Sunday, June 28, 2015

မြစ်ထဲသို့ ဒိုင်ပင်ထိုးချရာမှ ရေနစ်သေဆုံး




မင်းလှ    ဇွန်     ၂၇
`        ၂၀၁၅ ခုနှစ်၊ ဇွန်လ ၂၃ ရက်နေ့ ညနေ (၅) နာရီအချိန်ခန့်တွင် မကွေးတိုင်းဒေသကြီး၊ သရက်ခရိုင်၊ မင်းလှမြို့၊ ရုံးရပ်မြောက်ပိုင်းရပ်ကွက်၊ ခံတပ်ကြီး (ဧရာဝတီမြစ်)ရေချိုးဆိပ်၌ လူတစ်ဦး ပျောက်ဆုံး သွားကြောင်း သတင်းအရ မင်းလှမြို့မရဲစခန်းမှ တပ်ဖွဲ့ဝင်များသည် သက်သေများနှင့် အတူသွားရောက်စစ်ဆေးခဲ့ကြောင်းသတင်းရရှိသည်။

  ဖြစ်စဉ်အား စစ်ဆေးရာ မင်းလှမြို့၊ ရုံးရပ်မြောက်ပိုင်းနေ သူရိန်စိုးနှင့် စစ်ပိုင်မှူးတို့ (၂)ဦး သည် ရေချိုးနေစဉ် တစ်ရပ်ကွက်တည်းနေ ချမ်းမြေ့အောင်(ခ) ထက်နိုင်ဝင်း၊ ၂၁ နှစ် ရောက်ရှိ လာပြီး ကမ်းနဖူး လှေကားမှတစ်ဆင့် မြစ်ထဲသို့ဒိုင်ပင်ထိုးချရာ ပြန်ပေါ်မလာဘဲ ပျောက်ဆုံးသွားခြင်း ဖြစ်ကြောင်း စစ်ဆေးသိရှိရသဖြင့် ချမ်းမြေ့အောင်(ခ)ထက်နိုင်ဝင်းအား ဧရာဝတီမြစ် တစ်လျှောက် လိုက်လံရှာဖွေ ခဲ့ကြောင်း သိရှိရသည်။

          ၂၆.၆.၂ဝ၁၅ ရက်နေ့ ဝ၆ဝဝ အချိန်၌ ဥယျာဉ်ရွာ၊ သံတိုင်မြစ်ဆိပ်ကမ်း၌ လူသေအလောင်း တစ် လောင်း အား မင်းလှမြို့နယ် ဥယျာဉ်ရွာနေ အောင်ဘိုဝင်းမှ တွေ့ရှိကြောင်း သတင်းအရ သွား ရောက် စစ်ဆေးရာ ချမ်းမြေ့အောင်(ခ)ထက်နိုင်ဝင်း၏ အလောင်းဖြစ်ကြောင်း သိရှိရပြီး အလောင်း အား ပြင်ပဒဏ်ရာ မတွေ့ ရှိရဘဲ မှောက်ခုံအနေအထားဖြင့် သေဆုံးနေကြောင်း စစ်ဆေး တွေ့ရှိရ သဖြင့် ဓမ္မတာအတိုင်းသေဆုံးခြင်း ဟုတ်/မဟုတ် စုံစမ်းစစ်ဆေးနိုင်ရန်အတွက် မင်းလှမြို့နယ်၊ မြို့မ ရဲစခန်းသေမှုသေခင်းအမှတ်စဉ်၎/၂ဝ၁၅အရအမှုရေးဖွင့်ဆောင်ရွက်ထားကြောင်း သတင်းရရှိသည်။

သန်းနိုင်ဦး(ငဖဲ)

0 comments:

Post a Comment