Friday, February 20, 2015

(၂၀၁၄-၂၀၁၅)ဘဏ္ဍာနှစ်၊ပြည်ထောင်စုလွှတ်တော်ရန်ပုံငွေသိန်း(၁၀၀၀)ဆိပ်ဖြူတွင်လွှဲပြောင်းပေးအပ်




ဆိပ်ဖြူ   -   ဖေဖော်ဝါရီ   -   ၂၀
          မကွေးတိုင်းဒေသကြီး၊ဆိပ်ဖြူမြို့နယ်တွင်၂၀၁၄-၂၀၁၅ဘဏ္ဍာနှစ်ပြည်ထောင်စုလွှတ်တော်ရန်ပုံငွေ
သိန်း(၁၀၀၀)လွှဲပြောင်းပေးအပ်ခြင်းကိုဖေဖော်ဝါရီ(၁၉)ရက်နံက်(၁၀)နာရီတွင်ဆိပ်ဖြူမြို့၊ငွေသဲဖြူခန်းမ၌
ကျင်းပခဲ့ကြောင်းသိရသည်။
          အခမ်းအနားသို့တိုင်းဒေသကြီးလွှတ်တော်ကိုယ်စားလှယ်ဦးမြင့်စိုး၊မြို့နယ်ဖွံ့/ထောက်ဥက္ကဌ
ဦးကြည်မောင်၊ရပ်ကွက်/ကျေးရွာအုပ်စု(၄၆)အုပ်စုမှအုပ်ချုပ်ရေးမှူးများနှင့်ကျေးရွာဖွံ့/ထောက်အဖွဲ့ဝင်များ၊
တက်ရောက်ကြသည်။
          အခမ်းအနားတွင်တိုင်းဒေသကြီးလွှတ်တော်ကိုယ်စားလှယ်ကပြည်ထောင်စုလွှတ်တော်ရန်ပုံငွေများ
ကိုမူလခွင့်ပြုထားသည့်လုပ်ငန်းများ၌သုံးစွဲရေး၊နှင့်၂၀၁၄-၂၀၁၅ဘဏ္ဍာနှစ်အတွင်းလုပ်ငန်းများ
ပြီးစီးအောင်ဆောင်ရွက်ရေး၊နှင့်မြို့နယ်ဖွံ့/ထောက်အဖွဲ့ဥက္ကဌကလုပ်ငန်းဆောင်ရွက်ရာတွင်
စာရင်းဇယားများရေးသွင်းဆောင်ရွက်ရေး၊လုပ်ငန်းလုပ်ငန်းများအမြန်ဆုံးပြီးစီးအောင်ဆောင်ရွက်ရေး
နှင့်လုပ်ငန်းပြီးစီးမှုအခြေအနေများအမြန်ဆုံးတင်ပြကြရေးတို့ကိုပြောကြားခဲ့သည်။ယင်းနောက်ရပ်ကွက်
/ကျေးရွာအုပ်စု(၄၆)အုပ်စုမှအုပ်ချုပ်ရေးမှူးများနှင့်ကျေးရွာဖွံ့/ထောက်အဖွဲ့များအားဖွံ့ဖြိုးရေး
ရန်ပုံငွေများပေးအပ်ခဲ့ကြောင်းသိရသည်။ စိုးလင်းနိုင်(ဆိပ်ဖြူ)

0 comments:

Post a Comment