Tuesday, February 3, 2015

မင်းဘူးမြို့နယ်အတွင်း အခမဲ့ နယ်လှည့် ဆေးကုသ




မင်းဘူး    ဖေဖော်ဝါရီ   
          မကွေးတိုင်းဒေသကြီး ဖွံ့ဖြိုးရေး ဖောင်ဒေးရှင်းအစီအစဉ်ဖြင့် တိုင်းဒေသကြီး ကျန်းမာရေးဦးစီးဌာနနှင့် အလှူရှင်များ၏ ပံ့ပိုးကူညီမှုဖြင့် မင်းဘူး(စကု)မြို့နယ် အတွင်းရှိ ကျေးရွာများအား အခမဲ့နယ်လှည့်ဆေးကုသ ပေးခြင်းအား ဇန်န၀ါရီလ(၃၀)ရက်နေ့မှ စတင်ဆောင်ရွက်ခဲ့သည်။
          အဆိုပါဆေးကုသရေးအဖွဲ့တွင် မကွေးတိုင်းဒေသကြီး ပြည်သူ့ဆေးရုံကြီးမှ ဆရာဝန်ကြီးများ၊ သင်ကြားရေးဆေးရုံမှ အထူးကုသမားတော်ကြီးများ၊မင်းဘူးခရိုင်ပြည်သူ့ဆေးရုံးကြီးမှ ဆရာဝန်ကြီးများနှင့် သူနာပြုများမှ ဇန်န၀ါရီလ(၃၀)ရက်နေ့ မင်းဘူးမြို့နယ် ချောင်းကောက်ကျေးရွာတွင် ဝေဒနာရှင် (၈၁၃)ဦး၊(၃၁)ရက်နေ့ ရေပေါ်ကျေးရွာ တွင် ဝေဒနာရှင်(၇၆၂)ဦး၊ဖေဖော်ဝါရီလ(၁)ရက်နေ့ သီးကုန်းကျေးရွာ တွင် ဝေဒနာရှင်(၉၂၉)ဦးတို့အား အခမဲ့ ကုသပေးခဲ့ပြီး ဖေဖော်ဝါရီလ(၂)ရက်နေ့တွင် မန်းကျိုးကျေးရွာ ဘုန်းတော်ကြီးကျောင်းဝန်းတွင် ဆက်လက်ဆေးကုသပေးလျက်ရှိပြီး (၃)ရက်နေ့တွင် ပဒေါင်းကျေးရွာ ၊(၄)ရက်နေ့တွင် ကြီးကန်/ကူရွာ၊(၅)ရက်နေ့တွင် ခံကုန်းကျေးရွာ၊(၆)ရက်နေ့တွင်ပေါင်းငူးကျေးရွာ၊(၇)ရက်နေ့ တွင် ကုန်းသာကျေးရွာ၊နှင့်(၈)ရက်နေ့တွင် ဖလံရုံကျေးရွာများသို့ နယ်လှည့်အခမဲ့ ဆေးကုသပေးသွားမည်ဖြစ် ကြောင်း နှင့် ဆေးကုသရေးအဖွဲ့များတွင် အထွေထွေရောဂါ၊သားဖွားနှင့်မီးယပ်၊အရိုးအကြော၊သွားနှင့်ခံတွင်း၊ မျက်စိအထူးကု၊ကလေးအထူးကု၊ ခွဲစိတ်ဆရာဝန်ကြီးများနှင့် တိုင်းရင်းဆေး အဖွဲ့များ လိုက်ပါကူညီ ဆောင်ရွက် ပေးလျက်ရှိရာ တိုင်းဒေသကြီး အစိုးရအဖွဲ့ ၀န်ကြီးချုပ် ဦးဘုန်းမော်ရွှေနှင့် တိုင်းဒေသကြီးဖွံ့ဖြိုးရေး ဖောင်ဒေးရှင်း မှ အဖွဲ့ဝင်များ လိုက်ပါ၍ ကြည့်ရှုအားပေးပြီး လိုအပ်သည်များကို ဖြည့်ဆည်းဆောင်ရွက် ပေးခဲ့ကြောင်း သိရှိရသည်။
သန်းဌေး(မင်းဘူး)

0 comments:

Post a Comment