Thursday, May 21, 2015

နိုင်ငံခြားရင်းနှီးမြုပ်နှံမှုများ တာဝန်ယူမှု တာဝန်ခံမှုကို မြန်မာ-တရုတ် ရေနံနှင့်ဓါတ်ငွေ့ပိုက်လိုင်း စောင့်ကြည့်ရေးကော်မတီ မှ စစ်တမ်းကောက်


အောင်သူ(ငဖဲ)                                                                                                         မေလ (၁၈) ရက်
             မြန်မာနိုင်ငံအတွင်း နိုင်ငံခြားရင်းနှီးမြုပ်နှံမှုလုပ်ငန်းများဖြစ်သည့်မြန်မာ-တရုတ်
 ရေနံနှင့်ဓါတ်ငွေ့
ပိုက်လိုင်းကို၂၀၁၁ခုနှစ်မှစတင်၍ရခိုင်ပြည်နယ်|မကွေးတိုင်းဒေသကြီး|မန္တလေးတိုင်းဒေသကြီး|
ရှမ်းပြည်နယ်|အတွင်းရှိ မြို့နယ်(၂၁)မြို့နယ်ဧရိယာမြေအတွင်း နစ်မြုတ်ဖြတ်သန်း၍တရုတ်နိုင်ငံ Nanning Townအထိသွယ်တန်းဆောင်ရွက်နစ်မြုတ်ပြီးစီးခဲ့သည်။မြန်မာနိုင်ငံအတွင်းပိုက်လိုင်းနစ်မြုတ်ခံဧရိယာ
နယ်နိမိတ်တွင်ကျရောက်သည့်ဒေသခံပြည်သူတောင်သူများဆုံးရှုံးနစ်နာမှုများအတွက်ပိုက်လိုင်းကုမ္မဏီမှ
တာဝန်ယူမှု  တာဝန်ခံမှု များကိုမြန်မာ-တရုတ်ရေနံနှင့်ဓါတ်ငွေ့ပိုက်လိုင်းစောင့်ကြည့်ရေးကော်မတီ မှမေး
ခွန်းပေါင်း(၄၆) ခုကိုတွေ့ဆုံမေးမြန်းပြီးသုတေသနပြုစုစစ်တမ်းကောက်ယူကြောင်းသိရှိရသည်။

              မြန်မာ-တရုတ်ရေနံနှင့်ဓါတ်ငွေ့ပိုက်လိုင်းစောင့်ကြည့်ရေးကော်မတီမှ MCPWCဦးဆောင်ကော်
မတီဝင် ဦးသန့်စင်|သုတေသနပညာရှင် ဦးဇော်အောင်(ရန်ကုန်) နှင့် ဦးရဲသိမ်းဦး|ဦးရွှေလေး တို့ (၄)ဦးမှခေါင်းဆောင်၍သုတေသနအဖွဲ့ဝင်(၁၅)ဦးဖြင့်ရခိုင်ပြည်နယ်ကျောက်ဖြူမြို့ကိုအခြေပြု၍၂၀၁၅ခုနှစ်
မတ်လ(၂၇)ရက်နေ့မှဧပြီလ(၁၀)ရက်နေ့ထိ|မကွေးတိုင်းဒေသကြီးတွင်ငဖဲမြို့နယ်တောင်ပေါ်(၁၀)ရွာ|
မြေပြန့်(၁၀)ရွာကိုအခြေပြု ၍ဧပြီ(၂၁)ရက်နေ့မှမေလ(၂)ရက်နေ့အထိစစ်တမ်းကောက်ယူခဲ့ပြီး|ရှမ်းပြည်
နယ်မြောက်ပိုင်း ကျောက်မဲမြို့နယ်ကျေးရွာ(၁၈)ရွာကိုအခြေပြု ၍မေလ(၁၀)နေ့မှမေလ(၂၄)ရက်နေ့အထိ
စစ်တမ်းကောက်ယူဆဲဖြစ်ကြောင်းနှင့်မန္တလေးတိုင်းဒေသကြီးကျောက်ပန်းတောင်းမြို့ ကိုအခြေပြု ၍ပိုက်
လိုင်းတစ်လျှောက်တစ်နိုင်ငံလုံးဆက်လက်စစ်တမ်းကောက်ယူသုတေသနပြုသွားမည်ဖြစ်ကြောင်း
ထပ်မံသိရှိရသည်။

