Saturday, November 7, 2015

၂၀၁၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲ အကြို နိုင်ငံတော် သမ္မတ ပြောကြားသည့် ရွေးကောက်ပွဲဆိုင်ရာ မိန့်ခွန်း

Lin Kyaw Han shared MOI Webportal Myanmar's post.မှ ကူးယူဖော်ပြပါသည်။
13 hrs ·
MOI Webportal Myanmar
14 hrs · Edited ·
၂၀၁၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲ အကြို နိုင်ငံတော် သမ္မတ ပြောကြားသည့် ရွေးကောက်ပွဲဆိုင်ရာ မိန့်ခွန်း
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
®®®®®®®®®®®®®®®®®®®®®®®®®®®®®®®®®®®®®®
(၆-၁၁-၂၀၁၅)
မဲဆန္ဒရှင် ပြည်သူများခင်ဗျား-
နိုဝင်ဘာလ(၈)ရက်နေ့မှာ ကျင်းပမယ့် အထွေထွေရွေးကောက်ပွဲကြီးဟာ ကျွန်တော် တို့ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်တွေ အရှိန်မြှင့်ရှေ့ဆက်နိုင်ဖို့အတွက် အရေးကြီးတဲ့ သမိုင်းဝင် ခြေလှမ်း တစ်ခုဖြစ်ပါတယ်။
မဲဆွယ်စည်းရုံးရေးကာလတွေမှာ ဥပဒေ၊ နည်းဥပဒေတွေနဲ့ ကျင့်ဝတ် စည်းကမ်းတွေ ကို လေးစား လိုက်နာကြပြီး မဲဆွယ်စည်းရုံးမှုတွေ ပြုလုပ် ခဲ့ကြတဲ့ နိုင်ငံရေးပါတီများ၊ ကိုယ်စားလှယ်လောင်းများကို ဝမ်းမြောက် ဂုဏ်ယူကြောင်း ပြောလိုပါတယ်။ ထို့အတူ ပြည်သူများအနေနဲ့လည်း ကိုယ်ထောက်ခံအားပေး တဲ့ ပါတီများ၊ ကိုယ်စားလှယ်လောင်းများကို ငြိမ်းငြိမ်းချမ်းချမ်း ထောက်ခံအားပေးမှုများ ပြသဆောင်ရွက်ခဲ့ ကြတဲ့ အတွက်လည်း ဝမ်းမြောက် ဂုဏ်ယူကြောင်း ပြောကြားလိုပါတယ်။
ရွေးကောက်ပွဲကြီးမှာ မဲဆန္ဒရှင်ပြည်သူများ ဆန္ဒမဲပေးပိုင်ခွင့်ကို ထိရောက်စွာ ကျင့်သုံးနိုင်ဖို့ ဝိုင်းဝန်းကူညီ ဆောင်ရွက်နေကြတဲ့ အရပ်ဘက် လူ့အဖွဲ့ အစည်းများရဲ့ ကြိုးပမ်း အားထုတ်မှု ကိုလည်း ဂုဏ်ယူ အသိ အမှတ်ပြုကြောင်း ပြောကြားလိုပါတယ်။ အထူးသဖြင့် မဲဆန္ဒရှင်ပြည်သူများ အတွက် ရွေးကောက်ပွဲ ဆိုင်ရာ ပညာပေးလုပ်ငန်းများကို အားထုတ် လုပ်ဆောင်ပေးနေကြတဲ့ လူငယ်အဖွဲ့အစည်းများနဲ့ အရပ်ဘက် လူ့အဖွဲ့အစည်းများရဲ့ ကြိုးပမ်းအားထုတ်မှုကို အထူးအသိ အမှတ်ပြုအပ် ပါတယ်။
