Monday, March 23, 2015

တိုင်းဒေသကြီးဝန်ကြီးချုပ် မြစ်သာရေလှောင်တမံဘက်စုံစီမံကိန်း ယာယီရေထိန်းတမံတည်ဆောက်ခြင်း လုပ်ငန်းဆောင်ရွက်မှုအား ကြည့်ရှုအားပေး



မကွေး      မတ်      ၂၃
          မကွေးတိုင်းဒေသကြီး အစိုးရအဖွဲ့ဝန်ကြီးချုပ်ဦးဘုန်းမော်ရွှေသည် တိုင်းဒေသကြီးအစိုးရအဖွဲ့ဝင် လျှပ်စစ်နှင့်စက်မှုလက်မှုဝန်ကြီး ဦးဝင်းမြင့်မောင်၊ တိုင်းဒေသကြီးအဆင့်ဌာနဆိုင်ရာတာဝန်ရှိသူများ လိုက်ပါ၍ မတ် ၂၀ ရက်နံနက် ၆ နာရီခွဲက ဂန့်ဂေါခရိုင် မြစ်သာရေလှောင်တမံဘက်စုံ စီမံကိန်းတည်ဆောက်ရေးရှင်းလင်းဆောင်သို့ရောက်ရှိရာ မြစ်သာရေလှောင်တမံဘက်စုံစီမံကိန်း တာဝန်ခံ  ဆည်မြောင်းဦးစီးဌာန၊ တည်ဆောက်ရေး(၈) ညွှန်ကြားရေးမှူး ဦးဝင်းနိုင်မှ မြစ်သာရေလှောင် တမံစီမံကိန်းနှင့် ပတ်သက်၍ ဆောင်ရွက်နေမှု၊ မြစ်သာမြစ်ကို ပိတ်၍ရေလွှဲခြင်းလုပ်ငန်း မဖြစ်မနေအချိန်မီ ဆောင်ရွက်ရန်လိုအပ်သည့် ယာယီရေထိန်းတမံတည်ဆောက်ခြင်း လုပ်ငန်းမှ ရေလွှဲမြောင်းအား ယနေ့ တွင်ပိတ်၍ဆောင်ရွက်ရမည့်လုပ်ငန်းအသေးစိပ်အားရှင်းလင်းတင်ပြခဲ့ကြောင်းသိရသည်။


၎င်းနောက်တိုင်းဒေသကြီးဝန်ကြီးချုပ်သည် ရေထိန်းတမံရေလွှဲမြောင်းအား ပိတ်၍ဆောင်ရွက်မည့် နေရာသို့ သွားရောက်ကြည့်ရာ စီမံကိန်းတာဝန်ခံညွှန်ကြားရေးမှူး ဦးဝင်းနိုင်းမှကျွမ်းကျင်ပညာရှင်များ ၊ စက်ယန္တရားကြီးများ၊ လုပ်သားအင်အားများနှင့် ဆောင်ရွက်နေမှုကို ရှင်းလင်းတင်ပြခဲ့ပြီး ၀န်ကြီးချုပ်မှ ကျွမ်းကျင်ပညာရှင်များ၊ လုပ်သားအားတွေ့ဆုံ၍ အားပေးနှုတ်ဆက်စကား ပြောကြားခဲ့ပြီး၊ မြစ်သာ ရေလှောင်တမံစီမံကိန်းအတွင်း မော်တော်ယာဉ်များဖြင့် လုပ်ငန်းဆောင်ရွက်နေမှုများကို လှည့်လည် ကြည့်ရှုစစ်ဆေး၍ လုပ်ငန်းခွင် အန္တရာယ်ကင်းရှင်းရေး လုပ်ငန်းများအား စံချိန်စံညွှန်းမီစွာဖြင့် အချိန်မီ ပြီးစီးရေးဘဏ္ဍာရေးငွေများနှင့် တည်ဆောက်ရေးပစ္စည်းများ အလေအလွင့်မရှိစေရေးအတွက် တာဝန်ရှိသူ အဆင့်ဆင့်မှ ကြပ်မတ်ရေး၊ နွေရာသီရောက်ရှိလာပြီဖြစ်၍ မီးဘေးအန္တရာယ်ကင်းရှင်းရေး၊ စက်ပစ္စည်း များကြံခိုင်ရေးအတွက် တာဝန်ရှိသူများအား လမ်းညွှန်မှာကြားခဲ့သည်။

