Tuesday, August 25, 2015

စေတုတ္တရာမြို့ပေါ် သန့်ရှင်းရေးလုပ်ငန်းများ စုပေါင်းဆောင်ရွက်




စေတုတ္တရာ         သြဂုတ်      ၂၁
          မုန်းချောင်းရေကြီးမှုများကြောင့် စေတုတ္တရာမြို့ပေါ်ရှိ နေအိမ်များနှင့် လမ်းများပေါ်တွင် ရွှံ့နွံသဲ နှုန်းများနှင့် အမှိုက်များ တင်ကျန်ရစ်ခဲ့ရာ မြို့ပေါ်နေပြည်သူများ သွားလာရေးခက်ခဲနေ၍ သန့်ရှင်းရေးလုပ်ငန်းများကို သြဂုတ်လ(၂၀)ရက်နေ့ နံနက်(၇)နာရီတွင် စုပေါင်းဆောင်ရွက်ခဲ့သည်။
          သန့်ရှင်းရေးစုပေါင်းဆောင်ရွက်ခြင်းလုပ်ငန်းများကို မင်းဘူးခရိုင်အုပ်ချုပ်ရေးမှူး ဦးခင်မောင်မြင့်၊မြို့နယ် အုပ်ချုပ်ရေးမှူး ဦးအောင်ကျော်ဦးတို့မှ ဦးဆောင်၍ မြို့နယ်မီးသတ်ဦးစီးဌာနမှ မီးသတ်တပ်ဖွဲ့ဝင်များ၊မြို့ပေါ် ရပ်ကွက်များမှ အရန်မီးသတ်တပ်ဖွဲ့ဝင်များ၊မြို့နယ်ရဲတပ်ဖွဲ့ဝင်များနှင့် ဒေသခံပြည်သူများမှ ပူးပေါင်းဆောင်ရွက် ကြပြီး မြို့နယ် စည်ပင်သာယာရေးအဖွဲ့ပိုင် အမှိုက်သိမ်းယာဉ်များဖြင့် သယ်ယူဆောင်ရွက်လျက်ရှိကြောင်း သိရှိရသည်။
တင်ထွန်းဦး(မင်းဘူး)

0 comments:

Post a Comment