Sunday, February 22, 2015

ပခုက္ကူခရိုင်ဆေးရုံတွင် တိုင်းဒေသကြီးဝန်ကြီးချုပ် အရန်သားဖွားသင်တန်း(၁/၂၀၁၅)သင်တန်းသူများအား ဂုဏ်ပြုအမှာစကားပြောကြား



ပခုက္ကူ     ဖေဖော်ဝါရီ     ၂၁
          မကွေးတိုင်းဒေသကြီး ၀န်ကြီးချုပ်ဦးဘုန်းမော်ရွှေသည် ဖေဖော်ဝါရီ ၂၀ ရက်နံနက် ၇ နာရီက တိုင်းဒေသကြီးအစိုးရအဖွဲ့ဝင် သစ်တော၊သထ္တုနှင့်စွမ်းအင်ဝန်ကြီးဌာန ၀န်ကြီးဦးသိန်းထွန်း၊ပခုက္ကူခရိုင်နှင့် မြို့နယ်အဆင့် ဌာနဆိုင်ရာတာဝန်ရှိသူများလိုက်ပါ၍ ပခုက္ကူဆေးရုံတွင် တိုင်းဒေသကြီးအစိုးရအဖွဲ့ အစီအစဉ်ဖြင့်ဖွင့်လှစ်သော အရန်သားဖွားသင်တန်း(၁/၂၀၁၅)သို့သွားရောက်၍ သင်တန်းသူများအား တွေ့ဆုံနှုတ်ဆက် ဂုဏ်ပြုအားပေးစကားပြောကြားကာ သင်တန်းသူတစ်ဦးချင်းအား ထောက်ပံ့ငွေများ ပေအပ်ခဲ့သည်။

          ၄င်းနောက် တိုင်းဒေသကြီးဝန်ကြီးချုပ်သည် ပခုက္ကူခရိုင်ဆေးရုံအတွင်းရှိ တိုင်းဒေသကြီးဖွံ့ဖြိုးရေး ဖောင်ဒေးရှင်းနှင့်အလှူရှင်များမှလှူဒါန်းသော ကျောက်ကပ်သန့်စင်ဆေးစက်နှင့် လူနာများအားကျောက် ကပ်သန့်စင်ဆေးမှုအခြေအနေ၊ရေသန့်စက်များအခြေအနေတိုိ့ကို ကြည့်ရှုစစ်ဆေးပြီး လိုအပ်သည်များကို တာဝန်ရှိသူများအား မှာကြားခဲ့သည်။ဆက်လက်၍ ဆေးရုံအတွင်းရှိလူနာများ၊ခွဲစိတ်ခန်း၊ဆေးသိုလှောင်ခန်း ပြင်ပလူနာဌာနများအား ကြည့်ရှုစစ်ဆေးပြီး တင်ပြချက်များအပေါ် တာဝန်ရှိသူများနှင့်ပေါင်းစပ်ညှိနှိုင်း ဆောင်ရွက်ပေးခဲ့သည်။

          ထို့နောက် တိုင်းဒေသကြီးဝန်ကြီးချုပ်သည် ရေစကြိုမြို့နယ် ပြည်သူ့ဆေးရုံသို့ရောက်ရှိပြီး တိုင်းဒေသကြီးအစိုးရအဖွဲ့အစီအစဉ်ဖြင့်ဖွင့်လှစ်သည့် အရန်သားဖွားသင်တန်း(၁/၂၀၁၅)မှသင်တန်းသူများ နှင့်တွေ့ဆုံ၍ အားပေးစကားပြောကြားကာ သင်တ်းသူတစ်ဦးချင်းအား ထောက်ပံ့ငွေများပေးအပ်ခဲ့သည်။ ဆက်လက်၍ ရေစကြိုဆေးရုံအတွင်ရှိ လူနာဆောင်များ၊ခွဲစိတ်ခန်း၊ဆေးသိုလှောင်ခန်း၊ပြင်ပလူနာဌာနများ အား ကြည့်ရှုစစ်ဆေးပြီး တာဝန်ကျဆရာဝန်နှင့်ဆရာမများအား လူနာများအပေါ်တွင် နွေးထွေးစွာဆက်ဆံရေး၊စေတနာ၊၀ါသနာ၊အနစ်နာဖြင့် ဆေးကုသပေးရေး၊လိုအပ်ချက်များကို အချိ်န်နှင့် တစ်ပြေးညီဆောင်ရွက်ပေးရေးတို့ကို မှာကြားခဲ့သည်။

          မကွေးတိုင်းဒေသကြီးအစိုးရအဖွဲ့သည် ကျေးလက်နေပြည်သူများ၏ ဆင်းရဲနွမ်းပါးမှုလျော့ချရေးနှင့် လူမှုစီးပွားဘ၀ဖွံ့ဖြိုးတိုးတက်ရေးများအလေးထားဆောင်ရွက်ပေးလျက်ရှိရာ ကျေးလက်နေပြည်သူများ၏ ကျန်းမာရေးအခန်းကဏ္ဍမြှင့်တင်ရန်အတွက် အခြေခံအကျဆုံးကျန်းမာရေးစောင့်ရှောက်မှုပေးနေသော အရန်သားဖွားဆရာမများကို ကျေးရွာတစ်ရွာလျင်(၁)ဦးနှုန်းထားရှိရန်ရည်ရွယ်ချက်ဖြင့် သင်တန်းများကို တိုင်းဒေသကြီးအစိုးရအဖွဲ့အစီအစဉ်ဖြင့် ဖွင့်လှစ်လျက်ရှိရာ ယခုအကြိမ်အပါအ၀င်(၅)ကြိမ်ဖွင့်လှစ်နိုင်ခဲ့ပြီး အရန်သားဖွားဆရာမစုစုပေါင်း(၅၁၂၂)ကို သင်တန်းပို့ချပေးနိုင်ခဲ့သဖြင့် တိုင်းဒေသကြီးအတွင်းရှိ ကျေးရွာ အားလုံးတွင် ဖြည့်ဆည်းပေးပြီးဖြစ်ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment