Saturday, March 14, 2015

ပခုက္ကူတွင်ဆီဘောက်ဆာအတွင်းမှပေပါများအတွင်းသို့ပိုက်ဖြင့်ဆီထုတ်စဉ်နေ့ခင်းမှအပူရှိန်ရှိသော ပေပါများအားဂရုမပြုဘဲပေါ့ဆစွာဆီထုတ်မှုကြောင့်မီးလောင်မှုဖြစ်



ပခုက္ကူ   -   မတ်   -   ၁၄
          ၂၀၁၅ခုနှစ်၊မတ်လ(၁၄)ရက်(၁၂၄၅)အချိန်  ပခုက္ကူမြို့နယ်၊  အမှတ်(၆)ရပ်ကွက်  ၊မြိုင်သာယာ
ကွက်သစ်၊ဓါတ်ဆီဆိုင်တန်း အနီးတွင်  မီးလောင်မှုဖြစ်ပွားကြောင်း  သတင်းအရ    ခရိုင်အုပ်ချုပ်ရေးမှူး
ဦးသန်းဆွေ၊ခရိုင်ရဲတပ်ဖွဲ့မှူးဒုရဲမှူးကြီးလှဝင်း၊မြို့နယ်ရဲတပ်ဖွဲ့မှူးရဲမှူးမောင်မောင်ထွေး၊မြို့ရဲစခန်းမှူး
ဒုရဲမှူးဝင်းလှိုင်တို့အခင်းဖြစ်ပွား နေရာသို့ရောက်ရှိစစ်ဆေးခဲ့ကြောင်းသိရသည်။

          ဖြစ်စဉ်မှာယင်းနေ့၀၀၃၀အချိန်ယာဉ်မောင်းကျင်ထွေး မောင်းနှင်လာသောယာဉ်အမှတ် ၅၁/----
JAC အမျိုးအစား(၂၂)ဘီး၊ဆီဂါလံ(၉၂၀၀)ဆံ့ယာဉ်သည် အောက်တိန်းဆီဂါလံ(၉၂၀၀)တင်ဆောင်လာပြီး
မြိုင်သာယာကွက်သစ်ရှိ   ဇော်ကြီး (ခ) ဖြိုးေ၀၀င်း၏ဆိုင်ရှေ့၌ကားရပ်ပြီး တင်နိုင်လတ်၊ ဖိုးငြိမ်း၊ ထိန်ဝင်း
အောင်  ဆီဆိုင်အလုပ်သမား(၃)ဦးတို့သည် ဘောက်ဆာအတွင်းမှပိုက်ဖြင့်ပေပါများအတွင်းဆီထည့်စဉ်
ပိုက်၏ထိပ်၌တပ်ထားသောသံခေါင်းနှင့်ပေပါ  တို့ခတ်မိပြီး တည်ငြိမ်လျှပ်စစ်ဖြစ်ပေါ်ကာအပူကြောင့်ယင်း
နေ့(၀၀၃၀)အချိန်မီးလောင်ကျွမ်းမှုဖြစ်ပွားခဲ့ကြောင်းသိရသည်။

          မီးလောင်မှုဖြစ်ပွားရာသို့ပခုက္ကူမီးသတ်စခန်းမှမီးသတ်ယာဉ်များ၊ရေစကြို/မြိုင်/ညောင်ဦးမြို့နယ်
တို့မှမီးသတ်ယာဉ်များ၊မြို့ပေါ်မီးသတ်ယာဉ်များ၊ရေကားများ၊သန္ဓေ နှင့်အရန်မီးသတ်တပ်ဖွဲ့ဝင်များ၊ ရဲတပ်
ဖွဲ့ဝင်များ၊ပြည်သူများစုပေါင်းငြိမ်းသတ်မှုဖြင့်(၀၁၃၀)အချိန် မီးငြိမ်းရာမီးညွန့်ကျိုးခဲ့ပြီး(၀၂၁၀)အချိန်
မီးလုံးဝငြိမ်းသတ်နိုင်ခဲ့ကြောင်းသိရပြီး၊မီးလောင်မှုကြောင့်(၃×၂)ပင်ထရံကာသွပ်မိုးမြေစိုက်အဆောက်အဦး
(၄)လုံး၊ဆီပေပါ(၄၅)လုံးဆုံးရူံးမှုတန်ဘိုးငွေကျပ်(၆၀၀၀၀၀၀ိ/-)ကျပ်ခန့်ဆုံးရူံးခဲ့ရကာ၎င်းတို့(၃)ဦးအား
ပခုက္ကူမြို့မရဲစခန်းမှအမှုဖွင့်အရေးယူဆောင်ရွက်ထားကြောင်းသိရသည်။
 အောင်(မန်းတက္ကသိုလ်)

0 comments:

Post a Comment