Monday, March 28, 2016

မကွေးတိုင်းဒေသကြီးအစိုးရအဖွဲ့ ရန်ပုံငွေဖြင့် ဆောင်ရွက်သည့် (၁၂၁)စင်းမြောက် လက်ပံကျင်းချောင်းတံတားဖွင့်လှစ်




စလင်းမတ် ၂၇
          ၂၀၁၄-၂၀၁၅ နှင့် ၂၀၁၅-၂၀၁၆ ဘဏ္ဍာရေးနှစ်၊ မကွေးတိုင်းဒေသကြီးရန်ပုံငွေ ကျပ်သန်း ၆၈၃သန်း အသုံးပြု၍ ဆောက်လုပ်ရေးဝန်ကြီးဌာန၊တံတားဦးစီးဌာန တံတားအထူးအဖွဲ့(၆)မှ တာဝန်ယူတည်ဆောက်သော လက်ပံကျင်းချောင်းတံတား ဖွင့်ပွဲအခမ်းအနားအား ယနေ့ နံနက် ၇ နာရီခွဲအချိန်က အဆိုပါတံတားမုဉ်ဦးရှေ့၌ ကျင်းပသည်။

          အခမ်းအနားတွင်အမျိုးသားစီမံကိန်းနှင့်စီးပွားရေးဖွံ့ဖြိုးတိုးတက်မှုဝန်ကြီးဌာန၊ပြည်ထောင်စုဝန်ကြီးဒေါက်တာကံဇော် နှင့် မကွေးတိုင်းဒေသကြီးဝန်ကြီးချုပ်ဦးဘုန်းမော်ရွှေတို့မှ အဖွင့်အမှာစကားပြောကြားပြီး မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီဥက္ကဌ ဦးအေးဟန်ချိုမှ ဒေသခံများကိုယ်စား ကျေးဇူးတင်စကားပြန်လည်ပြောကြားသည်။ ထို့နောက် မကွေးတိုင်းဒေသကြီး လမ်းပန်းဆက်သွယ်ရေးဝန်ကြီးဌာန ၀န်ကြီးဦးဝင်းဖေ ၊ ဆောက်လုပ်ရေးဝန်ကြီးဌာန ၊လမ်းဦးစီးဌာနညွှန်ကြားရေးမှူးချုပ် ဦးဝင်းဖေ ၊ တံတားဦးစီးဌာန ဒုတိယညွှန်ကြားရေးမှးချုပ်ဦးရွှေလေးနှင့် မင်းဘူးခရိုင်အထွေထွေအုပ်ချုပ်ရေးဦးစီးဌာန၊ခရိုင်အုပ်ချုပ်ရေးမှူး ဦးသိန်းဇော်တို့မှ လက်ပံကျင်းချောင်းတံတားအား ဖဲကြိုးဖြတ်ဖွင့်လှစ် ပေးပြီးအမျိုးသားစီမံကိန်းနှင့်စီးပွားရေးဖွံ့ဖြိုးတိုးတက်မှုဝန်ကြီးဌာန၊ ပြည်ထောင်စုဝန်ကြီး ဒေါက်တာ ကံဇော် မကွေးတိုင်းဒေသကြီးဝန်ကြီးချုပ်ဦးဘုန်းမော်ရွှေတို့မှ ကမ္ပည်းမော်ကွန်းကျောက်စာတိုင်အား စက်ခလုတ်နှိပ်ဖွင့်လှစ်ကာ ကျောက်စာတိုင်အား အမွှေးနံ့သာရည်ပက်ဖြန်းခဲ့ကြသည်။
                   ဆက်လက်၍ တံတားဖွင့်ပွဲအထိမ်းအမှတ်အဖြစ် ဧည့်သည်တော်များ ၊ဌာနဆိုင်ရာဝန်ထမ်းများ ၊ ဒေသခံများ မှတ်တမ်းတင်ဓါတ်ပုံများရိုက်ကူးကြပြီး လက်ပံကျင်းချောင်းတံတားပေါ်သို့ ဖြတ်သန်းကြည့်ရှုကြသည်။ အဆိုပါတံတားသည် စလင်း-စေတုတ္တရာလမ်း၊ မိုင်တိုင်အမှတ်(၇/၆ - ၇/၇)ကြား ၊စလင်းမြို့နယ်အတွင်း၌တည်ရှိပြီး တံတားအရှည် (၃၆၀)ပေ၊ အကျယ်၂၄ပေ(နှစ်လမ်းသွား)၊လူသွားလမ်းအကျယ်တစ်ဘက်(၂)ပေစီဖြင့် တံတားခံနိုင်ဝန် တန်(၆၀)ရှိ သံကူကွန်ကရစ်အမျိးအစားဖြစ်ကာ၊ ၂၀၁၅ခုနှစ်မတ်လ၂၅ရက်နေ့တွင် စီမံကိန်းစတင်ဆောင်ရွက်ခဲ့ပြီး ၂၀၁၆ခုနှစ် မတ်လ ၂၅ရက် နေ့တွင် လုပ်ငန်းများပြီးစီးခဲ့ကြောင်းနှင့်လက်ပံကျင်းချောင်းတံတားအားသံကူကွန်ကရစ်တံတားအဖြစ် အခိုင်အမာ တည်ဆောက်ဖွင့်လှစ်ပေးသည့်အတွက် ဒေသခံပြည်သူများ ၀မ်းမြောက်ပျော်ရွှင်လျှက်ရှိကြောင်း သိရှိရသည်။

                                                                                      သန်းနိုင်ဦး(ငဖဲ)

0 comments:

Post a Comment