Tuesday, January 20, 2015

ဆိုလာပြား များခွဲဝေပေးခြင်းနှင့်စမ်းသပ်သရုပ်ပြပွဲ ငဖဲမြို့နယ်တွင်ကျင်းပ



ငဖဲ     ဇန်န၀ါရီ     ၂၀
          မကွေးတိုင်းဒေသကြီး ငဖဲမြို့နယ် မင်းလွင်ကျေးရွာအုပ်စု ကျေးရွာဓမ္မာရုံ၌ ၂၀၁၄-၂၀၁၅ ဘဏ္ဍာရေးနှစ် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ငွေလုံးငွေရင်းရန်ပုံငွေကျပ်(၄၁.၅၈)သန်းဖြင့်  ဇမ္မူရာဇ်ပုလဲထရေးဒင်းကုမ္ပဏီမှတာဝန်ယူဆောင်ရွက်သည့်ဆိုလာပြား(၂၂၅)ယူနစ်အား မင်းလွင်ကျေးရွာ အုပ်စုရှိမင်းလွင်ကျေးရွာမှအိမ်ခြေ(၆၉)အိမ်၊အိုးမြင့်ခုံကျေးရွာမှအိမ်ခြေ(၇၉)အိမ်၊ ၀င်္ကဘာကျေးရွာမှအိမ်ခြေ (၇၇)အိမ်စုစုပေါင်း(၂၂၅)အိမ်သို့ ဆိုလာပြားခွဲဝေပေးခြင်း အခမ်းအနား ပြုလုပ်ခဲ့သည်။

          အခမ်းအနားတွင် မြို့နယ်အုပ်ချုပ်ရေးမှူးဦးနိုင်ဝင်းဇော်မှအဖွင့်အမှာစကားပြောကြားပြီး ကျေးလက် ဒေသဖွံ့ဖြိုးတိုးတက်ရေးဦးစီးမှူးဦးယုနိုင်လင်းက၂၀၁၄-၂၀၁၅ ဘဏ္ဍာရေးနှစ်တွင်ဌာနမှဆောင်ရွက်လျှက်ရှိ သည့် ဒေသဖွံ့ဖြိုးရေးလုပ်ငန်းများအား ရှင်းလင်းပြောကြားခဲ့သည်။ထို့နောက် ဇမ္မူရာဇ် ပုလဲထရေးဒင်းမှ မကွေးတိုင်းဒေသကြီး တာဝန်ခံအင်ဂျင်နီယာ ဦးပြည့်ဖြိုးသူက ဆိုလာပြားတပ်ဆင်သုံးစွဲပုံများအား ရှင်းလင်းပြသခဲ့ပြီး ဆိုလာမီး(၂၂၅)ယူနစ်အား မြို့နယ်ကျေးလက်ဒေသဖွံ့ဖြိုးတိုတက်ရေးဦးစီးဌာန ဦးစီးမှူးနှင့်မြို့နယ်ဖွံ့ဖြိုးတိုးတက်ရေးနှင့်အထောက်အကူပြုကော်မတီတို့ထံ လွှဲပြောင်းပေးအပ်ခဲ့သည်။

          ဆက်လက်၍  ၄င်းတို့မှ ဆိုလာပြားများအားကျေးရွာများ၏ ကျေးရွာဖွံ့/ထောက်ကော်မတီများထံ လွှဲပြောင်းပေးအပ်ခဲ့ပြီး ဇမ္ဗူရာဇ် ပုလဲ ထရေးဒင်း ကုမ္ပဏီမှ ဆိုလာမီး(၁)ယူနစ်တွင်ပါဝင်ပစ္စည်းများဖြစ်သည့် 80-W ဆိုလာပြား၊70-W ဘက္ထရီ၊ Lamper Controller 300-Inverter ၊AC(20-W)မီးချောင်းတစ်ချောင်းDC -5-W မီးလုံးနှစ်လုံးတို့အား ကျေးရွာသူကျေးရွာသားများရှေ့တွင် ဆိုလာမီး တစ်ယူနစ်ချင်း စမ်းသပ်သရုပ်ပြသခဲ့ကြောင်း သိရသည်။
သန်းနိုင်ဦး(ငဖဲ)

0 comments:

Post a Comment