Tuesday, December 30, 2014

မကွေးတိုင်းဒေသကြီးအတွင်းရှိ မြို့နယ်များအတွက် CNJ မီးသတ်ရေသယ်ယာဉ်(၃၁)စီး လွှဲပြောင်းပေးအပ်ပွဲ ကျင်းပ



မကွေး     ဒီဇင်ဘာ     ၂၉
          မကွေးတိုင်းဒေသကြီးအစိုးရအဖွဲ့မှ တိုင်းဒေသကြီးအတွင်းရှိ မြို့နယ်များအတွက် CNJ မီးသတ်ရေ သယ်ယာဉ်(၃၁)စီးနှင့်ပစ္စည်းကိရိယာများ လွှဲပြောင်းပေးအပ်ပွဲ အခမ်းအနားကို ယနေ့နံနက် ၉ နာရီက တိုင်းဒေသကြီးအားကစားကွင်းတွင် ကျင်းပပြုလုပ်ခဲ့သည်။

          အခမ်းအနားသို့ တိုင်းဒေသကြီးအစိုးရအဖွဲ့ဝန်ကြီးချုပ်ဦးဘုန်းမော်ရွှေ၊ တိုင်းဒေသကြီးအစိုးရအဖွဲ့  လုံခြုံရေးနှင့်နယ်စပ်ရေးရာဝန်ကြီးဗိုလ်မှူးကြီးဇော်လင်းအောင်၊ တိုင်းဒေသကြီး ပြည်သူ့လွှတ်တော် ကိုယ်စားလှယ်၊တိုင်းအဆင့်ဌာနဆိုင်ရာများ၊မိခင်ကလေး၊အမျိုးသမီးရေးရာ၊ကြက်ခြေနီနှင့် စက်မှုလုပ်ငန်း ရှင်များ၊ကုန်သည် ကြီးများအသင်းအဖွဲ့များ၊မြို့မိမြို့ဖများ၊သန္ဓေနှင့်အရန်မီး သတ်တပ်ဖွဲ့ ၀င်များ အင်အား ၅၀၀ ကျော်တက် ရောက်ခဲ့ကြသည်။


          ရှေးဦးစွာတိုင်းဒေသကြီးဝန်ကြီးချုပ်မှ အမှာစကားပြောကြားပြီး မကွေးခရိုင်၊ပခုက္ကူခရိုင်၊ဂန့်ဂေါ ခရိုင်များသို့လည်းကောင်း၊တိုင်းဒေသကြီး အစိုးရအဖွဲ့လုံခြုံရေးနှင့်နယ်စပ်ရေးရာဝန်ကြီးမှ သရက်ခရိုင်၊ မင်းဘူးခရိုင်များသို့လည်းကောင်း မီးသတ်ရေသယ်ယာဉ်နှင့်စပ်လျဉ်းသည့် စာရွက်စာတမ်းများအား လွှဲပြောင်းပေးအပ်ခဲ့ကြသည်။ ထိုနောက် တိုင်းဒေသကြီးမြို့နယ်များကိုယ်စား မကွေးမြို့မှ မြို့မိမြို့ဖ ဦးထွန်းဆိုင်မှ ကျေးဇူးတင်စကားပြန်လည်ပြောကြားခဲ့သည်။

          CNJ မီးသတ်ရေသယ်ယာဉ်(၃၁)စီး လွှဲပြောင်းပေးအပ်ရာတွင်  အဆိုပါမီးသတ်ရေယာဉ်များနှင့် ဆက်စပ်ပစ္စည်းများ၊မီးငြိမ်းသတ်ရေးကိရိယာများ၊ရှာဖွေကယ်ဆယ်ရေးပစ္စည်းကိရိယာများ အသုံးပြု၍  သရုပ်ပြသခြင်းများပြုလုပ်ခဲ့ကြကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment