Tuesday, April 28, 2015

မကွေးမြို့ပေါ်တွင် တရားမ၀င် လောင်းကစားပြုလုပ်သူကို အရေးယူ

၂၀၁၅ ခုနှစ်၊ ဧပြီလ ၂၇ ရက်နေ့ ညနေ(၃း၂၀) နာရီအချိန်ခန့်တွင် မကွေးတိုင်းဒေသကြီး၊ မကွေးခရိုင်၊ မကွေးမြို့နယ်၊ မကွေးမြို့မရဲစခန်းမှ ရဲတပ်ဖွဲ့ဝင်များသည် မကွေးမြို့၊ ချမ်းမြေ့သာယာ ရပ်ကွက်နေ ပိုင်သူကျော် (၂၀)နှစ်၏ နေအိမ်တွင် နှစ်လုံးထီ၊ သုံးလုံးထီ၊ ဘောလုံးလောင်းကစား ပြုလုပ်နေ ကြောင်း သတင်းအရ သက်သေများနှင့်အတူ မကွေးမြို့နယ်ရဲတပ်ဖွဲ့မှူး၏ လောင်းကစား ဖမ်းဝရမ်း အမှတ် ၁၂/၂၀၁၅ ဖြင့် ၀င်ရောက်ရှာဖွေရာ ပိုင်သူကျော်အား ၎င်း၏နေအိမ်နောက်ဖေး အဖီတဲတွင် နှစ်လုံးထီ၊ သုံးလုံးထီ၊ ဘောလုံး လောင်းကစားရာတွင် အသုံးပြုသော စာရွက်စာတမ်းများ၊ ဆက်စပ် ပစ္စည်းများ ၊ လောင်းကြေးငွေ ၅၀၀၀ိ/- တို့နှင့်အတူ တွေ့ရှိဖမ်းဆီးရမိသဖြင့် ပိုင်သူကျော်အား မကွေးမြို့နယ်၊ မြို့မရဲစခန်း (ပ) ၁၅၄/၂၀၁၅၊ လောင်းကစားဥပဒေပုဒ်မ ၁၅(က)/၁၆(က) အရ အမှုရေးဖွင့် ဆောင်ရွက် လျှက် ရှိကြောင်း သတင်းရရှိပါသည်။     မကွေးသတင်းစုံ

0 comments:

Post a Comment