          အဆိုပါယာယီရေထိန်းတမံ ချောင်းပိတ်ခြင်းလုပ်ငန်း (Coffer Dam U/S Dyke) တည်ဆောက် ခြင်း   လုပ်ငန်းအား ၂၀၁၅-ခုနှစ် ဇန်န၀ါရီလ ၂၁ရက်နေ့တွင် စတင်ဆောင်ရွက်ခဲ့ပြီး ၂၀၁၅ခုနှစ် မတ်လ   ၂၀ ရက်နေ့တွင် ယာယီရေထိန်းတမံဘေးရှိ ရေလွှဲမြောင်းပိတ်ခြင်း (Coffer Dam side channel bypall ) ကိုယနေ့ ဆောင်ရွက်နိုင်ခဲ့ခြင်းဖြစ်သည့်အပြင် မြစ်သာရေလှောင်တမံစီမံကိန်း လုပ်ငန်းပြီးစီးအောင် ဆောင်ရွက်ရမည့်လုပ်ငန်းအစီအစဉ်များတွင် မြစ်သာမြစ်ကိုပိတ်၍ ရေလွှဲမြောင်းမှ
 ရေလွှဲထားစဉ်အတွင်း ပင်မတမံချောင်းပိုင်းမြေဖို့ခြင်းလုပ်ငန်းများကို စနစ်တကျ ဆက်လက်ဆောင်ရွက်သွားရေး၊ ယာယီ ရေထိန်းတမံကို စုန်အလိုက်သတ်မှတ်ထားသည့် ဖို့မြေအမျိုးအစားများဖြင့် ဖို့ခြင်းလုပ်ငန်းများကို စနစ်တကျဆောင်ရွက်လျက်ရှိသည်။ မြစ်သာရေလှောင်တမံ ဘက်စုံစီမံကိန်းသို့ နိုင်ငံတော်သမ္မတကြီးမှ ၂၀၁၄ခုနှစ် ဒီဇင်ဘာလ ၁၇ ရက်နေ့တွင် ရောက်ရှိစဉ်က ၂၀၁၅-၂၀၁၆ဘဏ္ဍာနှစ် အတွင်း ပြီးစီးအောင်ဆောင်ရွက်ရန်လုပ်ငန်းလမ်းညွှန်မှာကြားခဲ့ပြီးလမ်းညွန်ချက်အတိုင်း စီမံကိန်းပြီးစီးရေးတွက် ဆည်မြောင်းဦးစီးဌာန တည်ဆောက်ရေး(၈)မှ ညွှန်ကြားရေးမှူးဦးစီး၍ ဆောင်ရွက်လျက်ရှိသည်။


