Friday, February 27, 2015

မကွေးတိုင်းဒေသကြီး တရားလွှတ်တော် တရားသူကြီးချုပ် အဌမအကြိမ် လုပ်ငန်းညှိနှိုင်းအစည်းအဝေး အတွေ့အကြုံများ ရှင်းလင်း



မကွေး     ဖေဖော်ဝါရီ     ၂၆
          နေပြည်တော်တွင် ကျင်းပသော ပြည်ထောင်စုတရားလွှတ်တော်ချုပ်နှင့် တိုင်းဒေသကြီး/ ပြည်နယ်တရားလွှတ်တော်တရားသူကြီးချုပ်များ တိုင်းဒေသကြီး/ပြည်နယ်တရားရေးဦးစီးမှူးများ  ခရိုင်တရားသူကြီးများ၏ အဌမအကြိမ် လုပ်ငန်းညှိနှိုင်း အစည်းအဝေးအတွေ့အကြုံများ ရှင်းလင်း ပွဲအခမ်းအနားကို ယနေ့နံနက် ၇ နာရီက မကွေးတိုင်းဒေသကြီး တရားလွှတ်တော်အစည်းအဝေး ခန်းမ၌ ကျင်းပပြုလုပ်ခဲ့ရာ မကွေးတိုင်းဒေသကြီး တရားလွှတ်တော် တရားသူကြီးချုပ် ဦးစိန်ထွန်းမှ ရှင်းလင်းမှာကြားခဲ့သည်။ 

          ဆက်လက်၍ တိုင်းဒေသကြီးတရားလွှတ်တော် တရားသူကြီး ဒေါ်နုယဉ်မှ တရားစီရင်ရေး ဆိုင်ရာ ကိစ္စရပ်များ မှာကြားဆွေးနွေးခဲ့ပြီး တိုင်းဒေသကြီး တရားရေးဦးစီးမှူး ဦးအုန်းသောင်းက တရားစီရင်ရေးဆိုင်ရာစီမံခန့်ခွဲရေး ကိစ္စများနှင့် ထောက်ပံ့ရေးရာကိစ္စရပ်များကို မှာကြားဆွေးနွေး ခဲ့ကြောင်းသိရသည်။

          အဆိုပါ အခမ်းအနားသ်ို့ မကွေးတိုင်းဒေသကြီး တရေားလွှတ်တော်တရားသူကြီးချုပ်၊ တိုင်းဒေသကြီးတရားလွှတ်တော်တရားသူကြီး၊ တိုင်းဒေသကြီးတရားရေးဦးစီးမှူး၊ တရားရေး အရာရှိများ၊ မကွေးတိုင်းဒေသကြီးအတွင်းရှိ  ခရိုင်တရားရုံးများနှင့်မြို့နယ် တရားရုံးများမှ တရားသူကြီးများ တက်ရောက်ခဲ့ကြကြောင်းသိရှိရသည်။
သန်းနိုင်ဦး(ငဖဲ)

0 comments:

Post a Comment