Tuesday, August 25, 2015

မကွေးတွင် Phone Handsetများ ခိုးယူသူအားဖမ်းမိ




မကွေး သြဂုတ်  ၂၁
          မကွေးခရိုင်ရဲတပ်ဖွဲ့အနေဖြင့် မကွေးမြို့နယ်အတွင်း ခိုးမှုနှင့်အခြားဒုစရိုက်မှုများအားရှာဖွေနှိမ်နှင်း ဆောင်ရွက်လျှက်ရှိရာ အသက်ငယ်ရွယ်သူ ဖုန်းများလိုက်လံခိုးယူနေသူတစ်ဦးအားဖမ်းဆီးရမိခဲ့သည်။
          ဖြစ်စဉ်မှာ တယ်လီဖုန်း(Handset) မျိုးစုံအားလိုက်လံရောင်းချနေကြောင်း ပြည်သူတစ်ဦး၏ သတင်းပေးမှုပေးချက်အရ မကွေးခရိုင် ရဲတပ်ဖွဲ့မှုး၏အနီးကပ် ကြီးကြပ်ဆောင်ရွက်မှုဖြင့် ခရိုင်မှုခင်းနှိမ်နင်း ရေးအဖွဲ့ ရဲအုပ် သက်အောင်စိုးဒုရဲအုပ် သိန်းနိုင်ဝင်းနှင့် အဖွဲ့သည် မကွေးမြို့ ချမ်းမြေ့သာယာရပ်ကွက် အတွင်း  စုံစမ်းရှာဖွေခဲ့ရာ သြဂုတ်လ ၁၅ရက်နေ့က ပြစ်မှုကျုးလွန်သူ အောင်ကျော်ထွန်း(ခ) ကျောင်းသား (ဘ)ဦးမျိုး အသက်(၁၉)နှစ်အား Phone Handset မျိုးစုံ (၁၃)မျိုးနှင့်အတူ ဖမ်းဆီးဖော်ထုတ်ရရှိခဲ့သည်။
          ၄င်းအား ဆက်လက်စစ်ဆေးရာ ယခင်ကလည်း ခိုးမှု(၁၃)မှု Phone Handset(၁၃)ခု ခိုးယူခဲ့ဖူးကြောင်း စစ်ဆေးတွေ့ရှိရသည်။ အဆိုပါ ခိုးမှုကျူးလွန်သူ အောင်ကျော်ထွန်း(ခ)ကျောင်းသားအား မကွေး မြို့နယ်ရဲစခန်း(ပ) ၃၀၄/၂၀၁၅ ပြစ်မှုပုဒ်မ ၃၈၀/ကျင့်- ၅၄ဖြင့် အမှုဖွင့်အရေးယူထားကြောင်းသိရသည်။
          မကွေးခရိုင်ရဲတပ်ဖွဲ့အနေဖြင့် ဖမ်းဆီးသိမ်းဆည်းရရှိခဲ့သော Phone Handsetများအား ပိုင်ရှင်များထံ ပြန်လည်ပေးအပ်နိုင်ငံရေး ဆောင်ရွက်လျက်ရှိကြောင်းသိရသည်။
ညီညီမောင်

0 comments:

Post a Comment