Sunday, October 25, 2015

မင်းဘူးမြို့နယ်တွင် ကြပ်ခြေနီသူနာပြုတပ်ဖွဲ့ ဒုတိယတပ်ရင်မှူးများ လုပ်ငန်းညှိနှိုင်းအစည်းအဝေးကျင်းပ




မင်းဘူး      အောက်တိုဘာ      ၂၂
          မကွေးတိုင်းဒေသကြီးကြက်ခြေနီသူနာပြုတပ်ဖွဲ့ ဒုတိယတပ်ရင်းမှူးများ လုပ်ငန်းညှိနှိုင်းအစည်းအဝေး ကို မင်းဘူးမြို့နယ် ကြက်ခြေနီအသင်းရုံး အစည်းအဝေးခန်းမတွင် အောက်တိုဘာလ(၂၂)ရက်နေ့ နံနက်(၉)နာရီ အချိန်က ကျင်းပပြုလုပ်ခဲ့သည်။
          အခမ်းအနားတွင် မင်းဘူးခရိုင်ရဲတပ်ဖွဲ့မှူး ဒုတိယရဲမှူးကြီးသက်ထွန်းမှ အဖွင့်အမှာစကားပြောကြားပြီး အစည်းအဝေး ပထမပိုင်းအား ရုပ်သိမ်းခဲ့သည်။
          ထို့နောက် အစည်းအဝေး ဒုတိယပိုင်းအား ဆက်လက်ကျင်းပရာ တိုင်းဒေသကြီး ကြက်ခြေနီသူနာပြု တပ်ဖွဲ့ ဦးစီးမှူး (ပထမတန်း)ဦးကျော်နိုင်ဦးမှ ၂၀၁၅-ခုနှစ်အတွင်း လှုပ်ရှားခဲ့မှုများ၊ရန်ပုံငွေရှာဖွေရရှိမှုများနှင့် ဆက်လက်ဆောင်ရွက်မည့်လုပ်ငန်းစဉ်များအား ရှင်းလင်းပြောကြားခဲ့ပြီး မကွေးတိုင်းဒေသကြီးအတွင်း ခရိုင်/ မြို့နယ်များရှိ ကြက်ခြေနီသူနာပြုတပ်ရင်းများမှ ၂၀၁၄-၂၀၁၅ခုနှစ်အတွင်း လှုပ်ရှားဆောင်ရွက်ခဲ့မှုများ၊ ရန်ပုံငွေရှာ ဖွေရရှိမှုများနှင့် ဆက်လက်လုပ်ဆောင်မည့်လုပ်ငန်းအစီအစဉ်များအား ဖတ်ကြားတင်ပြခဲ့သည်။ ဆက်လက်၍ လစဉ် အစီရင်ခံစာများနှင့်ပတ်သက်သော အချက်အလက်များ၊ရှေ့လုပ်ဆောင်မည့် အစီအစဉ်များ နှင့် ရန်ပုံငွေရှာဖွေမှုလုပ်ငန်းများနှင့်ပါတ်သက်၍ မြို့နယ်အသီးသီးမှ ဒုတိယတပ်ရင်းမှူးများ၏ အကြံပြုဆွေးနွေး တင်ပြမှုများအား တိုင်းဒေသကြီး ကြက်ခြေနီသူနာပြု တပ်ဖွဲ့ ဦးစီးမှူး (ပထမတန်း)ဦးကျော်နိုင်ဦးမှပြန်လည် ရှင်းလင်းဖြေကြားခဲ့ပြီး အစည်းအဝေးအားရုပ်သိမ်းခဲ့သည်။
          အဆိုပါ လုပ်ငန်းညှိနှိုင်းအစည်းအဝေးသို့ မကွေးတိုင်းဒေသကြီးအတွင်းရှိ ခရိုင်/မြို့နယ် ကြက်ခြေနီသူနာပြု တပ်ဖွဲ့များမှ တပ်ဖွဲ့မှူး ၊ဒုတိယတပ်ဖွဲမှူးစုစုပေါင်း(၄၀)ဦး တက်ရောက်ခဲ့ကြောင်းသိရှိရသည်။
တင်ထွန်းဦး(မင်းဘူး)

0 comments:

Post a Comment