             ဦးဆောင်ကော်မတီဝင် ဦးသန့်စင်(Ayeyar Waddy West Develop ment Org)မှ``မြန်မာ-
တရုတ်ရေနံနှင့်ဓါတ်ငွေ့ပိုက်လိုင်းစောင့်ကြည့်ရေးကော်မတီကိုCSOအရပ်ဖက်အဖွဲ့အစည်းတွေပေါင်းဖွဲ့ထားတာဖြစ်တယ်။နိုင်ငံခြားရင်းနှီးမြုပ်နှံမှု ကုမ္မဏီတွေက ပြည်တွင်းဥပဒေကိုလည်းလိုက်နာရမယ်။နိုင်ငံ
တကာဥပဒေကိုလည်းလိုက်နာရမယ်။သူတို့မိခင်နိုင်ငံရဲ့ဥပဒေကိုလည်းလိုက်နာရလေ့ရှိတယ်။ပိုက်လိုင်း
မပြီးခင်တည်ဆောက်စဉ် လွန်ခဲ့တဲ့သုံးနှစ်လောက်ကဒေသခံတွေဆုံးရှုံးနစ်နာမှုကိုမြန်မာ-တရုတ်ပိုက်
လိုင်းကုမ္မဏီက ဘယ်လောက်ပွင့်လင်းမြင်သာမှု ရှိသလဲ။တာဝန်ယူမှု တာဝန်ခံမှု တွေဘယ်လောက်ရှိ
သလဲ။မြန်မာအစိုးရဘက်ကကော မြို့နယ်အုပ်ချုပ်ရေးမှုးတွေ ဒေသန္တာရအုပ်ချုပ်ရေးမှုးတွေကကော ဘယ်လောက်ပွင့်လင်းမြင်သာမှု ရှိသလဲ။တာဝန်ယူမှု တာဝန်ခံမှု ဘယ်လောက်ရှိသလဲ။နောက်ပြီး စောစောကပြောခဲ့တဲ့ဥပဒေသုံးရပ်နဲ့ညီညွတ်မျှတမှုရှိသလား?
ဆိုတာဒေသခံတွေဖြစ်ခဲ့ကြုံခဲ့တဲ့အတွေ့အ
ကြုံနဲ့ညှိနှိုင်းမေးမြန်းပြီးပိုက်လိုင်းတစ်လျှောက်မြန်မာတနိုင်ငံလုံးသုတေသနပညာရှင်နဲ့စနစ်တကျစစ်တမ်း
ကောက်ယူမှာဖြစ်တယ်။စစ်တမ်းကောက် သုတေသနပြု စုပြီးရင် မြန်မာအစိုးရနဲ့လွှတ်တော်ကို ဒါဒိုက် ပို့မယ်။တရုတ်အစိုးရနဲ့တရုတ်ပိုက်လိုင်းကုမ္မဏီကိုလည်းနိုင်ငံတကာINGO ကနေပို့မယ်။ဒါမှပွင့်လင်း
မြင်သာမှု ။တာဝန်ယူမှု တာဝန်ခံမှု တွေရှိ-မရှိဆိုတာပေါ်လာလိမ့်မယ်။ကျွန်တော်တို့နိုင်ငံကိုနောင်တစ်ချိန်
နိုင်ငံခြားရင်းနှီးမြုပ်နှံမှုတွေလာခဲ့ရင် ဘယ်ဥစ္စာအားနဲချက်လဲ။ဘယ်ဥစ္စာအားသာချက်လဲ။ဘာတွေချို့
ယွင်းခဲ့သလဲ--ဆိုတာနမူနာယူလို့ရတယ်။အဲဒီတော့ဒီစစ်တမ်းကမြန်မာနိုင်ငံမှာသမိုင်းတခုအနေနဲ့ကျန်
ခဲ့မှာဖြစ်တယ်--လို့ယုံကြည်တယ်´´ဟု မြေလတ်မီဒီယာ သို့ပြောပြသည်။

             ငဖဲမြို့နယ် သာယာကုန်းကျေးရွာနေ ပိုက်လိုင်းနစ်မြုစ်ဖြတ်သန်းခံတောင်သူ ဦးထွန်းငြိမ်း မှ
``သူတို့ပိုက်လိုင်းကုမ္မဏီကလျော်တဲ့မြေလျော်ကြေး သီးနှံနစ်နာကြေးငွေက တရုတ်ကအနှစ်(၃၀)
ပိုင်မှာဖြစ်တဲ့အတွက်ဆုံးရှုံးတာနဲ့ယှဉ်ရင်မညီမျှ ဘူး။နစ်နာလွန်းတယ်။ဒီကိစ္စတွေကိုပိုက်လိုင်းစောင့်
ကြည့်ရေးကော်မတီကစစ်တမ်းကောက်ယူဖို့လာရောက်မေးမြန်းသွားတာလုပ်သင့်လုပ်ထိုက်တာဖြစ်လို
့ကျွန်တော့်အနေနဲ့အားရ ကျေနပ်မှု ရှိတယ်။ဝမ်းသာကြိုဆိုပါတယ်။´´ဟုမြေလတ်မီဒီယာ သို့ပြောသည်။          
      
                                                                                                                     အောင်သူ(ငဖဲ)

0 comments:

Post a Comment