Monday, May 4, 2015

မကွေးမြို့နယ် အခြေပြု မူလတန်း ဆရာအတတ်ပညာအထူးသင်တန်း(၂/၂၀၁၅)ဖွင့်လှစ်




မကွေး    မတ်     
          မကွေးတိုင်းဒေသကြီး မကွေးမြို့နယ်အခြေပြု မူလတန်း ဆရာအတတ်ပညာအထူးသင်တန်း (၂/၂၀၁၅)ဖွင့်ပွဲအခမ်းအနားကို ယနေ့နံနက် ၉ နာရီက မကွေး အထက(၄)အစည်းဝေးခန်းမ၌ ကျင်းပရာ တိုင်းဒေသကြီးပညာရေးညွှန်ကြားရေးမှူးဦးမြင့်သိန်း၊မြို့နယ်အုပ်ချုပ်ရေးမှူးဦးစောထွန်းဦးနှင့်မြို့နယ်အဆင့်ဌာနဆိုင်ရာတာဝန်ရှိသူများ၊ခရိုင်ပညာရေးမှူးနှင့်သင်တန်းနည်းပြ ဆရာ/ဆရာမများ၊သင်တန်းသား/သူများ တက်ရောက်ကြသည်။

 ရှေးဦးစွာ အခမ်းအနားတွင် မကွေးတိုင်းဒေသကြီးပညာရေးညွှန်ကြားရေးမှူး ဦးမြင့်သိန်းမှ သင်တန်းဖွင့်အမှာစကား ပြောကြားပြီး မကွေးမြို့နယ်အုပ်ချုပ်ရေးမှူးဦးစောထွန်းဦးမှအုပ်ချုပ်ရေးနှင့်ပညာ ရေးပေါင်းစပ်ညှိနှိုင်းပြီး မကွေးမြို့နယ်ပညာရေးတိုးတက်အောင် ပူးပေါင်းဆောင်ရွက်ကြရန် လမ်းညွှန် စကားပြောကြားခဲ့သည်။ဆက်လက်၍ မြို့နယ်ပညာရေးမှူး ဒေါ်စန်းစန်းအေးက သင်တန်းပို့ချရခြင်း၏ ရည်ရွယ်ချက်နှင့်သင်တန်းတွင်လိုက်နာရမည့်စည်းကမ်းများနှင့်ပတ်သက်၍ ရှင်းလင်းပြောကြားခဲ့သည်။

          အဆိုပါသင်တန်းသို့ ၂၀၁၄ခုနှစ်တွင် နေ့စားလပေးဖြင့်မကွေးမြို့နယ်အတွင်းခန့်ထားသော မူလတန်းပြ ဆရာ/ဆရာမ(၁၃၄)ဦး တက်ရောက်ပြီး(၄.၅.၂၀၁၅)ရက်နေ့မှ(၈.၆.၂၀၁၅)ရက်ထိ ပညာရေး သဘောတရား၊ပညာရေးစိတ်ပညာ၊စာပေဘာသာရပ်၊ဖွံ့ဖြိုးရေးဘာသာရပ်များ စသည်ဖြင့်ဘာသာရပ် (၁၃) ခုကို နည်းပြဆရာ(၁၃)ဦးမှပို့ချသွားမည်ဖြစ်ပြီး မကွေးမြို့နယ်အခြေပြု မူလတန်း ဆရာအတတ်ပညာ ဆရာဖြစ်သင်တန်းဆင်းလက်မှတ်များပေးအပ်သွားမည်ဖြစ်ကာ နိုင်ငံတော်၏ပညာရေးကဏ္ဍ အဆင့် တိုးမြှင့်ဆောင်ရွက်ရာတွင်တစ်ဖက်တစ်လမ်းမှအထောက်အကူပြု သင်တန်းဖြစ်ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment