Thursday, September 10, 2015

ကျေးလက်လမ်းဖောက်လုပ်မှုအား ကွင်းဆင်းစစ်ဆေး




မင်းဘူး     စက်တင်ဘာ    
`        မင်းဘူးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၁၅-၂၀၁၆ခုဘဏ္ဍာရေး နှစ်တွင် ကျေးလက်ဒေသဖွံ့ဖြိုးရေးခွင့်ပြုရန်ပုံငွေဖြင့် Best Synergy Company မှဆောင်ရွက်သော မင်းဘူး-ငဖဲလမ်း(၁၅/၆)မိုင်မှ ကျွန်းပြားရွာထိ မြေသားလမ်း (၁၂/၀)မိုင် ခွင့်ပြုရန်ပုံငွေကျပ် (၆၆.၉၁၈)သန်းဖြင့် ဆောင်ရွက်နေမှုအား မကွေးတိုင်းဒေသကြီး ကျေးလက်ဒေသဖွံ့ဖြိုးတိုးတက် ရေးဦးစီးဌာနမှ ညွှန်ကြားရေးမှူး ဦးကျော်ဆွေနှင့် လုပ်ငန်းအရည်အသွေး စစ်ဆေးရေးအဖွဲ့၊ လုပ်ငန်းပြီးစီးမှုစစ်ဆေးရေးအဖွဲ့တို့မှ စစ်ဆေးမှုကို မင်းဘူးမြို့နယ် ကျေးလက်ဒေသဖွံ့ဖြိုးတိုးတက် ရေးဦးစီးဌာန၊မြို့နယ်ဦးစီးမှူး ဦးအောင်ဘုန်းလင်းမှ လမ်းဖောက်လုပ်ရခြင်းနှင့် ပတ်သက်သည့် အချက်အလက်များအား ရှင်းလင်းတင်ပြခဲ့သည်။
အဆိုပါ  ကျွန်းပြားကျေးရွာသို့ ယခင်က မင်းဘူး-ကျောက်တန်း-သီးကုန်း-မုန်တောင်-ကျွန်းပြားလမ်းမှ သွားလာခဲ့ရပြီး ထွန်စက်၊ထော်လာဂျီ များနှင့်သာကျေးရွာ အဆင့်ဆင့်သွားလာ ခဲ့ရပြီး သွားလာမှုအခက်အခဲများနှင့်ကြုံတွေ့ခဲ့ရသည်။ ယခု(၁၂)မိုင် မြေသားလမ်းဖောက်လုပ်ခြင်း  ဆောင်ရွက်ပြီးစီးပါက မင်းဘူး၊မကွေးနှင့်အခြားမြို့ကြီးများသို့ ကုန်စည်စီးဆင်းမှုများ အဆင်ပြေ ချောမွေ့စွာ သွားလာဆောင်ရွက် နိုင်မည်ဖြစ်၍ ကျေးလက်နေ ပြည်သူများ၏ လူမှုစီးပွားဘ၀ ပိုမို ဖွံ့ဖြိုးတိုးတက်လာမည်ဖြစ်သည်။
သန်းနိုင်ဦး(ငဖဲ)

0 comments:

Post a Comment