ရွေးကောက်ပွဲလုပ်ငန်းစဉ် အဆင့်ဆင့် မြန်မာလူငယ်များရဲ့ တက်ကြွစွာ ပူးပေါင်းဆောင်ရွက် မှုများကို မြင်တွေ့ရတာဟာလည်း တိုင်းပြည်အနာဂတ် အတွက် အလွန်ကောင်းမွန်တဲ့ လက္ခဏာတစ်ခုပဲ ဖြစ်ပါတယ်။
မဲဆန္ဒရှင် ပြည်သူများအနေနဲ့လည်း ရွေးကောက်ပွဲမှာ ဝင်ရောက် ယှဉ်ပြိုင်နေကြတဲ့ ကိုယ်စား လှယ်လောင်း တွေရဲ့ အရည်အချင်းနဲ့ အရည်အသွေးတွေကို ဆန်းစစ်ပြီး ဆန္ဒမဲပေးဖို့ အဆင်သင့်ဖြစ်နေပြီလို့ ယုံကြည်ပါ တယ်။ ကျွန်တော်တို့အနေနဲ့ လက်ရှိအနေအထား ကို ရောက်ရှိဖို့ ခက်ခဲတဲ့ သမိုင်းဖြတ်သန်းမှုများကို ကျော်လွှား ရင်ဆိုင်ခဲ့ရပါတယ်။ ဒီလို ရွေးကောက်ပွဲကြီးကို ကျင်းပနိုင်ဖို့ဆိုတာဟာ အလွယ်တကူရရှိလာတဲ့ အခြေအနေ မဟုတ်ပါဘူး။ ဒါကြောင့် နိုင်ငံရဲ့ ကံကြမ္မာကို ပြဋ္ဌာန်းသတ်မှတ် တဲ့ ရွေးကောက်ပွဲတွေ၊ အထူးသဖြင့် ယခု အပြောင်းအလဲကာလအတွက် အရေးကြီးတဲ့ ရွေးကောက်ပွဲမျိုးမှာ မဲဆန္ဒရှင် ပြည်သူများ အားလုံး မဲပေးကြဖို့ ကျွန်တော့်အနေနဲ့ အလေးအနက် တိုက်တွန်း လိုပါတယ်။ မဲစာရင်းမှာ လိုအပ်ချက်တွေ ရှိနေပေမယ့် ရွေးကောက်ပွဲနေ့မှာ မဲပေးခွင့် မဆုံးရှုံးစေဖို့ လည်း စီစဉ်ဆောင်ရွက်ထားတယ်လို့ ရွေးကောက် ပွဲကော်မရှင်က လည်း ကြေငြာထားပြီးသားဖြစ်ပါတယ်။ မဲဆန္ဒရှင်ပြည်သူများအနေနဲ့လည်း မိမိတို့ရဲ့ ဆန္ဒမဲ များကို ထိရောက်မှုရှိစေဖို့ ရွေးကောက်ပွဲကော်မရှင်က ထုတ်ပြန်ကြေညာထားတဲ့ နည်းလမ်း တကျ မဲပေးနည်းအဆင့်ဆင့်ကို ဂရုတစိုက် လိုက်နာကျင့်သုံးကြဖို့ တိုက်တွန်းလိုပါတယ်။
ကျွန်တော်တို့ အစိုးရအနေနဲ့လည်း တပ်မတော်သားများ၊ ပြည်သူ့ဝန်ထမ်းများ အပါအဝင် ဆန္ဒမဲ ပေးပိုင်ခွင့်ရှိတဲ့ ပြည်သူတစ်ယောက်စီတိုင်း လွတ်လပ်စွာ မဲပေးခွင့်ရဖို့ ကြိုးပမ်းဆောင် ရွက်ထားကြောင်းကိုလည်း အသိပေးပြောကြား လိုပါတယ်။
