Monday, December 21, 2015

စေတုတ္တရာမြို့နယ်တွင် စက်ချုပ်သင်တန်းဖွင့်လှစ်




စေတုတ္တရာ      ဒီဇင်ဘာ   ၂၁
          ရေဘေးသင့်ဒေသများရှိ ကျေးလက်နေပြည်သူများ ပြန်လည်ထူးထောင်ရေးလုပ်ငန်းများစဉ်ဆက်မ ပြတ် ဆက်လက်လုပ်ကိုင်နိုင်ရန်နှင့် အိမ်တွင်းမိသားစုအပိုဝင်ငွေရရှိစေရန်ရည်ရွယ်၍ စေတုတ္တရာမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ စက်ချုပ်သင်တန်းများကို ဖွင့်လှစ်ပေးနေလျက်ရှိသည်။
          မင်းဘူးခရိုင်၊စေတုတ္တရာမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ စက်ချုပ်သင်တန်းဖွင့်ပွဲ ကို ဒီဇင်ဘာလ(၂၀)ရက်နေ့ နံနက်(၉)နာရီအချိန်က မြို့နယ်ခန်းမတွင် ကျင်းပပြုလုပ်ခဲ့ရာ အခမ်းအနားတွင် မြို့နယ်အုပ်ချုပ်ရေးမှူး ဦးအောင်ကျော်ဦးမှ အဖွင့်အမှာစကားပြောကြားပြီး ကျေးလက်ဒေသဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး ဦးဆယ်မောင်မှ စက်ချုပ်သင်တန်းဖွင့်လှစ်ရခြင်းရည်ရွယ်ချက်အား ရှင်းလင်းပြောကြား ခဲ့သည်။ထို့နောက် ဒေသခံရပ်မိ/ရပ်ဖတစ်ဦးမှ ကျေးဇူးတင်စကားပြန်လည်ပြောကြားကာ ဖွင့်ပွဲအခမ်းအနားကို ရုပ်သိမ်းခဲ့သည်။
          အဆိုပါ စက်ချုပ်သင်တန်းဖွင့်ပွဲအခမ်းအနားသို့ မြို့နယ်အဆင့်ဌာနဆိုင်ရာအကြီးအကဲများ၊ မြို့နယ် ဖွံ့ဖြိုးရေးအထောက်အကူပြုကော်မတီဝင်များ ၊မြို့မိ/မြို့ဖများ၊ စက်ချုပ်သင်တန်းသို့ တက်ရောက်မည့် သင်တန်းသား(၁၃)ဦးနှင့် ဒေသခံပြည်သူများတက်ရောက်ခဲ့ကြပြီး သင်တန်းကာလမှာ ဒီဇင်ဘာလ(၂၀)ရက်နေ့ မှ ၂၀၁၆-ခုနှစ် ဇန်န၀ါရီလ(၂၀)ရက်နေ့အထိ (၁)လကြာ ကျွမ်းကျင်တတ်မြောက်သည်အထိ စာတွေ့ /လက်တွေ့ သင်ကြားပို့ချပေးသွားမည်ဖြစ်ကြောင်းသိရှိရသည်။
တင်ထွန်းဦး(မင်းဘူး)

0 comments:

Post a Comment