Thursday, February 5, 2015

လွတ်လပ်ရေးဗိသုကာ ၊ ငြိမ်းချမ်းရေးအိပ်မက် ၊

  လွတ်လပ်ရေးဗိသုကာ
                     =================

              နှလုံးရည်စစ်စစ်
              လက်ရုံးရည်စစ်စစ်
              ကိုယ်ကျင့်တရားစစ်စစ်တွေနဲ့
              ထုဆစ်ခဲ့တဲ့ရွှေလက်ရာ
              မြန်မာ
              ကမ္ဘာကပင်လေးစားခဲ့ရ ။

              အတ္တသွေးမပါ
              ပရသွေးစစ်စစ်နဲ့
              နိုင်ငံရေးစစ်စစ်ကိုလိုလား
              ပြည်သူ့အကျိုးစစ်စစ်ကိုတန်ဖိုးထား
              အမှန်တရားစစ်စစ်ကိုသူလေးစား
              ပြည်သူ့နှလုံးသားစစ်စစ်
              ပြည်သူစစ်စစ်တွေက
              သွေးစစ်စစ်တွေနဲ့ချစ်ကြတယ် ။    ။

                                                       မောင်နွေဦး ( မြိုင် )



                      ငြိမ်းချမ်းရေးအိပ်မက်
                  =================

               အခါခါကြိုးညှိပေမယ့်
               ခုချိန်ထိ......
               ရင်ခုန်ဖွယ်သံစဉ်သစ်
               မပွင့်နိုင်သေးဘူး ။

               ရင်တထိတ်ထိတ်နဲ့
               တင်းလွန်းရင်ပြတ်သွားလေမလား
               လျော့လွန်းရင် အပတ်ခံရလေမလား
               ကိုယ်မကျူးလည်း
               ကိုယ့်ဒူးကိုမယုံကြ ။

               သူ့ထက် ငါ
               လိုရာကိုဆွဲဆန့်နေပုံက
               ငရဲပန်းတွေပွက်ပွက်ထလို့ ။

               ဒီလိုနဲ့
               ကောင်းကင်သစ်လရောင်
               ငေးငေါင်ငေါင်နဲ့
               အိမ်အပြန်နောက်ကျဆဲပေါ့ ။    ။


                                             မောင်နွေဦး ( မြိုင် )

0 comments:

Post a Comment