Saturday, February 21, 2015

ပွင့်ဖြူမြို့တွင်း သန့်စင်လမ်း ကတ္တရာထပ်ပိုးလွှာခင်းခြင်းကြည့်ရှုစစ်ဆေး




ပွင့်ဖြူ    ဖေဖော်ဝါရီ     ၂၁
          မကွေးတိုင်ဒေသကြီး၊ မင်းဘူးခရိုင်၊ ပွင့်ဖြူမြို့နယ်တွင် တိုင်းဒေသကြီးအစိုးရအဖွဲ့၊ စည်ပင်သာယာရေးဝန်ကြီးဌာန ၀န်ကြီးဦးနေရှင်းနှင့် တိုင်းဒေသကြီးစည်ပင်သာယာရေးအဖွဲ့ ညွှန်ကြားရေးမှူး ဦးမောင်မောင်အောင် တို့သည် ပွင့်ဖြူမြို့တွင်းလမ်းဖြစ်သော သန့်စင်လမ်းအား မြို့နယ်စည်ပင်သာယာရေးအဖွဲ့မှ ကတ္တရာထပ်ပိုးလွှာခင်းခြင်းနှင့် လမ်းချဲ့ခြင်းလုပ်ငန်း ဆောင်ရွက်ထားရှိမှုအား ဖေဖော်ဝါရီ ၁၉ ရက်က ကွင်းဆင်းကြည့်ရှုစစ်ဆေးခဲ့ကြောင်းသိရသည်။

          အဆိုပါကတ္တရာထပ်ပိုးခင်းခြင်းလုပ်ငန်းအား ၂၀၁၄-၂၀၁၅ ဘဏ္ဍာရေးနှစ်တွင် အဖွဲ့ရန်ပုံငွေအဖြစ် ဆောင်ရွက်ထားသော သန့်စင်လမ်း     လမ်းချဲ့ခြင်းလုပ်ငန်းအား တစ်ဖက်တွင်(၆)ပေ စီချဲ့၍ လမ်းအရှည်ပေ (၁၃၀၀)နှင့် အကျယ်(၂၄)ပေရှိ ကတ္တရာထပ်ပိုးလွှာခင်းခြင်းလုပ်ငန်းဆောင်ရွက်ထားရှိမှု အခြေအနေများအား အမှုဆောင်အရာရှိ ဦးမျိုးဝင်းနှင့် တာဝန်ခံအင်ဂျင်နီယာ ဦးဗိုလ်ဌေးတို့မှ အသေးစိတ်ရှင်းလင်း တင်ပြခဲ့ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment