Tuesday, October 13, 2015

မဲရုံမှူး၊ဒု-မဲရုံမှူးနှင့် အဖွဲ့ဝင်များ ပညာပေး(မြို့နယ်အဆင့်)သင်တန်းဖွင့်လှစ်




မင်းဘူး       အောက်တိုဘာ      ၁၂
          မကွေးတိုင်းဒေသကြီး၊မင်းဘူးခရိုင်၊မင်းဘူး(စကု)မြို့နယ် မဲရုံမှူး၊ဒု-မဲရုံမှူးနှင့် အဖွဲ့ဝင်များ ပညာပေး(မြို့နယ်အဆင့်)သင်တန်းဖွင့်ပွဲအခမ်းအနားအား အောက်တိုဘာလ(၁၂)ရက်နေ့ နံနက်(၉)နာရီက မြို့နယ် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် ကျင်းပပြုလုပ်ခဲ့သည်။
          သင်တန်းဖွင့်ပွဲတွင် မြို့နယ်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ ဦးတင်ဝင်းမှ အဖွင့်အမှာစကား ပြောကြားပြီး မင်းဘူးခရိုင် ရွေးကောက်ပွဲကော်မရှင်အဖွဲ့ခွဲ အဖွဲ့ဝင် ဦးစောနှင်း(ခရိုင်ဥပဒေအရာရှိ)မှ သင်တန်းပို့ ချခြင်းနှင့်ပတ်သက်၍ ရှင်းလင်းဆွေးနွေးခဲ့ကာ ဖွင့်ပွဲအခမ်းအနားအား ရုပ်သိမ်းခဲ့သည်။
          အဆိုပါသင်တန်းသို့ မင်းဘူး(စကု)မြို့ပေါ်ရပ်ကွက်များဖြစ်သည့် အမှတ်(၁)၊အမှတ်(၂)၊အမှတ်(၃)၊ အမှတ်(၄)နှင့် ထောက်ရှာပင်ကျေးရွာများမှ မဲရုံမှူး၊ဒု-မဲရုံမှူးနှင့်အဖွဲ့ဝင်စုစုပေါင်း(၅၀)ဦး တက်ရောက်ခဲ့ပြီ သင်တန်းကာလမှာ အောက်တိုဘာလ(၁၂)ရက်နေ့မှ(၁၃)ရက်နေ့ထိသင်ကြားပို့ချပေးသွားမည်ဖြစ်ကြောင်း၊ အောက်တိုဘာလ(၁၅)ရက်မှ(၁၆)ရက်နေ့တွင် ချောင်းဖြူကျေးရွာ၌ မုန်တောင်၊ချောင်းဖြူ၊ သီးကုန်း၊ကျွန်းပြား၊ မောင်းမကန်၊ ရေတွင်းကုန်း၊ပေါက်ပင်တွင်းကျေးရွာတို့မှ မဲရုံမှူး၊ဒု-မဲရုံမှူးနှင့် အဖွဲ့ဝင်များ အားလည်းကောင်း၊ အောက်တိုဘာလ(၁၉)ရက်နေ့မှ(၂၀)ရက်နေ့တွင် ဆင်ခေါင်းကျေးရွာ၌ ကျောက်တန်း၊ကန်ရေ၊ ဆင်ခေါင်း၊ ဇီးအိုင်၊ကုန်းသာ၊တောင်မန်း၊ကြီးပင်ကန် ကျေးရွာများမှမဲရုံမှူး၊ဒု-မဲရုံမှူးနှင့် အဖွဲ့ဝင်များ အားလည်းကောင်း၊ အောက်တိုဘာလ(၂၂)ရက်နေ့မှ(၂၃)ရက်နေ့တွင် ရွာသာယာကျေးရွာ၌ ထိန်တော၊ပိုက်သင်၊ ရေငံ/ပက်ပယ် ၊ရွာပုလဲ၊ဖလံရုံ၊ နန်းတော်ကုန်း၊ရွာသာယာ၊သင်္ဘောကျွန်း၊ ရေပေါ်၊မကျီး သုံးပင်ကျေးရွာများမှ မဲရုံမှူး၊ဒု-မဲရုံမှူးနှင့် အဖွဲ့ဝင်များအားလည်းကောင်း၊မြို့နယ်ရွေးကောက်ပွဲကော်မရှင်အဖွဲ့ခွဲရုံးမှ အဖွဲ့ဝင် ဦးသိဏ်းဆွေနှင့် ဒေါ်ခင်ဝါ၀ါလှိုင်တို့မှ သင်တန်းပို့ချပေးသွားမည်ဖြစ်ကြောင်းနှင့် စကုဇုံတွင် ဦးသန်းထွန်းနှင့် ဦးတင်စောဦးတို့မှ သင်တန်းပို့ချမည့်ကျေးရွာများအလိုက် အောက်တိုဘာ(၁၂)ရက်နေ့မှ (၂၃)ရက်နေ့အထိ မဲရုံမှူး၊ဒု-မဲရုံမှူးနှင့် အဖွဲ့ဝင်များ ပညာပေး(မြို့နယ်အဆင့်)သင်တန်းများ ပို့ချပေးသွားမည်ဖြစ်ကြောင်း သိရှိရသည်။
တင်ထွန်းဦး(မင်းဘူး)

0 comments:

Post a Comment