Sunday, December 28, 2014

အဌမအကြိမ်မြောက်အမေနေ့သရက်မြို့ တွင်ပြုလုပ်

သရက်မြို့စာပေဝါသနာရှင်များစုစည်းကျင်းပသောအဌမအကြိမ်အမေနေ့အခမ်းအနားကိုဒီဇင်ဘာ၂၇ရက်
နံနက်၉နာရီမှစတင်ကာလေးတိုင်စင်ရပ်ကွက်ရွှေမုဌောဘုရားကြီးအာရုံခံတန်ဆောင်းတွင်ကျင်းပပြု
လုပ်ကြောင်းသိရသည်။

"အမေနေ့အခမ်းအနားကိုနှစ်စဉ်ကျင်းပဖြစ်အောင်ကြိုးစားသွားမှာပါ။နှစ်တိုင်းအမေ့ခြေရာခံပွဲရယ်အသက်၈၀ကျော်အမေများကိုကန်တော့ပွဲရယ်။အမေကဗျာပြိုင်ပွဲဆုပေးပွဲရယ်အမေနေ့အထိမ်းအမှတ်ကဗျာဆိုပွဲရယ်ကျင်းပခြင်းဖြစ်ပါတယ်။နောင်နှစ်တွေမှာစာပေဟောပြောပွဲပါလုပ်နိုင်အောင်ကြိုးစားသွားမှာဖြစ်ပါတယ်"ဟုအမေနေ့ဖြစ်မြောက်ရေးအဖွဲ့မှစာရေးဆရာမိုး(သရက်)ကပြောသည်။

အမေနေ့ခြေရာခံပွဲကိုနံနက်၉နာရီမှစတင်ကာကျင်းပပြီးမွန်းလွဲ၁နာရီတွင်အသက်၈၀ကျော်အမေ၁၀ဦးအားကန်တော့ကာအမေကဗျာဆုရသောပထမဒုတိယတတိယနှင့်အထူးဆု၅ဆုချီးမြှင့်ခဲ့သည်။
ထို့နောက်သရက်ကံမအောင်လံကဗျာဆရာများမှအမေကဗျာများရွတ်ဆိုကြောင်းသိရသည်။

ညီမှူးအိမ်(အောင်လံ)

0 comments:

Post a Comment