Thursday, March 17, 2016

မင်းဘူးမြို့နယ် သီးကုန်းကျေးရွာတွင် ထင်းများ အခမဲ့ ဖြန့်ဝေ


မင်းဘူး       မတ်       ၁၇
မင်းဘူးမြို့နယ် အပူပိုင်းဒေသစိမ်းလန်းစိုပြည်ရေးဦးစီးဌာနမှ သီးကုန်းကျေးရွာ ဆင်းရဲနွမ်းပါးသော မိသားစုများထံ မတ်လ(၁၇)ရက်နေ့ နံနက်ပိုင်းက ထင်းများအခမဲ့ဖြန့်ဝေပေးလျက်ရှိသည်။
မင်းဘူးမြို့နယ် အပူပိုင်းဒေသစိမ်းလန်းစိုပြည်ရေးဦးစီးဌာနအနေဖြင့် ၂၀၁၅-၂၀၁၆ ဘဏ္ဍာရေးနှစ်၊ မြောက် ဆားဗွက်ကြိုးဝိုးအကွက်အမှတ်(၂၀၊၂၂)တွင် သဘာဝတောကျန်များထိန်းသိမ်းခြင်းလုပ်ငန်း ဧက(၂၀၀၀) ထိန်းသိမ်းခဲ့ပြီး (၂၀၀)ဧကအား ဓမ္မတာမျိုးဆက်ခြင်း လုပ်ငန်းများဆောင်ရွက်ခဲ့သည်။ဓမ္မတာမျိုး ဆက်ခြင်းလုပ်ငန်းဖြစ်သော ကိုင်းတက်ချိုင်ပေးခြင်း၊ပင်ပူးများခွာခြင်း၊ အောက်ခြေပေါင်းရှင်းခြင်း၊ နွယ်ဖြတ်ခြင်း လုပ်ငန်းများ၊ငုတ်ဟောင်း/ငုတ်ပျက်များချွန်သပေးခြင်းလုပ်ငန်းများကို ဆောင်ရွက်ခဲ့ရာ ထင်း (၈ ဒဿမ ၃၁)တန် ထွက်ရှိခဲ့ပြီး ၎င်းထင်းများအား ဦးစီးအရာရှိ ဦးဝင်းဘိုနှင့် ၀န်ထမ်းများမှ  သီးကုန်းကျေးရွာ မိသားစု (၁၆)စု ထံသို့ တစ်အိမ်ထောင်လျင် (၀.၅၂)တန်စီအား အခမဲ့ ဖြန့်ဝေပေးခဲ့ကြောင်းသိရှိရသည်။
သူရထွန်း(ပွင့်ဖြူ)

0 comments:

Post a Comment