Wednesday, September 9, 2015

နိုင်ငံတကာစာတတ်မြောက်ရေးနေ့ အထိမ်းအမှတ် ကျင်းပ




မကွေး     စက်တင်ဘာ    
          မကွေးတိုင်းဒေသကြီး တိုင်းဒေသကြီးအဆင့် နိုင်ငံတကာစာတတ်မြောက်ရေးနေ့ အထိမ်း အမှတ် အခမ်းအနားကို ယနေ့နံနက် ၉ နာရီက မကွေးမြို့ အထက(၁)ပန်းဟေ၀န်ခန်းမတွင် ကျင်းပပြုလုပ်ရာ တိုင်းဒေသကြီးဝန်ကြီးချုပ်ဦးဘုန်းမော်ရွှေ၊တိုင်းဒေသကြီးအစိုးရအဖွဲ့ဝင်ဝန်ကြီး များ၊တိုင်းဒေသကြီးအဆင့်ဌာနဆိုင်ရာတာဝန်ရှိသူများ၊ ခရိုင်/မြို့နယ်အဆင့်ဌာနဆိုင်ရာများ၊မြို့မိ မြို့ဖများ၊ဆရာ/ဆရာများနှင့်ကျောင်းသားကျောင်းသူများ၊    လူမှုရေးအသင်းအဖွဲ့များနှင့်ဖိတ်ကြား ထားသောဧည့်သည်တော်များ တက်ရောက်ခဲ့ကြသည်။
          ရှေးဦးစွာ  အ.ထ.က(ခွဲ )ဆားစည့်မှ ကျောင်းသား ကျောင်းသူလေးများက တို့အင် တို့အား  သီချင်းဖြင့် သီဆိုဖွင့်လှစ်ပြီး တိုင်းဒေသကြီးဝန်ကြီးချုပ်မှ ၂၀၁၅ခုနှစ် တိုင်းဒေသကြီးအဆင့် နိုင်ငံ တကာစာတတ်မြောက်ရေးနေ့ အထိမ်းအမှတ် အခမ်းအနား အဖွင့်အမှာစကားပြောကြားခဲ့သည်။
          ၄င်းနောက် တိုင်းဒေသကြီးပညာရေးညွှန်ကြားရေးမှူးမှ ကုလသမဂ္ဂအထွေထွေအတွင်းရေး မှူးချုပ်၏သ၀ဏ်လွှာနှင့်ယူနက်စကို ညွှန်ကြားရေးမှူးချုပ်တို့၏ သ၀ဏ်လွှာကို ဖတ်ကြားပြီး အ.ထ.က(၄)မှကျောင်းသား ကျောင်းသူလေးများက ဇာတိမာန် သီချင်းဖြင့်လည်ကောင်း၊အ.ထ.က (၁)ကျောင်းသား ကျောင်းသူလေးများက လူတိုင်းအတွက်ပညာရေး သီချင်းဖြင့် သီဆိုဖျော်ဖြေကာ  အခမ်းအနားအား ရုပ်သိမ်းခဲ့သည်။
          အခမ်းအနားအပြီးတွင် တိုင်းဒေသကြီးဝန်ကြီးချုပ်နှင့်အဖွဲ့သည် ပြခန်းအတွင်းခင်းကျင်း ပြသထားသည့် ကျောင်းသား ကျောင်းသူလေးများ ရေးဆွဲထားသော ၂၀၁၅ခုနှစ် တိုင်းဒေသကြီးအဆင့် နိုင်ငံတကာစာတတ်မြောက်ရေးနေ့ အထိမ်းအမှတ် ပန်းချီ၊ကာတွန်း၊ပိုစတာ များအား လှည့်လည်ကြည့်ရှုခဲ့ကြောင်း သိရသည်။
သန်းနိုင်ဦး(ငဖဲ)

0 comments:

Post a Comment