Wednesday, January 13, 2016

သစ်ပုတီးကုန်းကျေးရွာတွင် စာကြည့်တိုက်အဆောက်အဦသစ် ဖွင့်ပွဲနှင့် အားကစားပြိုင်ပွဲများကျင်းပ




ပွင့်ဖြူ        ဇန်န၀ါရီ     ၁၂
          မကွေးတိုင်းဒေသကြီး၊ပွင့်ဖြူမြို့နယ်၊ မဒဲကျေးရွာအုပ်စု၊သစ်ပုတီးကုန်းကျေးရွာတွင် ဇန်န၀ါရီလ (၁၁) ရက်နေ့ နံနက်(၉)နာရီက အလှူရှင် ဦးအောင်ရွှေ လှူဒါန်းသော  ပညာဘဏ် စာကြည့်တိုက် အဆောက်အဦသစ်နှင့် စာအုပ်/စာစောင်၊ပရိဘောဂများလှူဒါန်းပွဲကို အဆိုပါ စာကြည့်ုတိုက်၌ ကျင်းပခဲ့သည်။
          ပညာဘဏ် စာကြည့်တိုက် ဖွင့်ပွဲအခမ်းအနားတွင် အလှူရှင်  ဦးအောင်ရွှေမှ မိမိမွေးဖွားရာဖြစ်သော ဇာတိမြေမှ ဒေသခံပြည်သူများ အသိဥာဏ်ဖွံ့ဖြိုးတိုးတက်စေရန်အတွက် စာကြည့်တိုက် ဆောက်လုပ် လှူဒါန်းရခြင်းနှင့် ပတ်သက်၍ ရှင်းလင်းပြောကြားပြီး ၊မြိုနယ်ပြန်/ဆက်ဦးစီးဌာန၊မြို့နယ်ဦးစီးမှူး ဒေါ်မေသန္တာအောင်မှ  စာကြည့်တိုက် ရေရှည်တည်တံ့ရေးနှင့် စာဖတ်ခြင်း၏ အကျိုးကျေးဇူးများကို ရှင်းလင်း ဟောပြောကာ သုတ/ရသ စာအုပ်(၁၀၀)အား လှူဒါန်းပေးအပ်ခဲ့သည်။
          ဆက်လက်၍ စာကြည့်တိုက်ဖွင့်ပွဲ အထိမ်းအမှတ် အားကစားပြိုင်ပွဲများကို ပျော်ရွှင်စွာ ကျင်းပဆောင်ရွက်ပေးခဲ့ရာ ဆုရရှိသော ကလေးငယ်များအား စာကြည့်တိုက်အလှူရှင်းနှင့် စာကြည့်တိုက် ကော်မတီဝင်များမှ ဆုများအသီးသီး ချီးမြှင့်ပေးအပ်ခဲ့သည်။
          အဆိုပါ စာကြည့်တိုက်သည် တန်းဘိုး(၁၇)သိန်းဖြင့်၊ အလျား (၁၅)ပေ၊အနံ(၉)ပေရှိ တစ်ထပ်/သွပ်မိုး/ကွန်းကရစ်ခင်း အဆောက်အဦအား ဆောက်လုပ်လှူဒါန်းခဲ့ခြင်းဖြစ်ပြီး ကျေးလက်နေ ပြည်သူများ အသိပညာ၊ဗဟုသုတ တိုးပွားရရှိစေရန် ရည်ရွယ် ဆောက်လုပ်လှူဒါန်းပေးခြင်းဖြစ်ကြောင်း သိရှိရသည်။
သူရထွန်း(ပွင့်ဖြူ)

0 comments:

Post a Comment