          အဆိုပါစီိမံကိန်းမှရေ၀ပ်ဧရိယာအတွင်းကျရောက်သည့် ကျေးရွာ(၄)ရွာမှ အိမ်ထောင်စု(၃၇၅)စု အတွက် အိမ်အလုံးစုစုပေါင်း (၃၇၅) လုံးကို ကျေးရွာနေပြည်သူများနေထိုင်မှု အဆင်ပြေစေရေး အတွက် တည်ဆောက်ခဲ့ရာ (၁၀၀)ရာခိုင်နှုန်း ပြီးစီးပြီးယခုနှစ် ဇန်န၀ါရီလအတွင်းက အိမ်များကို စနစ်တကျ နေရာချထားပေးနိုင်ခဲ့သည့်အပြင် လယ်ယာမြေဧကအသစ် (၁၅၈၁)ဧက ဖော်ထုတ်ထားပြီး လယ်(၇၅၈)ဧက၊ ယာ(၈၂၃)ဧက ဖော်ထုတ်ရန်လျာထား၍ ဖော်ထုတ်ပြီးလယ် (၃၈၀)ဧက ယာမှလယ်ပြောင်း (၁၃၀)ဧက၊ ပေါင်း (၅၁၀)ဧကဖော်ထုတ်ပြီးဖြစ်သည်။ ကျန်ရှိသည့်ယာဧက (၁၀၇၁)မှ လယ်ဧကပြည့်မီရန် စက်ယန္တရားများဖြင့် နေ့/ညဆောင်ရွက်လျက်ရှိသည်။ ၄င်းအပြင် ကျေးရွာများ အတွက် ဘုန်းကြီးကျောင်း(၄)ကျောင်း ၊ စာသင်ကျောင်း(၄)ကျောင်း၊ လျှပ်စစ်မီးတိုင် (၃၀၅)တိုင်၊ လမ်းမိုင်(၆.၅)မိုင် သန့်ရှင်းသောသောက်သုံးရေရရှိရေးအတွက် မြေအောက်ရေတူးဖော်ပေးခြင်း    လူနေ အိမ်များတွင်အိမ်အသုံးအဆောင်နှင့် ပရိဘောဂများ ထည့်သွင်းခြင်းများကို ရာနှုန်းပြည့်  ဆောင်ရွက်ပေး ပြီးဖြစ်သည်။

          မကွေးတိုင်းဒေသကြီး ဂန့်ဂေါခရိုင်အတွင်း မြစ်သာမြစ်ပေါ်ရှိ မြစ်သာရေလှောင်တမံဘက်စုံစီမံ ကိန်းသည်ယခုအခါ တမံအကြိုတည်ဆောက်မှုလုပ်ငန်းများ(၈၅.၅)ရာခိုင်နှုန်း၊ တမံတည်ဆောက်ခြင်း လုပ်ငန်းများ (၆၅.၀၁)ရာခိုင်နှုန်း၊တမံတည်ဆောက်ခြင်း(၃၄.၆၄)ရာခိုင်နှုန်း၊ ကုန်းကျောတမံတည်ဆောက် ခြင်း(၇၀.၂၉)ရာခိုင်နှုန်း၊ ရေလွှဲမြောင်းတူးဖော်ခြင်းနှင့်တံတားတည်ဆောက်ခြင်း (၁၀၀)ရာခိုင်နှုန်း၊ရေပိုလွှဲ တည်ဆောက်ခြင်း (၈၇.၁၉)ရာခိုင်နှုန်း၊ ရေအားလျှပ်စစ်ဆိုင်ရာ အဆောက်အဦများ တည်ဆောက်ခြင်း လုပ်ငန်း(၆၉.၂၃)ရာခိုင်နှုန်းပြီးစီးပြီး စီမံကိန်းတစ်ခုလုံး၏(၆၉.၁၉)ရာခိုင်နှုန်းပြီးစီးကာ ၂၀၁၄-၂၀၁၅ဘဏ္ဍာ နှစ်တွင်ရရှိသည့် ဖြည့်စွက်ရန်ပုံငွေ ကျပ်သန်း(၁၀၀၇၅)ဖြင့် လုပ်ငန်းများဆက်လက်ဆောင်ရွက်လျက်ရှိပြီး နိုင်ငံတော်သမ္မတ၏ လမ်းညွှန်ချက်ပါအတိုင်း ၂၀၁၅-၂၀၁၆ ဘဏ္ဍာနှစ်တွင်ပြီးစီးရေးအတွက် ဆည်မြောင်း ဦးစီးဌာနနှင့်ပုဂ္ဂလိကကုမ္ပဏီ(၁၈)ခုတို့ပူးပေါင်း၍ ၀န်ထမ်းအင်အား(၈၁၄)ဦး၊ စက်ယန္တရား (၆၁၇)စီးတို့ဖြင့် ဆောင်ရွက်လျက်ရှိကြောင်း သိရသည်။

