Wednesday, January 6, 2016

မြို့သစ်မြို့တွင်နှစ်ထပ်ကျောင်းဆောင်သစ်လွှဲပြောင်းပေးအပ် အထကကျောင်းအဆင့်တိုးမြှင့် ဖွင့်လှစ်



မြို့သစ်     ဇန်န၀ါရီ     
  မကွေးခရိုင်၊မြို့သစ်မြို့နယ်ကွက်သစ်အခြေခံပညာအထက်တန်းကျောင်းနှစ်ထပ်ကျောင်းဆောင်သစ်  ဖွင့်ပွဲနှင့်အထက်တန်းကျောင်းတိုးမြှင့်ဖွင့်လှစ်ခြင်းအခမ်းအနားကိုအဆိုပါကျောင်းဝန်းအတွင်း ဇန်န၀ါရီ ၃ ရက် နံနက်၉း၀၀ရီကကျင်းပရာ  ကျောင်းဆောင်သစ်အားမကွေးခရိုင်ပညာရေး  ဒုတိယညွှန်ကြားရေးမှုး၊မြို့နယ်အုပ်ချုပ်ရေးမှုးနှင့်ပြည်သူ့လွှတ်တော်ကိုယ်စားလှယ်တို့ကဖဲကြိူးဖြတ်ဖွင့်လှစ်ပေးခဲ့ပြီးဆိုင်းဘုတ်အားပြည်သူ့ လွှတ်တော် ကိုယ်စားလှယ်ဦးမြင့်သူက စက်ခလုပ်နှိပ်ဖွင့်လှစ်ခဲ့သည်။
             အခမ်းအနား  ဒုတိယပိုင်း  ဆက်လက်ကျင်းပရာ ကွက်သစ်အထက်တန်းကျောင်းခွဲရှိ  ကျောင်းသား ကျောင်းသူလေးများကနန်းထိုက်တော်ဝင်မြသဇင် သီချင်းသံပြိုင်သီဆိုဖွင့်လှစ်ခဲ့ကြပြီး  မြို့နယ်အုပ်ချုပ်ရေးမှူး  ဦးဗိုလ်အောင်မောင်မောင်က  အဖွင့်အမှာစကားပြောကြားသည်။ဆက်လက်၍မကွေးတိုင်းဒေသကြီးပညာရေးဒုတိယညွှန်ကြားရေးမှုးဦးညွှန့်မောင်ကအထက်တန်းကျောင်းတိုးမြှင့်ဖွင့်လှစ်ခြင်းနှင့်ပတ်သက်၍ ရှင်းလင်းပြောကြားကာမြို့သစ်မြို့ကွက်သစ် အထက(၂)ကျောင်းအကျိုးတော်ဆောင် ဥက္ကဌဦးအောင်သိုက်မှ ကျေးဇူး တင်စကားပြန်လည်ပြောကြားခဲ့သည်။
             ထို့နောက် ကွက်သစ်အထက(၂) မှ ကျောင်းအုပ်ဆရာမကြီးဒေါ်စောစောနွယ်မှ  ကျောင်း၏သမိုင်း
အကျဉ်းကိုဆွေးနွေးပြောကြားပြီး နှစ်ထပ်ကျောင်းဆောင်သစ်အား  တာဝန်ယူဆောက်လုပ်ခဲ့သော  ပြည့်စုံလျှံကုမ္ပဏီမှmanagingdirectorဦးသက်ခိုင်ဦးမှကျောင်းဆောင်သစ်နှင့် ပတ်သက်သည့်စာရွက်စာတန်းများကို မကွေးတိုင်းဒေသကြီး ဒုတိယညွှန်ကြားရေးမှူးဦးညွှန့်မောင်ထံလွှဲပြောင်းပေးအပ်ပြီးအထိမ်းအမှတ်အလံများကိုပြည့်စုံလျှံကုမ္ပဏီမှမကွေးတိုင်းဒေသကြီးပညာရေးဒုတိယညွှန်ကြားရေးမှုးဦးသောင်းအေးနှင့် တာဝန် ရှိသူများထံပေးအပ်ခဲ့ကြောင်းနှင့် အဆိုပါကျောင်းမှာ အထက(ခွဲ) ကျောင်းမှ အထက အဆင့်သို့တိုးမြှင့်ဖွင့်လှစ် ပေးခဲ့ခြင်းဖြစ်ကြောင်းသိရသည်။
သန်းနိုင်ဦး(ငဖဲ)

0 comments:

Post a Comment