Sunday, June 28, 2015

ငဖဲမြို့တွင် မူးယစ်ဆေးဝါး တိုက်ဖျက်ရေးနေ့ အခမ်းအနား ကျင်းပ




ငဖဲ     ဇွန်     ၂၆
မကွေးတိုင်းဒေသကြီး မင်းဘူးခရိုင် ငဖဲမြို့တွင် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င်ရောင်းဝယ်မှု တိုက်ဖျက်ရေးနေ့ အထိမ်းအမှတ် အခမ်းအနားကို ယနေ့နံနက်  ၉ နာရီက ငဖဲမြို့ အခြေခံပညာအထက်တန်းကျောင်း ဗိုလ်ရွှဲခန်းမ၌ ကျင်းပခဲ့သည်။

အခမ်းအနားတွင် မြို့နယ်အထွေထွေအုပ်ချုပ်ရေးဦးစီးဌာန ဒု မြို့နယ်အုပ်ချုပ်ရေးမှူး ဦးမောင်ကျော်သန်းက အဖွင့်အမှာစကားပြောကြားပြီး မြန်မာနိုင်ငံရဲတပ်ဖွဲ့ ရဲမှူးကြီး ဥာဏ်ကီးရှိန် မှ မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများ အန္တရာယ်တားဆီးကာကွယ်ရေးဗဟို အဖွဲ့ဥက္ကဌ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးကိုကို ထံမှ ပေးပို့သည့် သ၀ဏ်လွှာကို ဖတ်ကြား၍လည်းကောင်း၊ကျန်းမာရေးဦးစီးဌာနမှူး ဒေါက်တာ ဇော်အောင်က မူးယစ်ဆေးဝါးအန္တရာယ်နှင့်ပတ်သက်၍ ကျန်းမာရေး အသိပညာပေး ဟောပြော ဆွေးနွေးခဲ့သည်။

ဆက်လက်၍ မူးယစ်ဆေးဝါး အထိမ်းအမှတ်နှင့်သဘာဝပတ်ဝန်းကျင်ထိန်းသိမ်းရေးနေ့ အထိမ်းအမှတ် ပန်းချီ ၊စာစီစာကုံး၊ဓာတ်ပုံပြိုင်ပွဲတွင် ဆုရရှိသော ကျောင်းသား ကျောင်းသူများ အားဆုများအသီးသီးချီးမြှင့်ပေးအပ်ခဲ့ကြပြီး ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှ ခင်းကျင်းပြသထားသည့် သဘာဝပတ်ဝန်းကျင် ထိန်းသိမ်းရေး အထိမ်းအမှတ်နှင့် မူးယစ်ဆေးဝါး တားဆီးကာကွယ်ရေးပညာပေး နံရံကပ်စာစောင် ဓာတ်ပုံပြပွဲများကို တက်ရောက်လာသည့် ဌာနဆိုင်ရာများ၊ဆရာ/ဆရာမများနှင့်ကျောင်းသား ကျောင်းသူများမှ စိတ်ပါဝင်စားစွာ ကြည့်ရှု လေ့လာခဲ့ကြကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment