Wednesday, April 1, 2015

မကွေးတိုင်းဒေသကြီးအစိုးရအဖွဲ့၏ အစီအစဉ်ဖြင့်ခန့်ထားသော လက်ထောက်ဆရာဝန်(သစ်လွင်)နှင့်သွားဘက်ဆိုင်ရာ ဆရာဝန်(သစ်လွင်)များ တာဝန်ပေးအပ်နှင်းခြင်း အခမ်းအနား ကျင်းပ



မကွေး     မတ်     ၃၁
          မကွေးတိုင်းဒေသကြီး အစိုးရအဖွဲ့ အစီအစဉ်ဖြင့်ခန့်၌ထားသော လက်ထောက်ဆရာဝန် (သစ်လွင်)နှင့် သွားဘက်ဆိုင်ရာဆရာဝန်(သစ်လွင်)များ တာဝန်ပေးအပ်ခြင်းအခမ်းအနားကို ယနေ့နံနက် ၉ နာရီကတိုင်းဒေသကြီးကျန်းမာရေးဦးစီးဌာနရုံး အစည်းအဝေးခန်းမတွင် ကျင်းပခဲ့သည်။

  ရှေးဦးစွာ တိုင်းဒေသကြီး ၀န်ကြီးချုပ်ဦးဘုန်းမော်ရွှေမှ  တိုင်းဒေသကြီးအစိုးရအဖွဲ့  အစီအစဉ်ဖြင့် ခန့်အပ်သော လက်ထောက်ဆရာဝန်(သစ်လွင်) နှင့်သွားဘက်ဆိုင်ရာဆရာဝန်(သစ်လွင်)များအား သြ၀ါဒ စကားပြောကြားရာတွင် ၀န်ထမ်းများ၏ ချမှတ်ထားသော စည်းမျဉ်းစည်းကမ်း များလိုက်နာရေး၊ကျန်းမာရေး စောင့်ရှောက်မှု အကာအကွယ်ပေးနိုင်ရန် ကျွမ်းကျင်မှုလိုအပ်သဖြင့် လုပ်ငန်းခွင်အတွင်းထပ်မံလေ့ကျင့်သင် ကြားရေး၊ပြည်သူ့ဝန်ထမ်းများပီပီ ပြည်သူများ၏ လိုလားချက်ဖြစ်သောတည်ငြိမ်အေးချမ်းရေးနှင့်လူမှုစီးပွား ဘ၀ ဖွံ့ဖြိုးတိုးတက်ရေးကို တတ်နိုင်သမျှ ဆောင်ရွက်ရေး၊နိုင်ငံတော်၏ပြုပြင်ပြောင်းလဲရေးလုပ်ငန်းစဉ်များ ကို မျက်ခြေမပြတ်လေ့လာဆောင်ရွက်ရေး၊ပြည်သူကိုဝန်ဆောင်မှုအပြည့်အ၀ပေးနိုင်ရန် မိမိတတ်ကျွမ်း သောပညာအား ပိုမိုကျွမ်းကျင်တတ်မြောက်အောင်ကြိုးပမ်းဆောင်ရွက်ရေး၊တာဝန်ကျရာဒေသ၊ရပ်ရွာဒေသ မှာ ပြည်သူနှင့်တစ်သားတည်းဖြစ်အောင်နေပြီးပြည်သူ့အမာခံ ပြည်သူ့ဝန်ထမ်းအဖြစ်ခံယူဆောင်ရွက်ရေး၊ လုပ်ငန်းခွင်စည်းကမ်းများနှင့်ဝန်ထမ်းစည်းကမ်းများကို တိတိကျကျလိုက်နာရေးတို့ကို အကျယ်တ၀ံ့မှာ  ကြားခဲ့သည်။
 
          ၄င်းနောက် ကျန်းမာရေးဝန်ကြီးဌာန၊ညွှန်ကြားရေးမှူး ဒေါက်တာဒေါ်သီတာလှနှင့်တိုင်းဒေသကြီး ကျန်းမာရေးဦးစီးမှူး ဒေါက်တာထွန်းမြင့်တို့မှ သစ်လွင်ဆရာဝန်များအား ကျန်းမာရေးဝန်ကြီးဌာနနှင့်ပတ် သက်၍လည်းကောင်း။တိုင်းဒေသကြီးအတွင်း ဆေးရုံများအခြေအနေနှင့်ဆရာဝန်များ၏လိုက်နာရမည့် စည်းကမ်းများကို အသေးစိတ်ရှင်းလင်းပြောကြားခဲ့သည်။

          ဆက်လက်၍ တိုင်းဒေသကြီးဝန်ကြီးချုပ်ဦးဘုန်းမော်ရွှေမှ အလုပ်တာဝန်ပေးအပ်လွှာများကို ပေးအပ်ရာ လက်ထောက်ဆရာဝန်များကိုယ်စား ဆရာဝန်တစ်ဦးအားလည်းကောင်းသွာဘက်ဆိုင်ရာ ဆရာဝန်တစ်ဦးအားလည်ကောင်းအလုပ်တာဝန်ပေးအပ်လွှာများကို ပေးအပ်ခဲ့သည်။ထို့နောက် သစ်လွင် ဆရာဝန်များကိုယ်စား ဆရာဝန်တစ်ဦးမှကျေးဇူးတင်စကားပြောကြားခဲ့ပြီး တိုင်းဒေသကြီးဝန်ကြီးချုပ်မှ အလုပ်တာဝန်ခန့်အပ်သော လက်ထောက်ဆရာဝန်သစ်လွင်များအား ရင်းရင်းနှီးနှီးတွေ့ဆုံနှုတ်ဆက် အားပေးစကားပြောကြားခဲ့သည်။

          မကွေးတိုင်းဒေသကြီး အစိုးရအဖွဲ့ အစီအစဉ်ဖြင့်ခန့်အပ်သော လက်ထောက်ဆရာဝန်/ သွားဘက်ဆိုင်ရာဆရာဝန်(သစ်လွင်)များကို ပြည်ထောင်စုရာထူးဝန်အဖွဲ့၏ လုပ်ထုံးလုပ်နည်းများနှင့်အညီ စိစစ်ရွေးချယ်၍ အောင်မြင်သူများကို ဗဟိုဝန်ထမ်းတက္ကသိုလ် (ဖောင်ကြီး)တွင် သင်တန်း တက်ရောက် စေခဲ့ကာ သင်တန်းအောင်မြင်သူ လက်ထောက်ဆရာဝန်(သစ်လွင်)(၁၆၈)ဦး၊သွားဘက်ဆိုင်ရာဆရာဝန် (သစ်လွင်)(၁၂)ဦးအားအလုပ်တာဝန်ခန့်အပ်ပေးခဲ့ပြီး တိုင်းဒေသကြီးအတွင်းရှိ တိုင်း/ခရိုင်ဆေးရုံကြီးများ နှင့်သင်ကြားရေးဆေးရုံကြီးများတွင် တာဝန်ချထားပေးခဲ့ကြောင်းသိရှိရသည်။
သန်းနိုင်ဦး(ငဖဲ)

0 comments:

Post a Comment