းဘူး)

0 comments:

Post a Comment