Tuesday, March 31, 2015

၂၀၁၅ခုနှစ် နွေရာသီ စာတတ်မြောက်ရေးလုပ်အားပေးသွားမည့် ကျောင်းသား ကျောင်းသူများ တွေဆုံပွဲကျင်းပ



မကွေး     မတ်     ၃၀
          မကွေးတိုင်းဒေသကြီး မကွေးမြို့တွင်  ၂၀၁၅ခုနှစ် နွေရာသီ စာတတ်မြောက်ရေး လုပ်အားပေး အောင်လံမြို့နယ်သို့ သွားရောက်မည့် မကွေးတက္ကသိုလ်မှကျောင်းသားကျောင်းသူများ တွေ့ဆုံပွဲအခမ်း အနားကို ယနေ့ နံနက် ၉ နာရီက  မကွေးတက္ကသိုလ် ဘက်စုံခန်းမ၌ ကျင်းပခဲ့သည်။

          အဆိုပါအခမ်းအနားသို့ တိုင်းဒေသကြီးဝန်ကြီးချုပ်နှင့်အတူ တိုင်းဒေသကြီးအစိုးရအဖွဲ့ဝင်ဝန်ကြီး များ၊တိုင်းဒေသကြီးလွှတ်တော်ကိုယ်စားလှယ်များ၊တိုင်းဒေသကြီးအဆင့်ဌာနဆိုင်ရာတာဝန်ရှိသူများ၊မကွေး တက္ကသိုလ်ပါမောက္ခချုပ်နှင့်ဌာနမှူးများ၊ဆရာ/ဆရာမများနှင့်နွေရာသီစာတတ်မြောက်ရေး လုပ်အားပေး သွားရောက်မည့် ကျောင်းသားကျောင်းသူများ တက်ရောက်ခဲ့ကြသည်။

          ရှေးဦးစွာ တိုင်းဒေသကြီးဝန်ကြီးချုပ်ဦးဘုန်းမော်ရွှေမှ အောင်လံမြို့နယ်သို့ ၂၀၁၅ခုနှစ် နွေရာသီ စာတတ်မြောက်ရေးလုပ်အားပေးသွားရောက်မည့် မကွေးတက္ကသိုလ်ကျောင်းသားကျောင်းသူများအား သြ၀ါဒအမှာစကားပြောကြားရာတွင် ကျောင်းသားလူငယ်များအနေဖြင့် နွေရာသီအားလပ်ရက်တွင် တိုင်းဒေ သကြီးအတွင်းမှ စာမတတ်သူများအား သွားရောက်သင်ကြားရမှာဖြစ်သည့်အတွက် ဂုဏ်ယူဝမ်းမြောက်ဖွယ် ကောင်းကြောင်း၊ကျောင်းပိတ်ချိန်တွင် အချိန်ကိုအကျိုးရှိစွာအသုံးချတတ်ခြင်း၊လုပ်ငန်းခွင်မ၀င်ရောက်မီ တက္ကသိုလ်ကျောင်းသားဘ၀မှစတင်၍ ကျောင်းသားကျောင်းသူများအား ပရဟိတလူမှုရေးစိတ်ဓာတ်များ ရှိလာရေးအတွက ပြုစုပျိုးထောင်လေ့ကျင့်ရန်လိုအပ်ကြောင်း၊စာမတတ်သူပပျောက်ရေးလုပ်ငန်းများတွင် ပါဝင်ဆောင်ရွက်ရသည့်အတွက် နိုင်ငံအတွက်လည်း ဂုဏ်ယူဝမ်းမြောက်ဖွယ်ကောင်းကြောင်း စသည်ဖြင့်  အကျယ်တ၀ံ့ပြောကြားခဲ့သည်။

          ၄င်းနောက် မကွေးတက္ကသိုလ်ပါမောက္ခချုပ် ဒေါက်တာအေးကျော်မှ မကွေးတက္ကသိုလ်မှ အောင်လံ မြို့နယ်သို့ ၂၀၁၅ခုနှစ် နွေရာသီ စာတတ်မြောက်ရေးလုပ်အားပေးသွားရောက်မည့်         မကွေးတက္ကသိုလ် ကျောင်းသားကျောင်းသူများအား စည်းကမ်းပိုင်းများ၊အုပ်ချုပ်မှုလျော့နည်းဖြစ်စဉ်မဖြစ်ပွားရေး၊ ကျန်းမာရေး ကိစ္စများ၊သက်ဆိုင်ရာရွာအလိုက်  ရပ်ရွာစည်းကမ်းများ လိုက်နာရေးတို့ကို ပြောကြားခဲ့သည်။

          ဆက်လက်၍         တိုင်းဒေသကြီးဝန်ကြီးချုပ်မှ စာတတ်မြောက်ရေးလုပ်အားပေးသွားရောက်မည့် ကျောင်းသား ကျောင်းသူများအား  စာတတ်မြောက်ရေး လုပ်အားပေး  အထိမ်းအမှတ်  လက်စွဲအိတ်၊တီရှပ် ဦးထုပ်၊ ကျန်းမာရေးသုံးပစ္စည်းများ၊ မျက်နှာသုပ်ပ၀ါများကို ကျေးရွာအုပ်စုအလိုက် တာဝန်ကျ ကျောင်းသား ကျောင်းသူခေါင်းဆောင်များအား ပေးအပ်ခဲ့သည်။

          ထို့နောက် ၂၀၁၅ခုနှစ် နွေရာသီ စာတတ်မြောက်ရေးလုပ်အားပေးသွားရောက်မည့် ကျောင်းသား/ ကျောင်းသူများကိုယ်စား ပထမနှစ်ဂုဏ်ထူးတန်းကျောင်းသူ မချိုချိုမောင်မှ ကျေးဇူးတင်စကားပြန်လည်ပြော ကြားခဲ့ပြီး အခမ်းအနားရုပ်သိမ်းကာ တိုင်းဒေသကြီးဝန်ကြီးချုပ်မှ လုပ်အားပေးသွားရောက်မည့်ကျောင်းသား ကျောင်းသူများအား ရင်းရင်းနှီးနှီးတွေ့ဆုံနှုတ်ဆက်ခဲ့သည်။ 
သန်းနိုင်ဦး(ငဖဲ)

0 comments:

Post a Comment