Sunday, January 17, 2016

ရှားပင်ခုတ်လှဲစဉ် သစ်ပင်ပိ၍ သေဆုံး


မြိုင်      ဇန်နဝါရီ     ၁၅

မကွေးတိုင်းဒေသကြီး၊ ပခုက္ကူခရိုင်၊ မြိုင်မြို့နယ်၊ လင်းကတော နယ်မြေရဲစခန်းမှ ရဲတပ်ဖွဲ့ဝင်များသည် ဇန်န၀ါရီ ၁၄ ရက်နေ့ မွန်းလွဲ (၁၂)နာရီခွဲ အချိန်ခန့်က မြိုင်မြို့နယ်၊ ရွှေလင်းဆွဲကျေးရွာအနီး ယာခင်းတွင် လူတစ်ဦး သစ်ပင်ပိ၍ သေဆုံးကြောင်း သတင်းအရ သက်သေများနှင့်အတူ သွားရောက် စစ်ဆေးရာ သေဆုံးသူမှာ မြိုင်မြို့နယ်၊ တောရွာကျေးရွာနေ ဆန်းကို(၃၀)နှစ်ဖြစ်ပြီး ၎င်းသည် ၁၄.၁.၂၀၁၆ ရက်နေ့ နံနက် (၉)နာရီခွဲ အချိန်ခန့်တွင် ရွှေလင်းဆွဲကျေးရွာနေသူ ဦးသန်းလွင်၏ ယာခင်းစပ်ရှိ လုံးပတ် (၅)ပေခန့်၊ အမြင့် (၃၀)ပေခန့်ရှိ ရှားပင်အား ၎င်းကိုယ်တိုင် အငှားခုတ်လှဲရာ ရှားပင်မှာ အခြားသစ်ပင်နှင့် နွယ်ချိတ်နေ၍ မလဲသဖြင့် ရှားပင်ပေါ်သို့ တက်၍နွယ်ဖြတ်စဉ် ရှားပင်လဲကျရာ ဆန်းကို မှာ အပင်ပေါ်မှ မှောက်လျက်ပြုတ်ကျပြီး ရှားပင်ပိကာ ရှားကိုင်းအတက် ထိုးမိ၍ ဒဏ်ရာများရရှိ သေဆုံးနေသည်ကို တွေ့ရှိရသဖြင့် ၎င်းသေဆုံးခြင်းမှာ ဓမ္မတာအတိုင်း ဟုတ်/မဟုတ် စစ်ဆေးနိုင်ရန် မြိုင်မြို့နယ်၊ လင်းကတော နယ်မြေ ရဲစခန်းမှ သေမှုသေခင်း အမှုရေးဖွင့် ဆောင်ရွက်လျက်ရှိကြောင်း သိရှိရသည်။
မောင်ညီညာ(မြေလတ်)

0 comments:

Post a Comment