Friday, March 13, 2015

တိုင်းဒေသကြီးဝန်ကြီးချုပ် တက္ကသိုလ်ဝင်တန်းဖြေဆိုသည့် ကျောင်းသားကျောင်းသူများအား လှည့်လည်ကြည့်ရှုအားပေး



မကွေး     မတ်      ၁၁
          မကွေးတိုင်းဒေသကြီးအစိုးရအဖွဲ့ ဦးဘုန်းမော်ရွှေသည် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးပညာရေးညွှန်ကြားရေးမှူးရုံးမှ တာဝန်ရှိသူများလိုက်ပါ၍ ယနေ့နံနက် ၉း၃၀နာရီအချိန်တွင် မကွေးမြို့ပေါ်ရှိ ၂၀၁၄-၂၀၁၅ ပညာသင်နှစ် တက္ကသိုလ်ဝင်တန်းဖြေဆိုသည့် စာစစ်ဌာနများဖြစ်သော အမှတ်(၁)(၂)(၃)(၄) အခြေခံပညာအထက်တန်းကျောင်းများအား လိုက်လံကြည့်ရှု၍ စာမေးပွဲ ဖြေဆိုနေသော ကျောင်းသား/သူများအား အားပေးစကားပြောကြားခဲ့သည်။ 

          ရှေးဦးစွာ တိုင်းဒေသကြီးဝန်ကြီးချုပ်သည် မကွေးမြို့အမှတ်(၁)အခြေခံပညာအထက်တန်းကျောင်း၊ စာစစ်ဌာနသို့ရောက်ရှိခဲ့ရာ တိုင်းဒေသကြီးပညာရေးညွှန်ကြားရေးမှူး၊ အမှတ်(၁)အခြေခံပညာ အထက်တန်းကျောင်း ကျောင်းအုပ်ကြီးတို့မှ ကျောင်းအတွင်းရှိ စာစစ်ဌာနသို့ လာရောက်ဖြေဆိုသော ကျောင်းသားကျောင်းသူများအခြေအနေ၊ ကျောင်းသားကျောင်းသူများရှိရင်း/ပျက်ကွက်အင်အားစာရင်း အေးချမ်းစွာ စာမေးပွဲဖြေဆိုနေမှုများ၊ လုံခြုံရေးတာဝန်ချထားမှုများကို ရှင်းလင်းတင်ပြပြီး၊ တိုင်းဒေသကြီး ၀န်ကြီးချုပ်မှ တက္ကသိုလ်ဝင်တန်း စာမေးပွဲတွင် မြန်မာစာဖြေဆိုနေသော ကျောင်းသား/သူများအား လိုက်လံကြည့်ရှုအားပေးခဲ့သည်။

          ဆက်လက်၍ တိုင်းဒေသကြီးဝန်ကြီးချုပ်သည် အမှတ်(၄)အခြေခံပညာအထက်ကျောင်းသို့ ရောက်ရှိခဲ့ပြီး ကျောင်းအတွင်းစာမေးပွဲဖြေဆိုနေသော ကျောင်းသား/သူများအား လိုက်လံကြည့်ရှု အားပေးကာ ပညာရေးညွှန်ကြားရေးမှူးနှင့် ကျောင်းအုပ်ကြီးတို့အား အေးချမ်းစွာဖြေဆိုရေးအတွက် ဆရာ/ဆရာမများမှ လိုအပ်ချက်များကို ပြည့်စုံစွာဖြည်ဆည်းဆောင်ရွက်ရေး၊ လုံခြုံရေးဂရုပြုရေး၊ ထူးခြားဖြစ်စဉ်ရှိပါက တာဝန်ရှိသူအဆင့်ဆင့်မှ သတင်းပို့ရေးတို့အား မှာကြားခဲ့သည်။

          မကွေးတိုင်းဒေသကြီးတွင် ၂၀၁၅ခုနှစ် တက္ကသိုလ်ဝင်စာမေးပွဲအား စာစစ်ဌာန (၁၁၂)ခုတွင် ဖြေဆိုသူပေါင်း (၅၆၈၇၂)ဦးတို့မှ အေးချမ်းတည်ငြိမ်စွာဖြင့် ဖြေဆိုလျက်ရှိကြောင်းနှင့် တိုင်းဒေသကြီး အစိုးအဖွဲ့အနေဖြင့် တက္ကသိုလ်ဝင်စာမေးပွဲဖြေဆိုမည့် ကျောင်းသား/သူများ၊ ပြင်ပဖြေဆိုသူများ အေးချမ်း တည်ငြိမ်စွာဖြေဆိုနိုင်ရေးအတွက် လုံခြုံရေးစည်းကမ်းထိန်းသိမ်းရေး၊ သွားလာရေး လွယ်ကူချောမွေ့ စေရေးတို့အား စီမံချက်များချမှတ်၍ ဆောင်ရွက်လျက်ရှိကြောင်း သတင်းရရှိသည်။
သန်းနိုင်ဦး(ငဖဲ)

0 comments:

Post a Comment