ဒီရွေးကောက်ပွဲကြီးမှာ နိုင်ငံရေးအင်အားစုအားလုံး လွတ်လပ်တရားမျှတစွာ ပါဝင်ယှဉ်ပြိုင်နိုင် ခွင့် ရရှိနိုင်စေ ရေးအတွက် လွတ်လပ်သော အရပ်ဘက် လူ့အဖွဲ့အစည်းများ၊ နိုင်ငံတကာ အဖွဲ့အစည်းများကို လေ့လာ စောင့်ကြည့် ခွင့်ပြုခြင်းနှင့် သတင်းမီဒီယာများကို သတင်းရ ယူနိုင်အောင် ဆောင်ရွက်လျက် ရှိပြီး လက်ရှိမှာ စုစုပေါင်း ဦးရေ သောင်းချီခွင့်ပြု ထားပြီး ဖြစ်ပါတယ်။
ကျွန်တော် ရေဒီယိုမိန့်ခွန်းမှာ ပြောကြားခဲ့သလိုပါပဲ ကျွန်တော်တို့ နိုင်ငံရဲ့ လက်ရှိအခြေ အနေအရ အစစ အရာရာ ပြီးပြည့်စုံတဲ့ ရွေးကောက်ပွဲတစ်ခုကို ကျင်းပပြုလုပ်နိုင်ဖို့အတွက် စိန်ခေါ်မှုတွေ၊ အခက်အခဲတွေ ဟာ နေရာတိုင်းမှာ ရှိနေတာဖြစ်ပါတယ်။ ဒါပေမယ့် ဒီရွေးကောက်ပွဲဟာ တရားမျှတပြီး လွတ်လပ် တဲ့ ရွေးကောက်ပွဲတစ်ခုဖြစ်ပြီး မဲဆန္ဒရှင်ပြည်သူများရဲ့ ဆန္ဒသဘောထားကို မှန်ကန်စွာ ထင်ဟပ်ပြသနိုင်မယ် လို့ ခိုင်မာစွာ ယုံကြည်ပါတယ်။ ဝင်ရောက် ယှဉ်ပြိုင်ကြတဲ့ နိုင်ငံရေးအင်အားစုများအားလုံးအနေနဲ့လည်း မဲဆန္ဒရှင်ပြည်သူ များရဲ့ အဆုံးအဖြတ်ကို တညီတညွတ်တည်း သဘောထားကြီးကြီး လက်ခံကြ ရမှာ ဖြစ်ပါတယ်။
ထွက်ပေါ်လာမယ့် ရွေးကောက်ပွဲရလဒ်များအပေါ် လေးစားလိုက်နာမှုနဲ့ ပတ်သက်ပြီး စိုးရိမ်ပူပန်မှုများ ရှိနေတယ်လို့လည်း သိရှိရပါတယ်။ ကျွန်တော် တို့ အစိုးရ၊ တပ်မတော် အနေနဲ့ တရားမျှတလွတ်လပ်တဲ့ ရွေးကောက်ပွဲများရဲ့ ရလဒ်ကို လေးစားလိုက်နာ သွားမှာဖြစ်ကြောင်းကို ထပ်မံပြောကြားလိုပါ တယ်။ ရွေးကောက်ပွဲရလဒ်များနဲ့ အညီ နိုင်ငံရေးအခင်းအကျင်းသစ်ကို အတူလက်တွဲ ပုံဖော်ဖန်တီး ဆောင်ရွက် သွားကြရမှာ ဖြစ်ပါတယ်။
ကျွန်တော်တို့နိုင်ငံရဲ့ လက်ရှိဖွဲ့စည်းပုံအခြေခံဥပဒေအရ မဲဆန္ဒရှင်ပြည်သူ များ ရွေးချယ် တင်မြှောက်လိုက် တဲ့ ပြည်ထောင်စုလွှတ်တော် ကိုယ်စားလှယ် များဟာ အစိုးရအဖွဲ့ကို ဦးဆောင်မယ့် သမ္မတလောင်းများကို ပြည်သူလူထု ကိုယ်စား ဆက်လက် မဲပေးရွေးချယ် သွားကြမှာ ဖြစ်ပါတယ်။ ဒီလိုရွေးကောက်ပွဲရလဒ်များနဲ့ ဖွဲ့စည်းပုံအခြေခံဥပဒေ အရ ပေါ်ပေါက်လာမယ့် အစိုးရအဖွဲ့ကို ကျွန်တော့်အနေနဲ့ လက်ခံသွားမှာဖြစ်ပြီး နိုင်ငံရေး အင်အားစု အသီးသီးရဲ့ ခေါင်းဆောင်များအနေနဲ့လည်း လေးစားလက်ခံသွားကြမယ်လို့ ယုံကြည်ပါ တယ်။
