Sunday, June 28, 2015

ညောင်ကုန်းကျေးရွာ အခြေခံပညာမူလတန်းကျောင်း(ခွဲ) အဆင့်တိုးမြှင့်ဖွင့်လှစ်




တောင်တွင်းကြီး   ဇွန်   ၂၈
          မကွေးတိုင်းဒေသကြီး၊ တောင်တွင်းကြီးမြို့နယ် ဆူးကောက်ကြီးအုပ်စု ညောင်ကုန်းကျေးရွာ၊ ကိုယ့်အားကိုယ်ကိုးမူလတန်းကျောင်းအား အခြေခံပညာမူလတန်းကျောင်း(ခွဲ)အဖြစ် အဆင့်တိုးမြှင့်ဖွင့်လှစ်ပွဲကို ဇွန်လ (၂၈)ရက် နံနက်(၉)နာရီကကျင်းပရာ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ဒုတိယ၀န်ကြီး ဦးခင်ဇော်၊ တိုင်းဒေသကြီး လွှတ်တော်ဒုတိယဥက္ကဌ ဦးစောဝင်းမောင်၊ တိုင်းဒေသကြီး လွှတ်တော်ကိုယ်စားလှယ် ဦးကြည်သိန်း၊ လ/ထပညာရေးမှူး ဦးလှမြင့်နှင့် ဆူးကောက်ကြီးအုပ်စု အုပ်ချုပ်ရေးမှူးတို့က ဖဲကြိုးဖြတ်ဖွင့်လှစ်ပေးပြီး ကျောင်းဆိုင်းဘုတ်အား အမွှေးနံ့သာရည်များပက်ဖြန်းပေးခဲ့ ပါသည်။

          ထို့နောက် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ဒုတိယ၀န်ကြီး ဦးခင်ဇော်က အမှာစကားပြောကြားခဲ့ပြီး တိုင်းဒေသကြီး လွှတ်တော်ဒုတိယဥက္ကဌ ဦးစောဝင်းမောင်က ပညာရေးကဏ္ဍ ဘက်စုံဖွံ့ဖြိုးတိုးတက်ရေး ဆောင်ရွက်ချက်များကို ရှင်းလင်းဆွေးနွေးကာ ကျောင်းအဆင့်တိုးမြှင့်ခြင်းအထိမ်း အမှတ်အလံများကို အုပ်စုအုပ်ချုပ်ရေးမှူးက တာဝန်ရှိသူများထံပေးအပ်ခဲ့သည်။   
     
          အဆိုပါစာသင်ကျောင်းဖွင့်လှစ်ပေးခဲ့သဖြင့် ညောင်ကုန်းကျေးရွာက ကျောင်းသား/သူများ အခြေခံပညာမူလတန်းကို မိမိတို့ကျေးရွာ၌ပင် အေးချမ်းစွာ ပညာသင်ကြားနိုင်ပြီဖြစ်ကြောင်း ကျောင်းသားမိဘ တစ်ဦး၏ ပြောကြားချက်အရသိရသည်။
နိုင်ဝင်း

0 comments:

Post a Comment