Thursday, September 10, 2015

ရေနစ်မြုပ်ပျက်စီးသွားသော စေတုတ္တရာမြို့နယ် ပွင့်တောက်ကျေးရွာ ပြောင်းရွှေ့ထူထောင်နိုင်ရေး အလှူငွေပေးအပ်




စေတုတ္တရာ        စက်တင်ဘာ       
          စေတုတ္တရာမြို့နယ်၊မုန်းချောင်းရေလှောင်တမံအတွင်း မုန်းချောင်းရေများ ၀င်ရောက်၍ ရေကြီး၊ရေလျှံ မှုများ ဖြစ်ပေါ်ခဲ့ရာ မုန်းချောင်းတမံ၏ အထက်ဘက် ပွင့်တောက်ကျေးရွာရှိ လူနေအိမ်များ ရေကြီးနစ်မြုပ်ကာ မုန်းချောင်းရေကျဆင်းသွားသော်လည်း ရွှံ့နွံ့နှစ်များ တင်ကျန်ခဲ့ပြီး လူနေအိမ်များ ပျက်စီးခဲ့ရသည်။
          အဆိုပါ ရေနစ်မြုပ်ပျက်စီးခဲ့သော ပွင့်တောက်ကျေးရွာတွင် အိမ်ထောင်စု(၁၁၄)၊လူဦးရေ (၅၃၂)ဦး မှီတင်းနေထိုင်လျက်ရှိရာ  အိမ်ထောင်စုများအား ကျေးရွာပြောင်းရွှေ့ထူထောင်နိုင်ရေးအတွက် ဖြူစင်မေတ္တာအင်းအားစုအဖွဲ့(ရန်ကုန်)မှငွေကျပ် သိန်း(၉၀) ထောက်ပံ့လှူဒါန်းပွဲကို စက်တင်ဘာလ(၈)ရက် နေ့၊မြို့နယ်အထွေထွေအုပ်ချုပ်ရေးဦးစီးဌာနရုံးအစည်းအဝေးခန်းမတွင်ကျင်းပပြုလုပ် ခဲ့သည်။
          အလှူငွေထောက်ပံ့လှူဒါန်းပွဲတွင် ဖြူစင်မေတ္တာအင်းအားစုအဖွဲ့(ရန်ကုန်)ကိုယ်စာ မြို့နယ်စီမံခန့်ခွဲမှု ကော်မတီဥက္ကဋ္ဌ ဦးအောင်ကျော်ဦး ၊မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီ ဥက္ကဋ္ဌ ဦးမောင်မောင်ကျန်နှင့် မြို့နယ်စည်ပင်သာယာရေးကော်မတီဥက္ကဋ္ဌ ဦးကံမြင့်တို့မှ အလှူငွေများ ပေးအပ်လှူဒါန်း ရာ ပွင့်တောက်ကျေးရွာတာဝန်ခံ ဦးစိန်ဝင်းမှ လက်ခံရယူပြီး ကျေးဇူးတင်စကားပြန်လည်ပြောကြားခဲ့ကြောင်း သိရှိရသည်။
တင်ထွန်းဦး(မင်းဘူး)

0 comments:

Post a Comment