Thursday, June 4, 2015

တောင်တွင်းကြီးမြို့နယ်အတွင်းရှိ အခြေခံပညာစာသင်ကျောင်းများမှ ကျောင်းမုန့်ဆိုင်များအား စားသုံးသူကြိုတင်ကာကွယ်အသင်းမှ လစဉ်ဝင်ရောက်စစ်ဆေးတော့မည်





မကွေးတိုင်းဒေသကြီး၊ တောင်တွင်းကြီးမြို့နယ်အတွင်းရှိ အခြေခံပညာစာသင်ကျောင်းများအားလုံးရှိ ကျောင်းမုန့်ဈေးတန်းမှ မုန့်ဆိုင်များအား မြန်မာနိုင်ငံစားသုံးသူကြိုတင်ကာကွယ်ရေးအသင်း(တောင်တွင်းကြီး) နှင့် မုန့် တိုက်ပွဲ လှုပ်ရှားမှုအဖွဲ့များပူးပေါင်း၍ ဇွန်လဒုတိယအပတ်မှစတင်ကာ ၀င်ရောက်စစ်ဆေးခြင်းများ ပြုလုပ်သွားမည်ဖြစ်ကြောင်းသိရသည်။

အစားအသောက်နှင့်ဆေးဝါးကွပ်ကဲရေးဦးစီးဌာန (FDA)၏ ခွင့်ပြုချက်မရှိသည့် အစားအစာများ၊အချိုရည်ဗူးများနှင့် FDA မှ တရားဝင်ပိတ်ပင်ထားသော မုန့်ပဲသွားရည်စာများ ကျောင်းမုန့်ဈေးတန်းတွင် ရောင်းချခြင်းများလုံးဝမပြုရန် စစ်ဆေးခြင်း၊ သတိပေးခြင်း၊ တရားဝင်ရောင်းချခွင့်မပြုသော မုန့်အမည်စာရင်းပါ ကဒ်ပြားများကပ်ပေးခြင်းတို့ ပြုလုပ်သွားမည်ဟု မြန်မာနိုင်ငံစားသုံးသူကြိုတင်ကာကွယ်ရေးအသင်း(တောင်တွင်းကြီး) မှ တာဝန်ရှိသူတစ်ဦးမှဆိုသည်။
ကျောင်းမုန့်ဈေးတန်းတွင် ရောင်းချနေသော အချို့သောမုန့်များသည် ကျန်းမာရေးနှင့်ညီညွတ်မှုမရှိသော အန္တရာယ်ရှိမုန့်များဖြစ်နေသောကြောင့် ကျောင်းသူ၊ ကျောင်းသားများ၏ ကျန်းမာရေးထိခိုက်မှုများကြုံတွေ့ရမည်ကို အထူးစိုးရိမ်မိ၍  ၂၀၁၄ ပညာသင်နှစ်မှစတင်ကာ အခြေခံပညာအလယ်တန်းကျောင်းခွဲတစ်ခုတွင် ကျန်းမာရေးနှင့်ညီညွတ်သော မြန်မာ့ရိုးရာ မြန်မာမုန့်များအား သန့်ရှင်းလတ်ဆက်စွာ ရောင်းချပေးနိုင်ရန် ဆောင်ရွက်ခဲ့ပြီးဖြစ်ကြောင်း မုန့် တိုက်ပွဲ လှုပ်ရှာမှုအဖွဲ့မှ ဦးဆောင်သူတစ်ဦးမှဆိုသည်။


" ပြီးခဲ့တဲ့ ၂၀၁၄ ပညာသင်နှစ်မှာ မြို့မ အလယ်တန်းကျောင်းခွဲက မုန့်ဆိုင်နှစ်ဆိုင်ကို အလူမီနီယံမှန်ကောင်တာများနဲ့ မြန်မာမုန့်တွေရောင်းချပေးနိုင်ခဲ့ပါတယ်။ ဒီနှစ်မှာလည်း အ ထ က ကျောင်းတွေမှာ ကျန်းမာရေးနဲ့ညီညွတ်တဲ့ မြန်မာ့ရိုးရာမုန့်များ ရောင်းချပေးနိုင်ဖို့ ကျွန်တော်တို့အဖွဲ့က ကူညီဆောင်ရွက်သွားမှာပါ " ဟု မုန့် တိုက်ပွဲ အဖွဲ့ဦးဆောင်သူတစ်ဦးမှပြောသည်
တရုတ်နိုင်ငံအပါအ၀င် ပြည်ပနိုင်ငံများမှ တရားမ၀င် ၀င်ရောက်နေသော အချို့သောမုန့်များသည် မည်သည့်အဟာရဓါတ်မှမ၀ါဝင်ဘဲ၊ စားသုံးမိသောကလေးငယ်များ၏ ကျန်းမာရေးကို ဆိုးရွာစွာထိခိုက်စေနိုင်သောကြောင့် နိုင်ငံတော်အစိုးရမှ တရားမ၀င်ကန့်သတ်ကုန်ပစ္စည်းများအဖြစ် တားမြစ်ပိတ်ပင်ထားသော်လည်း မြန်မာနိုင်ငံ၏ မုန့်ဈေးကွက်များတွင် ရောင်းချနေဆဲဖြစ်ကြောင်းသိရသည်။
အသားတုကဲ့သို့သောမုန့်များ၊ အစပ်ချောင်း အစပ်ပြားများ၊ ဓါတုဆိုးဆေးနှင့် အနံ့တုများအသုံးပြုထားသော ရေခဲချောင်း၊ ရေခဲမုန့်နှင့် အချိုရည်မျိုးစုံ၊ ထုတ်လုပ်ရက် ကုန်ဆုံးရက်နှင့် ပါဝင်ပစ္စည်းများဖော်ပြထားခြင်းမရှိသောအချဉ်ထုပ်အမျိုးမျိုးတို့အား ကျောင်းမုန့်ဈေးတန်းများတွင် ရောင်းချခြင်းများမပြုရန် အသိပညာပေးခြင်းများပြုလုပ်ဆောင်ရွက်သွားမည်ဖြစ်ကြောင်းသိရသည်။


အေကေကေ (တောင်တွင်း )

0 comments:

Post a Comment