Wednesday, September 23, 2015

မင်းဘူးခရိုင်ရွေးကောက်ပွဲဆိုင်ရာ စေ့စပ်ညှိနှိုင်းအစည်းအဝေးကျင်းပ




မင်းဘူး        စက်တင်ဘာ      ၂၃
          မကွေးတိုင်းဒေသကြီး၊မင်းဘူးခရိုင် ရွေးကောက်ပွဲဆိုင်ရာ စေ့စပ်ညှိနှိုင်းရေးကော်မတီ၏ လုပ်ငန်းညှိနှိုင်း အစည်းအဝေးကို စက်တင်ဘာလ(၂၃)ရက်နေ့ နံနက်(၁၀)နာရီက မြို့နယ်အထွေထွေအုပ်ချုပ်ရေးအစည်းအဝေး ခန်းမတွင်ကျင်းပပြုလုပ်ရာ အစည်းအဝေးတွင် ခရိုင်ရွေးကောက်ပွဲဆိုင်ရာ စေ့စပ်ညှိနှိုင်းရေးကော်မတီဥက္ကဋ္ဌ ဦးမြင့်ဦးမှ အဖွင့်အမှာစကားပြောကြားပြီး၊တွဲဖက်အတွင်းရေးမှူး ဦးတင်ခိုင်ဇော်မှ နိုင်ငံရေးပါတီများနှင့် လွှတ်တော်ကိုယ်စားလှယ်လောင်းများ လိုက်နာရန် ကျင့်ဝတ်များကို ရှင်းလင်းတင်ပြဆွေးနွေးပါသည်။
          ထို့နောက် မင်းဘူးခရိုင်ရွေးကောက်ပွဲဆိုင်ရာ စေ့စပ်ညှိနှိုင်းရေးကော်မတီအဖွဲ့ဝင်များက လုပ်ငန်း ကဏ္ဍများအလိုက် ဆွေးနွေးတင်ပြကြပြီး၊မြို့နယ်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ /မြို့နယ်ရွေးကောက်ပွဲဆိုင် ရာစေ့စပ်ညှိနှိုင်းရေးကော်မတီဥက္ကဋ္ဌများက ဆွေးနွေးတင်ပြကြပြီး၊ ခရိုင်/မြို့နယ် အဆင့်နိုင်ငံရေးပါတီကိုယ်စား လှယ်များက သိရှိလိုသည်များကို ဆွေးနွေးမေးမြန်း တင်ပြကြသည်။
          ဆက်လက်၍ မင်းဘူးခရိုင် ရွေးကောက်ပွဲဆိုင်ရာစေ့စပ်ညှိနှိုင်းရေးကော်မတီဥက္ကဋ္ဌ မှ နိဂုံးချုပ်အမှာ စကားပြောကြားကာ အစည်းအဝေးကိုရုပ်သိမ်းခဲ့သည်။
          အဆိုပါအစည်းအဝေးသို့ ခရိုင်ရွေးကောက်ပွဲဆိုင်ရာကော်မတီအဖွဲ့ဝင်(၁၆)ဦး၊မြို့နယ်ရွေးကောက်ပွဲ ကော်မရှင်အဖွဲ့ခွဲဥက္ကဋ္ဌ/ရွေးကောက်ပွဲဆိုင်ရာစေ့စပ်ညှိနှိုင်းရေးကော်မတီဥက္ကဋ္ဌများနှင့် အဖွဲ့ဝင်(၈)ဦးနှင့် နိုင်ငံရေးပါတီကိုယ်စားလှယ်(၂၀)ဦးတက်ရောက်ခဲ့ကြောင်းသိရှိရသည်။
တင်ထွန်းဦး(မင်းဘူး)

0 comments:

Post a Comment