Sunday, January 17, 2016

ဒုတိယအကြိမ် ဘက်စုံသားဖွား ဒီပလိုမာအောင်လက်မှတ် အပ်နှင်း


မကွေး     ဇန်န၀ါရီ      ၁၆
၂၀၁၅-၂၀၁၆ပညာသင်နှစ် သူနာပြုနှင့်သားဖွားသင်တန်းကျောင်း မကွေးမြို့ ဒုတိယ အကြိမ် ဘက်စုံသားဖွား ဒီပလိုမာ(၂)နှစ်သင်တန်း ဒီပလိုမာအောင်လက်မှတ် အပ်နှင်းပွဲ အခမ်းအနားကို မကွေးမြို့တော်ခန်းမ၌ ယနေ့နံနက် ၉ နာရီက ကျင်းပရာ တိုင်းဒေသကြီးအစိုးရ အဖွဲ့ဝင် လူမှုရေးဝန်ကြီး ဦးအောင်ကျော်မင်းနှင့်တိုင်းဒေသကြီး ပြည်သူ့ကျန်းမာရေးဦးစီးဌာနမှူး ဒေါက်တာထွန်းအောင်ကြည်တို့က လမ်းညွှန်အမှာစကားပြောကြားခဲ့သည်။
ဆက်လက်၍ လုပ်ငန်းခွင်အကြို ဘက်စုံသားဖွားသင်တန်းများကို ကောင်းစွာ အောင်မြင် ပေါက်မြောက်ခဲ့ပြီဟု ကျန်းမာရေးဝန်ကြီးဌာန ဆေးဘက်ဆိုင်ရာလူ့စွမ်းအားအရင်းအမြစ်ဖွံ့ဖြိုးတိုး တက်ရေးနှင့်စီမံခန့်ခွဲရေးဦးစီးဌာနက ကြေညာခြင်းခံရသူများကို ကျောင်းအုပ်ကြီးမှ ဘက်စုံသား ဖွား  ဒီပလိုမာအောင်လက်မှတ်များ အပ်နှင်းခြင်း၊ ဒီပလိုမာအောင်လက်မှတ်နှင့် လျော်ညီသော အမှတ် လက္ခဏာဖြစ်သည့် ၀တ်ရုံများကိုဝတ်ဆင်ခွင့်ပြုကြေညာခြင်း၊ သားဖွာဒီပလိုမာ အောင် လက်မှတ်အသီသီး အပ်နှင်းပြီးဖြစ်သော သားဖွားဒီပလိုမာဘွဲ့ သင်တန်းသူများစာရင်းကို အတည် ပြုလက်မှတ်ရေးထိုးပေးခြင်းများ ဆောင်ရွက်ခဲ့သည်။
ထို့နောက် သူနာပြုနှင့် သားဖွားသင်တန်းကျောင်းအုပ်ကြီးမှ သင်တန်းဆင်း ဒီပလိုမာ အောင်လက်မှတ်များချီးမြှင့်ခြင်းနှင့်ပတ်သက်၍ အမှာစကားပြောကြားရာတွင် သင်တန်းသား/ သင်တန်းသူများ အနေဖြင့် သင်တန်းပြီးဆုံးသည်နှင့်တပြိုင်နက် အလုပ်ဝင်ရောက်ရန်စောင့်ဆိုင်း မနေရအောင် အလုပ်တာဝန်ခန့်အပ်သွားရန် စီစဉ်နေကြောင်း၊ စွမ်းရည်ထက်မြက် အရည်အသွေး ပြည့်ဝသော သားဖွားဆရာမကောင်းများဖြစ်အောင် သတ်မှတ်စည်းမျဉ်းစည်းကမ်းများလိုက်နာကာ ပညာရပ်ကို ပေါက်မြောက်အောင်မြင်အောင် ကြိုးစားကြစေလိုကြောင်း၊ အာဆီယံ(၁၀)နိုင်ငံနှင့် အညီ အဆင့်အတန်းမှီအောင်သူနာပြုဘာသာရပ်၊သားဖွားဘာသာရပ်များ လေ့လာသင်ကြား တတ်မြောက်စေရန် သီးခြားအဖွဲ့တစ်ဖွဲ့ကို တာဝန်ပေးပြီး ဖွဲ့စည်းစီစဉ်ဆောင်ရွက်နေပြီဖြစ်ကြောင်း၊ ဖွဲ့စည်းပုံအရ တိုင်းဒေသကြီးနှင့်ပြည်နယ်သူနာပြုဆရာမ(၈၀၀၀)ကျော်လိုအပ်နေပြီး သားဖွား ဆရာမ(၉၆၀)ကျော်လိုအပ်နေကြောင်း၊နိုင်ငံခြားခရီးစဉ် အတွေ့အကြုံများရအောင် အုပ်စုလိုက် ပို့ဆောင်သွားမည်ဖြစ်ကြောင်း၊ ကျေးရွာတစ်ရွာတွင် သားဖွားဆရာမ(၁)ယောက်ရှိရန် မူဝါဒနှင့် အညီဆောင်ရွက်နေပြီး တစ်ရွာနှင့်တစ်ရွာ သွားလာရေး၊လမ်းပန်းဆက်သွယ်ရေး လွယ်ကူ ချောမွေ့စေရန် နိုင်ငံတော်မှ ဆိုင်ကယ်၊ကားများပံ့ပိုးနိုင်အောင် ဆောင်ရွက်နေကြောင်း၊ ထောင်စုနှစ် ရည်မှန်းချက်ပန်းတိုင်များတွင်  ပါဝင်သော မိခင်ကလေးသေနှုန်းကျဆင်းရေး၊ (၅)နှစ် အောက်ကလေးသေနှုန်းကျဆင်းရေးလုပ်ငန်းများတွင် ကာကွယ်ရေးအတွက် ပြည်သူများနှင့် ထိတွေ့ရမည့် ရှေ့တန်းတိုက်စစ်မှူးများဖြစ်၍ ပံ့ပိုးမှုပေးရန် ရည်ရွယ်ချက်ရှိပြီး တိုးမြှင့်ပေးနိုင် အောင် အဆင့်ဆင့်စီစဉ်နေပါကြောင်း၊ ဒါကြောင့် သားဖွားဒီပလိုမာအောင်လက်မှတ်ရ မယ်အပေါင်းတို့ အနေဖြင့် ဟိုအရင်းအချိန်တွေက ဆေးရုံတွေမှာတွေ့ရတဲ့ မြင်ကွင်းပုံရိပ်ဖြစ်တဲ့ တစ်ဦးကို တစ်ဦးအပြန်အလှန် အပြုံးနဲ့နှုတ်ဆက်တတ်တဲ့ အလေ့အကျင့်တွေ  ပြန်လည် ရှင်သန်လာအောင် လိုက်နာကျင့်သုံးကြပါ၊ မိမိတတ်စွမ်းတဲ့ ပညာနဲ့ တိုင်းရင်းသား ပြည်သူ ပြည်သားတွေကို အလုပ်ကျွေးပြုဖို့နဲ့ ပြည်သူလူထုက အားကိုးယုံကြည်ထိုက်သူများ ဖြစ်နိုင်ကြစေရန် စသည်ဖြင့် သင်တန်းဆင်းအမှာစကားပြောကြားပြီး အခမ်းအနား ရုတ်သိမ်းကြောင်းကို ကြေငြာခဲ့ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment