Tuesday, August 25, 2015

ကျေးရွာအတွင်း အရက်သောက်စားမူယစ်ပြီး လက်နက်ကိုင်ဆောင်ရမ်းကားသူအား အမှုဖွင့်အရေးယူ




မင်းဘူး     သြဂုတ်     ၂၁
၂၀၁၅ ခုနှစ်၊ သြဂုတ် ၁၈ ရက်နေ့ ည (၈) နာရီအချိန်က မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်၊ ဘုရားကျေးရွာနေ ကျေးရွာအထောက်အကူပြုအဖွဲ့မှ ဦးတင်မိုးဝင်း(၄ဝ)နှစ် သည် နေအိမ် တွင်ရှိနေစဉ် တစ်ရွာတည်းနေ မောင်စိုး(၃၇)နှစ်မှ ရွာလယ်လမ်းမတွင် သောက်စားမူးယစ်ပြီး ဓါးမြှောင်နှင့် လှံကိုင်ကာ မကြားဝံ့မနာသာအောင်ဆဲဆိုပြီး ဦးတင်မိုးဝင်းအား သတ်ပစ်မည်ဟု ကြိမ်းဝါးသည့် အတွက် မောင်စိုးအားအရေးယူပေးရန် ၂ဝ.၈.၁၅ ရက်နေ့ ဦးတင်မိုးဝင်းမှ တရားလို ပြုလုပ်တိုင်တန်းသဖြင့် မင်းဘူးမြို့နယ်၊ စကုနယ်မြေရဲစခန်း(ပ)၁ဝ၅/၂ဝ၁၅၊ ပြစ်မှုပုဒ်မ ၂၉၄/၅ဝ၆ အရလည်းကောင်း၊ ကျေးရွာအတွင်း ရွာလယ်လမ်းမပေါ်တွင် အရက်သေစာသောက်စား မူးယစ်ပြီး ဓါးမြှောင်နှင့် လှံကိုင်ကာ ရမ်းကားနေကြောင်း စစ်ဆေးပေါ်ပေါက်ချက်အရ မင်းဘူးမြို့နယ်၊ စကု နယ်မြေရဲစခန်း (ပ)၁ဝ၆/၂ဝ၁၅၊ လက်နက်ဥပဒေပုဒ်မ ၁၉(င) အရ လည်းကောင်း အမှုရေးဖွင့် ဆောင်ရွက်လျှက် ရှိကြောင်း သတင်းရရှိသည်။
မောင်ညီညာ(မြေလတ်)

0 comments:

Post a Comment