Wednesday, December 31, 2014

မကွေးတိုင်းဒေသကြီး ပြည်သူ့ဆေးရုံကြီးတွင် ပေါက်မြို့နယ်မှ နားမကြားလူနာများအား အခမဲ့ ခွဲစိတ်ကုသပေး



မကွေး     ဒီဇင်ဘာ     ၃၀
          မကွေးတိုင်းဒေသကြီးဆေးရုံကြီးတွင် တိုင်းဒေသကြီးအစိုးရအဖွဲ့နှင့်တိုင်းဒေသကြီးကျန်းမာရေး ဦးစီးဌာနတို့ပူးပေါင်း၍ တိုင်းဒေသကြီးအတွင်း  ပေါက်မြို့နယ်မှ နားမကြားသူများအား ခွဲစိတ်ကုသပေးမှု အား ယနေ့ ညနေ ၄ နာရီကတိုင်းဒေသကြီးဝန်ကြီးချုပ်ဦးဘုန်းမော်ရွှေနှင့်တိုင်းဒေသကြီးအစိုးရအဖွဲ့ဝင် ၀န်ကြီးများ သွားရောက်ကြည့်ရှုအားပေးခဲ့သည်။

          ရှေးဦးစွာ တိုင်းဒေသကြီးအစိုးရအဖွဲ့ဝန်ကြီးချုပ်ဦးဘုန်းမော်ရွှေသည် တိုင်းဒေသကြီးဆေးရုံကြီး  နား၊နှာခေါင်းခွဲစိတ်ဆောင်တွင် မကွေးတိုင်းဒေသကြီးပေါက်မြို့နယ်မှ နားရောဂါဝေဒနာရှင်များမှ အကြီးစား ခွဲစိတ်ကုသမှုပြီးစီးသော  လူနာရှင်များအားတွေ့ဆုံ၍ အားပေးစကားပြောကြားခဲ့သည်။ထို့နောက် တိုင်းဒေ သကြီးကျန်းမာရေးဦးစီိးဌာနမှူးနှင့်နားခွဲစိတ်အထူးကုဆရာဝန် ဒေါက်တာစိမ်းလဲ့သွင်တို့မှ လူနာအလိုက်  ခွဲစိတ်ဆောင်ရွက်ထားမှုအခြေအနေ ပြန်လည်တိုးတက်လာမှုအခြအနေတို့ကို ရှင်းလင်းပြောကြားပြီး တိုင်းဒေသကြီးဝန်ကြီးချုပ်နှင့်အစိုးရအဖွဲ့ဝန်ကြီးများက လူနာများအား ထောက်ပံ့ငွေနှင့်ပစ္စည်းများပေးအပ် ခဲ့သည်။

          ၄င်းနောက်တိုင်းဒေသကြီးဝန်ကြီးချုပ်မှ နားရောဂါဝေဒနာရှင်များအား ခွဲစိတ်ကုသပေးသော အထူးကုဆရာဝန်ဒေါက်တာစိမ်းလဲ့သွင်နှင့်အဖွဲ့အား ဂုဏ်ပြုစကားပြောကြားခဲ့ပြီး လက်ဆောင်နှင့်ဂုဏ်ပြု ချီးမြှင့်ငွေများပေးအပ်ခဲ့သည်။

          မကွေးတိုင်းဒေသကြီးအစိုးရအဖွဲ့သည် တိုင်းဒေသကြီးအတွင်းရှိ ပြည်သူများ၏ ကျေးလက်ဒေသ ဖွံ့ဖြိုးရေးနှင့်ဆင်းရဲနွမ်းပါးမှုလုပ်ငန်းများအား အလေးထားဆောင်ရွက်လျက်ရှိရာ ပြည်သူများ၏လူမှုစီးပွား ဘ၀မြှင့်တင်ရေးအတွက် ကျေးလက်နေပြည်သူများ၏ ကျန်းမာရေးများက်ို စောင့်ရှောက်ပေးလျက်ရှိရာ ပေါက်မြို့နယ်မှ နားမကြားလူနာများအား တိုင်းဒေသကြီးဆေးရုံကြီးသို့ ခေါ်ဆောင်၍  အခမဲ့ခွဲစိတ်ကုသပေး ရာ အကြီးစားခွဲစိတ်မှု(၁၁)ဦး အသေးစားဆောင်ရွက်သူ(၁၇)ဦး နားကြားကိရိယာတပ်ဆင်သူ(၉)ဦးအား ဆောင်ရွက်ပေးခဲ့ကြောင်းသိရှိရသည်။

သန်းနိုင်ဦး(ငဖဲ)

0 comments:

Post a Comment