Saturday, April 25, 2015

ရိုးရာလက်ရက်ကန်းလုပ်ငန်းများအောင်လံမြို့နယ်ကျေးရွာများတွင်ထိန်းသိမ်းလုပ်ကိုင်နေ




မိရိုးဖလာမြန်မာ့အိမ်တွင်းမှုလက်ရက်ကန်းလုပ်ငန်းများကိုအောင်လံမြို့နယ်အရှေ့ရွှေပန်းတောကျေးရွာအုပ်စုအင်းလယ်ကျေးရွာအုပ်စုနှင့်သမ္ဘူလကျေးရွာအုပ်စုများတွင်အိမ်တွင်းလက်မှုလုပ်ငန်းများအဖြစ်ယနေ့ထိထိန်းသိမ်းစောင့်ရှောက်ကာလုပ်ကိုင်လျက်ရှိကြောင်းသိရသည်။

"မိရိုးဖလာလုပ်ငန်းလည်းဖြစ်တယ်။ရက်ကန်းယက်တာလည်းစိတ်ဝင်စားပါတယ်။အများဆုံးကတော့စောင်တွေယက်လုပ်ပါတယ်။တခြားတောင်သူအလုပ်တွေနားတဲ့အချိန်ရက်ကန်းယက်ပါတယ်"ဟုအင်းလယ်ကျေးရွာသူတစ်ဦးကပြောသည်

ယခင်ကရက်ကန်းယက်လုပ်ခြင်းကိုတစ်ရွာလုံးနီးပါးလုပ်ကိုင်ကြခြင်းဖြစ်ပြီးယခုအခါလူငယ်အမျိုးသမီးများမှာတောင်သူလုပ်ငန်းရက်ကန်းလုပ်ငန်းများကိုစွန့်၍နိုင်ငံခြားသို့အလုပ်သွားရောက်လုပ်ကိုင်နေကြသဖြင့်ရက်ကန်းယက်လုပ်ခြင်းမျိုးဆက်ပြတ်တော့မည်ဖြစ်ကြောင်းသိရသည်။

ရက်ကန်းယက်လုပ်ရာတွင်ဒေသထွက်ဝါမျိုးများကိုအများဆုံးအသုံးပြုကြခြင်းဖြစ်ကာချည်စောင်နှင့်ဖျင်အင်္ကျီများယက်လုပ်လျက်ရှိသည်။

"နှစ်တိုင်းချည်စောင်တွေအများဆုံးယက်လုပ်ပါတယ်။မြို့ကအမြဲတမ်းမှာတဲ့သူကိုယက်ပေးရတာ။သုံးရက်ဆိုစောင်တစ်ထည်ပြီးပါတယ်။စောင်တစ်ထည်တစ်သောင်းကျပ်ရပါတယ်"ဟုကန်သာရွာမှရက်ကန်းယက်လုပ်သူတစ်ဦးကပြောသည်။

အိမ်တွင်းမှုရိုးရာရက်ကန်းယက်ခြင်းကိုကျေးလက်အမျိုးသမီးငယ်များအားမိဘများမှအစဉ်အဆက်လက်ဆင့်ကမ်းသင်ကြားပေးခဲ့သောအတတ်ပညာတစ်ခုဖြစ်ပြီးဝါဆွတ်ခြင်းဝါဖန်ခြင်းဗိုင်းလှိမ့်ခြင်းချည်ငင်ခြင်းချည်ရစ်ခြင်းဆေးဆိုးခြင်းချည်ယက်ခြင်းစသည့်အဆင့်ဆင့်နည်းပညာများကိုလက်တွေ့သင်ကြားပြသပေးအတတ်ပညာတစ်ခုဖြစ်၍ထိန်းသိမ်းစောင့်ရှောက်ကာပိုမိုကျယ်ပြန့်စွာဆောင်ရွက်သင့်သောလုပ်ငန်းတစ်ခုဖြစ်ကြောင်းသိရသည်။

ညီမှူးအိမ်(အောင်လံ)

0 comments:

Post a Comment