Monday, May 4, 2015

ထီရောင်းဝယ်ရေးဆိုင်တွင် ချဲထီလောင်းကစားပြုလုပ်သူအား အမှုဖွင့်အရေးယူ

၂၀၁၅ ခုနှစ်၊ မေလ ၁ ရက်နေ့ နေ့လည် (၂း၀၅) နာရီအချိန်တွင် မကွေးတိုင်းဒေသကြီး၊ မကွေးခရိုင် ၊ ချောက်မြို့၊ အမှတ် (၆)ရပ်ကွက်၊ အောင်မြေရပ်နေ ဦးနေဝင်း (၆၁)နှစ်၏ ထီရောင်းဝယ်ရေးဆိုင် တွင် လောင်းကစားပြုလုပ်နေကြောင်း သတင်းအရ မကွေးတိုင်းဒေသကြီးရဲတပ်ဖွဲ့မှ ရဲအုပ် မျိုးနိုင်နှင့် အဖွဲ့သည် သက်သေများနှင့်အတူ မကွေးတိုင်းဒေသကြီးရဲတပ်ဖွဲ့မှူး၏ လောင်းကစားဖမ်းဝရမ်း အမှတ် ၅/၂ဝ၁၅ ဖြင့် ဝင်ရောက်ရှာဖွေခဲ့ကြောင်း သတင်းရရှိပါသည်။
 ချောက်မြို့၊ အမှတ်(၆)ရပ်ကွက်၊ အောင်မြေရပ်နေ ဦးနေဝင်း (၆၁)နှစ်အား ၎င်းနေအိမ်တွင် ချဲထီလောင်း ကစားရာတွင် အသုံးပြုသောစာအုပ်၊ စာရွက်စာတမ်းကိရိယာများနှင့် လောင်းကြေးငွေ ၁၄၁,၁ဝဝိ/-တို့နှင့် ဦးနေဝင်း ကိုင်ဆောင်သော ဆင်းကဒ် ၂ ခုပါရှိသည့် E-2 အမျိုးအစားအနက်ရောင် ခလုတ်ဖုန်း(၁)လုံး အား ရှာဖွေသိမ်းဆည်းရမိခဲ့သဖြင့် တရားမဝင် သုံးလုံးချဲထီလောင်းကစား ပြုလုပ်သူ ဦးနေဝင်းအား ချောက် မြို့နယ် ၊ မြို့မရဲစခန်း(ပ) ၈၁/၂ဝ၁၅၊ လောင်းကစားဥပဒေပုဒ်မ ၁၅(က) အရ အမှုဖွင့် အရေးယူဆောင်ရွက် လျှက်ရှိကြောင်း သတင်းရရှိပါသည်။

0 comments:

Post a Comment