Friday, August 28, 2015

ပါရမီ စာကြည့်တိုက်(၃)နှစ်မြောက် စာပေဆုပေးပွဲကျင်းပ




ပွင့်ဖြူ             သြဂုတ်      ၂၆
          ကျေးလက်နေပြည်သူများ စာဖတ်ရှိန်မြှင့်တင်ရေးနှင့်၊ စာဖတ်ခြင်းအလေ့အထကောင်းများ ရှင်သန် နိုးကြား ထက်သန်လာစေရန်ရည်ရွယ်၍ ပွင့်ဖြူမြို့နယ် ရွာခိုင်ကျေးရွာ ပါရမီစာကြည့်တိုက်၏ မင်းပါရမီနှင့် ပါရမီခိုင် စာပေဆုပေးပွဲအခမ်းအနားကို သြဂုတ်(၂၅)ရက်နေ့ နံနက်(၁၀)နာရီက  ကျင်းပခဲ့သည်။

          ဆုပေးပွဲအခမ်းအနားတွင် မြို့နယ်ပြန်/ဆက် ဦးစီးမှူး ဒေါ်မေသန္တာအောင်မှ အဖွင့်အမှာစကား ပြောကြား ပြီး၊ ရွာခိုင်ကျေးရွာ အုပ်ချုပ်ရေးမှူး ဦးအောင်မျိုးခိုင်မှ ဆုပေးပွဲအခမ်းအနားကျင်းပရခြင်း၏ရည်ရွယ်ချက်များကို ရှင်းလင်းပြောကြားခဲ့သည်။

          ထို့နောက် ပါရမီစာကြည့်တိုက် ကော်မတီဥက္ကဋ္ဌ ဦးသိန်းတန်မှ စာကြည့်တိုက်၏(၃)နှစ်မြောက် ဖြတ်သန်းလာရသောအခက်အခဲများနှင့် ရေရှည်ဖွံ့ဖြိုးတိုးတက်ရေးလုပ်ငန်းစဉ်များကို ရှင်းလင်းပြောကြားပြီး ဆုပေးပွဲအခမ်းအနားကို ဆက်လက်ကျင်းပခဲ့သည်။

          ပါရမီစာကြည့်တိုက်ကို ၂၀၁၃-ခုနှစ်တွင် ဒေါက်တာ မင်းဇော်ခိုင်မှ တည်ထောင်ဖွင့်လှစ်ပေးခဲ့ပြီး စာဖတ်ရှိန်မြှင့်တင်ရေးစာစီစာကုံးပြိုင်ပွဲ၊ဥာဏ်စမ်းပဟေဠိပြိုင်ပွဲများကို နှစ်စဉ်ကျင်းပပေးခဲ့ရာ ပွင့်ဖြူမြို့နယ်အတွင်းရှိ ကျောင်းသား/ကျောင်းသူများ၊စာဖတ်ဝါသနာရှင်များ၊စိတ်ပါဝင်စားသူများ ပါဝင်ယှဉ်ပြိုင်ခဲ့ကြသည်။ ယခုနှစ်တွင် ပါဝင်ယှဉ်ပြိုင်သူ (၁၅၀)ဦးရှိခဲ့ပြီး၊ ဆုရရှိသူများအား ဒေါက်တာမင်းဇော်ခိုင်မှ ချီးမြှင့်သော ဆုများကို ကျေးရွာအုပ်ချုပ်ရေးမှူးနှင့် စာကြည့်တိုက်ကော်မတီဝင်များမှ မင်းပါရမီစာပေဆုနှင့် ပါရမီခိုင် စာပေဆုများ၊ပထမ၊ဒုတိယ၊တတိယနှင့် နှစ်သိမ့်ဆုများ၊၂၀၁၄-၂၀၁၅ ပညာသင်နှစ်၊ ကျေးရွာမှ တက္ကသိုလ်ဝင်တန်းစာမေးပွဲတွင် ဂုဏ်ထူးဖြင့် ထူးချွန်းစွာအောင်မြင်သော ကျောင်းသား/ကျောင်းသူများကို ပညာရည်ထူးချွန်ဆုများ အသီးသီးချီးမြှင့်ပေးအပ်ခဲ့ကြောင်း သိရှိရသည်။
တင်ထွန်းဦး(မင်းဘူး)

0 comments:

Post a Comment