ရွေးကောက်ပွဲအပြီး ကြားကာလ တည်ငြိမ်အေးချမ်းမှုရှိစေဖို့အတွက် လည်း နိုင်ငံရေး အင်အားစု များမှ ခေါင်းဆောင်များနဲ့ တွေ့ဆုံဆွေးနွေး အဖြေရှာသွားမှာ ဖြစ်ပါတယ်။ ဒီနိုင်ငံရေး တွေ့ဆုံဆွေးနွေးပွဲများက လည်း ကြားကာလတည်ငြိမ်အေးချမ်းမှုနဲ့ နိုင်ငံရေး အခင်းအကျင်းသစ်ကို ချောမွေ့ညင်သာစွာ အသွင်ကူး ပြောင်းစေဖို့ များစွာ အထောက် အကူပြုသွားမှာ ဖြစ်ပါတယ်။
ကျွန်တော်တို့ အားလုံးမျှော်မှန်းနေတဲ့ ဒီမိုကရေစီနဲ့ ဖက်ဒရယ်စနစ်ကို အခြေခံ တဲ့ မြန်မာနိုင်ငံတော်သစ်ကို တည်ဆောက်တဲ့နေရာမှာ ခရီးရှည်ကြီး ကို အားလုံး အတူ ဖြတ်သန်းကြရဦးမှာဖြစ်ပါတယ်။ အနာဂတ်မှာ လည်း ရွေးကောက်ပွဲပေါင်းများစွာ ကို ဖြတ်သန်းပြီး နိုင်ငံရေးဖြစ်ထွန်းတိုးတက်မှုအဆင့်ဆင့်ကို တည်ဆောက် သွားကြရမှာဖြစ်ပါတယ်။ ဒီလိုအဆင့်ဆင့် တက်လှမ်းရာမှာ ယခုကျင်းပတော့မည့် သမိုင်းဝင် ရွေးကောက်ပွဲကြီးကို လွတ်လပ်ခြင်း၊ မျှတခြင်းဆိုတဲ့ ဝိသေသတွေနဲ့ အောင်မြင်စွာ ကျင်းပနိုင်မှ သာ ပြုပြင် ပြောင်းလဲမှု များ ရှေ့ဆက်နိုင်မယ့် နိုင်ငံရေးအခင်းအကျင်း သစ်တစ်ခုကို တည်တည်ငြိမ်ငြိမ် ကူးပြောင်းနိုင်မှာဖြစ်ပါတယ်။ ဒါ့ကြောင့် ဒီလိုမြန်မာနိုင်ငံ အနာဂတ်အတွက် အရေးကြီးပြီး ကမ္ဘာကြီး ကလည်း စောင့်ကြည့်နေတဲ့ ရွေးကောက်ပွဲကြီး မှာ နိုင်ငံရေးခေါင်းဆောင်များအနေနဲ့ အမြော်အမြင်ရှိရှိ၊ သဘောထားကြီးကြီး နဲ့ နိုင်ငံရေး ရွေးချယ်မှု များ ပြုလုပ်ဖို့နဲ့ ပြည်သူများမှလည်း မိမိတို့ရဲ့ ဆန္ဒမဲတစ်ပြားကို လွတ်လပ်စွာ ဆန္ဒပြုကြဖို့ တိုက်တွန်းလိုက်ပါတယ်။
မဲဆန္ဒရှင်မိဘပြည်သူများ စိတ်၏ချမ်းသာခြင်း၊ ကိုယ်၏ကျန်းမာခြင်းနှင့် ပြည့်စုံ ကြပါစေ။

0 comments:

Post a Comment