Monday, November 30, 2015

အသက်မွေးဝမ်းကျောင်းအထောက်အကူပြု စက်ချုပ်သင်တန်းဆင်းပွဲကျင်းပ



ငဖဲ   နိုဝင်ဘာ  ၂၈
              မကွေးတိုင်းဒေသကြီး၊ မင်းဘူးခရိုင်၊ ငဖဲမြို့နယ်၊ ပဒါန်းကျေးရွာအုပ်စု၊ ပဒါန်းကျေးရွာတွင် ငဖဲမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှကြီးမှူး၍ (၂၇.၁၀.၂၀၁၅)ရက်နေ့မှ (၂၆.၁၁.၂၀၁၅) ရက်နေ့ထိ (၁)လကြာဖွင့်လှစ်ခဲ့သော အသက်မွေးဝမ်းကျောင်းအထောက်အကူပြု စက်ချုပ်သင်တန်းဆင်းပွဲအခမ်းအနားကို နိုဝင်ဘာ ၂၆ ရက် နံနက် ၉ နာရီကကျင်းပရာမြို့နယ်အုပ်ချုပ်ရေးမှူးဦးနိုင်ဝင်းဇော် ကသင်တန်းဆင်းအမှာစကားပြောကြားပြီးမြို့နယ်ကျေးလက်ဦးစီးမှူးဦးယုနိုင်လင်းမှ ကျေးလက်နေပြည်သူများအလုပ်အကိုင်အခွင့်အလမ်းရရှိစေရန်နှင့် ဆင်းရဲမှုလျှော့ချနိုင်ရန် ကျေးလက်ဒေသဖွံ့ဖြိုးတိုးတက်ရေးဦးစီးဌာနက အသက်မွေးဝမ်းကျောင်းအထောက် အကူပြု သင်တန်းများကိုအစဉ်မပြတ် ဖွင့်လှစ်ပေးလျက်ရှိပါကြောင်း၊သင်တန်းများဖွင့်လှစ်သင်ကြားပေးခဲ့လို့ သင်တန်းတက်ရောက်ခဲ့ကြသူများအနေဖြင့် လက်တွေ့နယ်ပယ်တွင် မိသားစုဝင်ငွေတိုးရေးအတွက်တစ်ဖက်တစ်လမ်းမှဖြည့်ဆည်းဆောင်ရွက်ခွင့်ရရှိနေပြီဖြစ်ပါကြောင်း၊ ကျေးလက်နေပြည်သူများရဲ့  လူမှုစီးပွားဘ၀မြင့်မားရေးအတွက် မိမိတို့ဌာနမှ အလေးထားဖော်ဆောင်လျက်ရှိကာလူစွမ်းအားအရင်းအမြစ်ဖွံ့ဖြိုးရေးအတွက်ဖွင့်လှစ်ခဲ့ခြင်းဖြစ်လို့ သင်တန်းဖွင့်လှစ်ကျင်းပခဲ့ခြင်းကြောင့် တတ်မြောက်ခဲ့သောအတတ်ပညာများဖြင့် ကိုယ်ပိုင်အိမ်တွင်းမှုလုပ်ငန်းများလုပ်ဆောင်နိုင်ခြင်း၊ အလုပ်အကိုင်အခွင့်အလမ်းများများပြားလာခြင်းစသည့်ဖြင့် ပြောကြားကာသင်တန်းသူများအားသင်တန်းဆင်းလက်မျတ်များပေးအပ်ခဲ့ကြောင်းသိရှိရသည်။
သန်းနိုင်ဦး(ငဖဲ)

0 comments:

Post a Comment