Tuesday, August 25, 2015

ရေနစ်လယ်မြေများ အချိန်မီစိုက်ပျိုးနိုင်ရန် ထွန်စက်များဖြင့် အခမဲ့ထွန်ယက်ပေး




                       
      ပွင့်ဖြူ                               သြဂုတ်                             ၂၂

          မုန်းချောင်းရေကြီးမှုကြောင့် ပွင့်ဖြူမြို့နယ်အတွင်းရှိ စိုက်ပျိုးပြီးလယ်မြေများ ပျက်စီးဆုံးရှုံးခဲ့ရာ မြို့နယ်စက်မှု လယ်ယာဦးစီးဌာနမှ လယ်ယာသုံးထွန်စက်(၅၈)စီးဖြင့် အခမဲ့ထွန်ယက်ပေးလျက်ရှိသည်။ သရက်အုပ်ကျေးရွာအုပ်စု (၉၀၂)ကွင်းမှ တောင်သူဦးပေါက်စက ''ပျိုးထောင်ပြီးစိုက်ပျိုးမည့်ဆဲဆဲ ရေနစ်သွားကာ အခုစက်မှုလယ်ယာက အခမဲ့ လိုက်လံထွန်ယက်ပေးလို့  အချိန်မီပြန်စိုက်နိုင်တာ ပျိုးက ကန်ပြည့်ရွာမှ တစ်စည်း(၅၀)ကျပ်နဲ့ ၀ယ်ရတယ် ရန်ကုန် မနော်မျိုးပဲရတယ်။ အခြားတောင်သူတွေလည်း စိုက်ဖို့အသင့်ဖြစ်နေပါပြီ''ဟုပြောသည်။

          ပွင့်ဖြူမြို့နယ်တွင် ယခုနှစ်မိုးစပါးစိုက်ချိန် အနည်းငယ်နောက်ကျသော်လည်း လျာထားဧကပြည့်မီအောင် အစိုးရအကူအညီများဖြင့် တောင်သူများကြိုးပမ်းစိုက်ပျိုးလျက်ရှိကြောင်း သိရသည်။


တင်ထွန်းဦး(မင်းဘူး)

0 comments:

Post a Comment