Saturday, April 25, 2015

ကျောင်းဆောင်သစ်လွှဲပြောင်းပေးအပ်



နတ်မောက်     ဧပြီ၂၄
နတ်မောက်မြို့နယ်တောင်ထောင့်အုပ်စုကုန်းဇောင်းကျေးရွာအခြေခံပညာမူလွန်ကျောင်းဆောင်သစ်ပေးအပ်ပွဲအခမ်းအနားကိုဧပြီ ၂၂ရက်နံနက် ၉ နာရီကအဆိုပါကျောင်းဆောင်သစ်ရှေ့၌ကျင်းပရာမကွေးတိုင်းဒေသကြီးအစိုးရအဖွဲ့လူမူရေးဝန်ကြီးဦးအောင်ကျော်မင်း၊ပြည်သူ့လွှတ်တော်ကိုယ်စားလှယ်ဦးအောင်ကျော်စိုး၊မြို့နယ်အုပ်ချုပ်ရေးမှူးဦးဌေးအောင်၊မကွေးတိုင်းဒေသကြီးပညာရေးညွန်ကြားရေးမှူးဦးမြင့်သိန်းနှင့်မူလွန်ကျောင်းဆောင်သစ်အလှူရှင်"၀င်း"စားတော်ဆက်မိသားစုဒေါ်ခင်ခင်ဝင်းတို့ကဖဲကြိုးဖြတ်ဖွင့်လှစ်ပေးခဲ့ပြီးမကွေးတိုင်းဒေသကြီးအစိုးရအဖွဲ့ဝင်များ၊မြို့နယ်ဌာနဆိုင်ရာအကြီးအကဲများနှင့်ဆရာ၊ဆရာမများတက်ရောက်ကြသည်။

အဆိုပါကျောင်းဆောင်သစ်ပေးအပ်ပွဲတွင်အထိမ်းအမှတ်အလံငယ်နှင့်ကျောင်းဆောင်သစ်နှင့်ပတ်သက်သောစာရွက်စာတမ်းများကိုကျောင်းအုပ်ဆရာကြီဦးဘိုရွှေမှလူမူရေးဝန်ကြီးဦးအောင်ကျော်မင်းအားဌာနဆိုင်ရာအကြီးအကဲများနှင့်ကျေးရွာရှိမိဘပြည်သူများရှေ့တွင်လွှဲပြောင်းပေးအပ်ခဲ့ကြောင်းသိရသည်။ကုန်းဇောင်းကျေးရွာတွင်"၀င်း"စားတော်ဆက်မှလှူဒါန်းသောမူလွန်ကျောင်းဆောင်သစ်အလျား ၁၂၀ပေအနံ ၃၀ပေရှိပြီးသွပ်မိုး၊အုပ်တက်၊တမံသလင်းခင်းပြီးတစ်ထပ်ကျောင်းဆောင်ဖြစ်၍(၄၁၅)  သိန်းကုန်ကျခဲ့ရာအဆောက်အဦးမှာလေးခန်းတွဲဖြစ်ကြောင်းသိရသည်။        လှဝင်း

0 comments:

Post a Comment