Thursday, October 29, 2015

ကျေးရွာသုံးစိုက်ခင်းမှ စိုက်ပျိူးသစ်ပင်များအား လွှဲပြောင်းပေးအပ်




မကွေး  အောက်တိုဘာ  ၂၇
          ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ အပူပိုင်းဒေသစိမ်းလန်းစိုပြည်ရေးဦးစီး ဌာန၊ အပူပိုင်းဒေသစိမ်းလန်းစိုပြည်ရေးဦးစီးဌာန မကွေးတိုင်းဒေသကြီးအစီအစဉ်ဖြင့် မကွေး-ရေနံချောင်း ကားလမ်းအနီး တဲကြီးကုန်းရွာနှင့် ဒေါင်းနေရွာများသို့ စိုက်ခင်းများ ပေးအပ်ခြင်းကို ယမန်နေ့က တဲကြီးကုန်းကျေးရွာနှင့်ဒေါင်းနေရွာများကျင်းပပြုလုပ်သည်။
          လွှဲပြောင်းပေးအပ်ပွဲတွင် အပူပိုင်းဒေသစိမ်းလန်းစိုပြည်ရေးဦးစီးဌာန မကွေးခရိုင် လက်ထောက်ညွှန်ကြားရေးမှူး ဦးခင်မောင်ဦးက လွှဲပြောင်းပေးအပ်သည့် စိုက်ခင်းများနှင့် ပတ်သက်၍ ရှင်းလင်း ဆွေးနွေးပြီး အပူပိုင်းဒေသစိမ်းလန်းစိုပြည်ရေးဦးစီးဌာန မကွေးတိုင်းဒေသကြီး ညွှန်ကြားရေးမှူး ဦးဝေမျိုးလှက စိုက်ခင်းဆိုင်ရာ အချက်အလက်များကို လွှဲပြောင်းပေးအပ်ခဲ့သည်။
          အဆိုပါ ကျေးရွာသုံးစိုက်ခင်းမှ စိုက်ပျိုးပင်များလွှဲပြောင်းပေးအပ်ရာ မကွေးမြို့နယ် တဲကြီးကုန်းကျေးရွာ တွင် ကျေးရွာသုံးစိုက်ခင်းဧက (၅၀၀)အားလည်းကောင်း၊ ဒေါင်းနေကျေးရွာတွင် ကျေးရွာသုံးစိုက်ခင်းဧက (၃၀၀)အားလည်းကောင်း၊လွှဲပြောင်းပေးအပ်ခဲ့ပြီး ကျေးရွာ စိုက်ခင်းကြီးကြပ်မှုကော်မတီ၏ အစီအမံဖြင့် ကျေးရွာ၏ဖွံ့ဖြိုးတိုးတက်ရေးလုပ်ငန်းများတွင် အချိုးညီစွာ ဆောင်ရွက်သွားစေရေး ညှိနှိုင်းဆွေးနွေးဆောင်ရွက် သွားမည်ဖြစ်ကြောင်းသိရသည်။
ခင်မာလာ(မကွေး)

0 comments:

Post a Comment