          မြစ်သာရေလှောင်တမံဘက်စုံစီမံကိန်းအနေဖြင့် ကျောက်ဖြည့်တမံအမျိုးအစားဖြစ်ပြီး တမံအမြင့် (၂၀၅)ပေ၊ တမံအလျား(၃၀၀၅၀)ပေ၊ ပင်မတမံ(၂၆၀၀)ပေ၊ကုန်းချောတမံတစ်ခုလျှင်(၂၇၄၅၀)ပေ၊ကန်ရေ ပြည့်ရေလှောင်ပမာဏ(၃၇၇၆၀၀)ဧက
/ပေ၊ကန်ရေပြည့် ရေပြင်အကျယ်ဧရိယာ(၅၇၈၈)ဧက၊ရေလွှဲမြောင်း အလျား(၁၂၅၀၀)ပေ၊အကျယ်(၁၂၀×၆၀)ပေ၊ရေပိုလျွှဲအမျိုးအစားမှာ သံကူကွန်ကရစ် အမျိုးအစားဖြစ်ပြီး ရေအားလျှပ်စစ်(၂၀)မဂ္ဂါဝပ်(၂)လုံးဖြင့် နှစ်စဉ်ပျမ်းမျှထုတ်လုပ်နိုင်မည့်လျှပ်စစ်စွမ်းအား
(၁၇၀)ကီလိုဝပ်၊ နာရီသန်းပေါင်းထုတ်ယူနိုင်မည်ဖြစ်ကာ ဆည်ရေပေးနိုင်မည့်ဧရိယာမှာ(၁၂၀၀၀)ဧကဖြစ်၍ စီမံကိန်းစတင် သည့်နှစ်၂၀၀၂-၂၀၀၃ ခုနှစ်တွင်စတင်ကာ ၂၀၁၅-၂၀၁၆ ခုနှစ်တွင် စီမံကိန်းပြီးစီးမည်ဖြစ်ကြောင်း သိရှိရသည်။

          အဆိုပါစီမံကိန်းကြီးပြီးစီးသွားပါက သဘာဝပတ်ဝန်းကျင်ထိန်းသိမ်းရေးအတွက် ဒေသအတွင်း ကာဗွန်ဒိုင်အောက်ဆိုက်ဒ်ပမာဏကို လျော့ချနိုင်မည့်အပြင် တမံတည်ရှိရာ ပတ်ဝန်းကျင်တွင် တမံရေပြင်၏ အငွေ့အသက်ရရှိကာ မြေသဘာဝပြောင်းလဲစေ၍ ပိုမိုစိမ်းလန်းစိုပြေသော ဒေသဖြစ်လာပြီး သဘာဝဇီဝမျိုးစုံကို စိုက်ပျိုးနိုင်ခြင်း၊မြေလွတ်မြေရိုင်းများထပ်မံဖော်ထုတ်စိုက်ပျိုးနိုင်ခြင်းများကို တိုးချဲ့လုပ် ကိုင်လာနိုင်မည့်အပြင် ရေအားလျှပ်စစ်(၄၀)မဂ္ဂါဝပ်ထုတ်လုပ်နိုင်မည်ဖြစ်သောကြောင့် ဂန့်ဂေါခရိုင်အတွင်း ရှိ မြို့ရွာများအပြင် ချင်းပြည်နယ်သို့လည်း လျှပ်စစ်မီးဖြန့်ဝေပေးနိုင်ခြင်းတို့ကြောင့် ဒေသအတွင်း အသေး စားစက်ရုံအလုပ်ရုံများလုပ်ကိုင်လာနိုင်ခြင်း၊ ပညာရေး၊ ကျန်းမာရေး၊ လူနေမှုအဆင့်အတန်းများပိုမိုမြင့်မား လာနိုင်ခြင်း၊ကျေးလက်နေပြည်သူများ၏ လူမှုစီးပွားဘ၀ပိုမိုဖွံ့ဖြိုးတိုးတက်လာပြီး ကျေးလက်ဒေသဖွံ့ဖြိုးရေး နှင့်ဆင်းရဲနွမ်းပါးမှု လျော့ချရေးအတွက် အထောက်အကူပြုဆောင်ရွက် နိုင်မည်ဖြစ်ကြောင်း သတင်း ရရှိသည်။

သတင်း/ဓာတ်ပုံ-သန်းနိုင်ဦး(ငဖဲ)

0 comments:

Post a Comment