Sunday, May 3, 2015

ကဆုန်လပြည့်ဗုဒ္ဓနေ့တွင်အောင်လံ မြို့နယ်လုံးကျွတ်ဆွမ်းဆန်စိမ်းလောင်းလှူ၍ဆင်းရဲနွမ်းပါးသူများကိုလည်းဆန်များလှူဒါန်း

ကဆုန်လပြည့်ဗုဒ္ဓနေ့တွင်အောင်လံမြို့နယ်လုံးကျွတ်ဆွမ်းဆန်စိမ်းလောင်းလှူပွဲကိုကန်ကြီးရပ်သိမ်ကုန်း
ဓမ္မာရုံဘုရားကြီးသာသနာ့ဟိတအသင်းကြီးမှ၁၂၁ကြိမ်မြောက်အဖြစ်မေ၂ရက်မွန်းလွဲ၃နာရီမှစတင်ကာ
ကျင်းပရာရဟန်းသံဃာသီလရှင်များအားတစ်မြို့နယ်လုံးဆွမ်းဆန်စိမ်းများလောင်းလှူပြီးဆင်းရဲနွမ်းပါးသူများ
ကိုလည်းဆန်များလှူဒါန်းကြောင်းသိရသည်။

'အောင်လံမြို့နဲ့အနီးအနားဝန်းကျင်ကဆင်းရဲတဲ့သူတွေလာတာတစ်နှစ်ပြီးတစ်နှစ်များလာပါတယ်။သံဃာတွေကိုဆွမ်းဆန်လောင်းပြီးမှနောက်ဆုံးမှာသူတို့ကိုစေတနာရှင်တွေကဆန်တွေလှူဒါန်းတာပါ။သံဃာတွေကလည်းအဲဒီသူတွေကိုဆန်တွေပြန်လှူသွားတာမြင်ရပါတယ်"ဟုလူမှုရေးအသင်းမှအဖွဲ့ဝင်တစ်ဦးကမြေလတ်မီဒီယာကိုပြောသည်။

မြို့နယ်လုံးကျွတ်ဆွမ်းဆန်စိမ်းလောင်းလှူပွဲတွင်သိမ်ကုန်းဓမ္မာရုံဘုရာကြီးမှဖိုးသူတော်၂၀ပါးဘုန်းတော်ကြီးကျောင်းတိုက်ပေါင်း၁၁၂ကျောင်းမှသံဃာတော်၁၅၄၁ပါးသီလရှင်၂၅၁ပါးတို့အားဆန်၅၀၁၅တင်းဆီ၁၀၀၀ပိသာကြက်သွန်နီ၉၈၃ပိသာဆား၁၁၇ပိသာအာလူး၆၀ပိသာဆပ်ပြာထုပ်၁၂၀၀အမွှေးဆပ်ပြာခဲ၁၀၀၄တို့အပြင်ဆေးဝါးများသွားတိုက်ဆေးများကိုမြို့သူမြို့သားများမှစုပေါင်းလောင်းလှူခဲ့ကြောင်းသိရသည်။
ထို့အတူအောင်လံမြို့နယ်အမျိုးသားဒီမိုကရေစီအဖွဲ့ချုပ်ပါတီမှပါတီဝင်များမှလည်းရဟန်းသံဃာသီလရှင်များအားဆွမ်းဆန်စိမ်းလောင်းလှူကာအချိုရည်များဆက်ကပ်လှူဒါန်းကြောင်းသိရသည်။

ကဆုန်လပြည့်ဗုဒ္ဓနေ့တွင်တစ်မြို့နယ်လုံးဆွမ်းဆန်စ်ိမ်းလောင်းလှူပွဲနှင့်အတူညနေ၆နာရီမှစတင်ကာစမ်းချောင်းရပ်တာဝတိသာကျောင်းတိုက်အတွင်းရှိမဟာဗောဓိညောင်ပင်သရက်တောရပ်ကွက်မဟာဗောဓိညောင်ပင်နှင့်ရွာထောင်ရပ်မဟာဗောဓိညောင်ပင်တို့အားညောင်ရေသွန်းလောင်းသူများဖြင့်အထူးစည်ကားခဲ့ကြောင်းသိရသည်။

ညီမှူးအိမ်(အောင်လံ)

0 comments:

Post a Comment