Friday, August 14, 2015

ဘရိတ်ပေါက်၍ လမ်းဘေးသို့ တိမ်းမှောက် ခရီးသည် ၁ ဦးသေ၊ ၁၈ ဦး ဒဏ်ရာရ




ဂန့်ဂေါ     သြဂုတ်     ၁၁
သြဂုတ် ၁၀ ရက်နေ့ နံနက် (၄) နာရီက မကွေးတိုင်းဒေသကြီး၊ ဂန့်ဂေါ ခရိုင်၊ ဂန့်ဂေါမြို့နယ်၊ ကလေး-ဂန့်ဂေါ-မုံရွာသွားကားလမ်း မိုင်တိုင်အမှတ် ၁၁ဝ/၅ နှင့် ၁၁ဝ/၆ အကြားတွင် ယာဉ်တိမ်းမှောက်မှုဖြစ်ပွားကြောင်း သိရသည်။

 ဖြစ်စဉ်မှာ  မုံရွာမြို့ ၊ ရွှေပြည်သာကားဂိတ်မှ လူစီးခရီးသည် (၁၉)ဦးနှင့် ကုန်ပစ္စည်း များ တင်ဆောင်၍ ကလေးမြို့သို့ မုံရွာ မြို့နယ်၊ ကြည်ကုန်းရွာနေ အောင်ကိုသန်း(၃၆)နှစ် မောင်းနှင် လာသော ယာဉ်အမှတ် 8A/xxx ၊ HENO (၆)ဘီး၊ ဖြူပြာကြားမှန်လုံယာဉ်သည် ကားဘရိတ်ပေါက်၍ လမ်းအဆင်းတွင် အရှိန်မထိန်းနိုင်ဘဲ ကားလမ်း၏ဝဲဘက်ခြမ်းသို့ တိမ်းမှောက်ခဲ့ရာ ယာဉ်ပေါ်ပါ ခရီးသည်(၁၉)ဦးအနက် စစ်ကိုင်းတိုင်း၊မုံရွာမြို့နယ်၊ အလုံတပ်မြို့နေ ကျော်မင်းထွန်း (၃၈)နှစ်သည် ကားပိပြီး ခါးအောက်ပိုင်း ကျေမွ/အူထွက်ဒဏ်ရာတို့ဖြင့် အခင်းဖြစ်နေရာတွင် သေဆုံးသွားပြီး ဘုတလင်မြို့နယ်နေ ဦးမြသောင်း(၄၇)နှစ်ပါ ကျား(၉)ဦး၊ မုံရွာမြို့နယ်နေ ဒေါ်မာဆွေ(၄၂)နှစ်ပါ မ(၃) ဦး တို့တွင် ဒဏ်ရာများ အသီးသီးရရှိခဲ့ကြောင်း သိရှိရသည်။
မောင်ညီညာ(မြေလတ်)

0 comments:

Post a Comment