Saturday, October 31, 2015

နေအိမ်အတွင်းမှ ဘိန်းမဲ နှင့် ဆေးခြောက်များဖမ်းဆီးရမိ



                
ငဖဲ    အောက်တိုဘာ ၂၉
           မကွေးတိုင်းဒေသကြီး ငဖဲမြို့နယ် ဇင်ပြွန်းကျေးရွာ နေအိမ်အတွင်း မှ ဘိန်းမဲ နှင့် ဆေး
ခြောက်များ ဖမ်းဆီးရမိကြောင်း သတင်းရရှိသည်။

           ၂၉-၁၀-၂၀၁၅ ရက်နေ့နံနက် ၈:၀၀ နာရီအချိန်တွင် မူးယစ်ဆေးဝါး ရောင်းချကြောင်းသ
တင်းအရ မူးယစ်တပ်ဖွဲ့စု (၁၅) မကွေး မှ ဒုရဲမှူးလှစိုး နှင့်အဖွဲ့ ပဒါန်းရဲကင်း စခန်းမှူး လှထွန်း နှင့်
အဖွဲ့ သက်သေများဖြစ်ကြသော ရင်းရှည်ကျေးရွာအုပ်စု အုပ်ချူ ပ်ရေးမှူးဦးညွန့်စံ ဇင်ပြွန်းကျေးရွာအုပ်
စု အုပ်ချူ ပ်ရေးမှူး ဦးတင်ဝင်း တို့နှင့်ပူးပေါင်းပြီး ငဖဲမြို့နယ် ဇင်ပြွန်းကျေးရွာ(မင်းဘူး-အမ်း)ကားလမ်း
မကြီးဘေးရှိ ဦးဥာဏ်ပိုင် ၏ နေအိမ်အား မူးယစ်ဆေးဝါးရှာဖွေခွင့် ဝရမ်းအမှတ်(၁/၂၀၁၅)ဖြင့် ဝင်
ရောက်ရှာဖွေခဲ့ကြရာ နေအိမ်အောက်ထပ်ရှိ ဦးဥာဏ်ပိုင် နှင့် ဇနီး ဒေါ်ကြည်ကြည် တို့အိပ်သည့် ကု
တင် ခေါင်းရင်းတွင် PREMIER  ကော်ဖီတံဆိပ်ပါ ပလပ်စတိတ်ဖြင့် ပတ်လျှက် ဘိန်းမဲ ဟု ယူဆရ
သော အလေးချိန်(၅၂.၃၃)ဂရမ်(၁)ထုပ် ဘိန်းရောင်းရာတွင် ချိန်တွယ်အသုံးပြုသော ဝါးဖြင့်ပြုလုပ်သည့်
ချိန်ခွင် (၁)ခု ဘိန်းမဲရောင်းချသည့် မြန်မာငွေရောရာ (၃)သိန်းကျပ် တိတိတို့နှင့် ၄င်းကုတင်ခြေရင်း၏
အောက် တမံတလင်းပေါ်တွင် ပလပ်စတစ် အမဲရောင်အိတ်ဖြင့် ထည့်လျှက် ဆေးခြောက် ဟုယူဆရ
သော အစိမ်းရောင် အခြောက်အရွက် အလေးချိန် (၄၈၉.၉၀)ဂရမ် (၁)ထုပ်တို့အား သက်သေများရှေ့
တွင်ရှာဖွေ တွေ့ရှိသဖြင့် ဒုရဲမှူးလှစိုး မှရှာဖွေပုံစံဖြင့် သိမ်းဆည်းဆောင်ရွက်ကြသည်။

           မူးယစ်ဆေးဝါး လက်ဝယ်တွေ့ရှိသူ ဇင်ပြွန်းကျေးရွာနေ ဦးကျင်မောင် ၏ သား ဦးဥာဏ်
ပိုင်(၅၂)နှစ် နှင့် ဇနီး ဦးကျား ၏သမီး ဒေါ်ကြည်ကြည်(၄၆)နှစ် တို့အား မူးယစ်တပ်စု(၁၅) မကွေး မှ
ဒုရဲမှူးလှစိုး မှ တရားလိုပြုလုပ်၍ ငဖဲမြို့မရဲစခန်း မယ(ပ)  ၂/၂၀၁၅  မူး/စိတ် ပုဒ်မ ၁၅ / ၁၉(က)
၂၀(က) ဖြင့် အရေးယူဆောင်ရွက်ထားခြင်းရှိကြောင်း သိရှိရသည်။

    အောင်သူ(ငဖဲ)


0 comments:

Post a Comment